ឈប់លួចខោអាវទ្រនាប់… ប្តូរមកលួចអាវភ្លៀងស្រ្តីវិញម្តង

ថ្ងៃពុធ 28/09/2022 | 8:55 ព្រឹក

នៅពេលអានព័ត៌មានជប៉ុនដែលមានចំណងជើងថា “បុរសម្នាក់លួច… របស់ស្រ្តីចំនួនច្រើន” មនុស្សជាច្រើនប្រាកដជាគិតភ្លាមដល់ខោអាវទ្រនាប់។

យ៉ាងណាប្រហែលជាចោរក៏ចង់ផ្លាស់ប្តូរម្តងដែរ។ ថ្មីៗនេះប៉ូលិស Osaka បានចាប់ខ្លួនបុរសម្នាក់ពីបទលួចអីវ៉ាន់របស់ស្រី្ត ប៉ុន្តែរបស់ដែលចោរលួចគឺអាវភ្លៀង។

ជាក់ស្តែងអ្នកដែលត្រូវចាប់ខ្លួនឈ្មោះ Yoshio Yoda អាយុ ៥១ ឆ្នាំ ជាបុគ្គលិកចែកចាយកាសែត។ លោកជាប់ពាក់ព័ន្ធនឹងករណីបាត់អាវភ្លៀងចំនួនច្រើន ជនរងគ្រោះសុទ្ធតែជាស្ត្រី។ នេះបើតាមព័ត៌មានពីអ្នកស៊ើបអង្កេត លោក Yoda តាមពីក្រោយជនរងគ្រោះពេលកំពុងជិះកង់ ឬរកតាមកន្ត្រកកង់នៅចំណតដែលគាត់សន្មត់ថាជារបស់ស្ត្រី។ ប្រសិនបើក្នុងកន្រ្តមានអាវភ្លៀងធំ ដែលភាសាជប៉ុនគេហៅថា Kappa គាត់នឹងលួច។

ហើយនេះជាហេតុផលពិបាកយល់បំផុតរបស់ជនល្មើស។

“ខ្ញុំមានអារម្មណ៍រំភើបពេលឃើញស្ត្រីស្លៀកអាវភ្លៀង ក៏ដូចជាពេលឃើញមនុស្សស្រីស្លៀកខោអាវទ្រនាប់” ។

លោក Yoda បានបន្ថែមថា អារម្មណ៍ស្អិតជាប់លើផ្ទៃអាវភ្លៀងសើមបានជម្រុញអោយគាត់មានចំណូលចិត្តចម្លែកបែបនេះ។ លើសពីនេះ គាត់គិតថា ទោះបាត់អាវភ្លៀងក៏មិនមាននរណារាយការណ៍ប្រាប់ប៉ូលិសដែរ។

បុគ្គលម្នាក់នេះបានធ្វើសកម្មភាពលួចអាវភ្លៀងប្រហែលតាំងពីឆ្នាំ ២០០៩ សរុប ១១៥ ករណី ជាមួយនឹងចំនួនខាតបង់ ១,១ លានយ៉េន ជាង ៣២០ មុខដែលត្រូវលួច។

Sacchan