សណ្ឋាគារ Imperial Tokyo ដាក់លក់នំប៉័ងសជួយ​កាត់​បន្ថយ​​ការ​ខ្ជះ​ខ្ជាយ​អាហារ

និយាយពីនំប៉័ងសាំងវិចមនុស្សជាច្រើនប្រាកដជាឃើញមាន​ស្រទាប់​ពីរ ស្រទាប់ខាងក្នុងពណ៌ស និងសំបកនំ។ ប៉ុន្តែ​ជប៉ុន​ជា​​ប្រទេស​​ពិសេស​មួយ ប្រជាជនជប៉ុនច្រើនមិនចូលចិត្តញ៉ាំសំបកនំសាំងវិចទេ។ ពួកគេចូលចិត្តស្រទាប់​នំប៉័ង​ទន់ ហើយភាគ​ច្រើន​មុខ​ម្ហូប​ដែល​ធ្វើ​ពី 食パン (នំប៉័ងសាំងវិច) ច្រើនតែកាត់សំបកនំខាងក្រៅចេញ។

ជាការពិតណាស់ ចំណូលចិត្តនេះមិនសំដៅលើជនជាតិជប៉ុនទាំងអស់នោះទេ ប៉ុន្តែដោយសារភាគច្រើន ដូច្នេះ​ហាង​នំប៉័ង​ជប៉ុន​កាត់ស្រទាប់​ខាង​ក្រៅ​ចេញ ដើម្បីបំពេញតាមតម្រូវអតិថិជនភាគច្រើន។

ក្រុមហ៊ុនមួយចំនួនដូចជា Yamazaki Baking ស្នើ Series Lunch Pack ប្រមូលសំបកនំ ហើយបញ្ជូនទៅកសិដ្ឋានចិញ្ចឹមសត្វដើម្បីជៀសវាងការខ្ជះខ្ជាយអាហារ ប៉ុន្តែ​យុទ្ធនាការ​បែប​នេះ​មិន​សូវ​ច្រើនប៉ុន្មានទេ ដូច្នេះបរិមាណអាហារ​មួយ​ចំនួន​ធំ​នៅ​តែ​ត្រូវ​ខ្ជះ​ខ្ជាយជារៀងរាល់ឆ្នាំនៅជប៉ុន។

បញ្ហាអាចនឹងត្រូវបានដោះស្រាយបើនំប៉័ងមិនមានស្រទាប់ខាងក្រៅ ផ្ទុយទៅវិញជំនួសដោយស្រទាប់ខាងក្រៅ​ពណ៌​ស ជាមួយនឹងរសជាតិឆ្ងាញ់មិនចាញ់ស្រទាប់ខាងក្រៅឡើយ។ នោះជាគំនិតផលិត Shokupan ថ្មីដែលបង្កើតឡើង​ដោយ The Imperial Hotel ។

សណ្ឋាគារនេះធ្លាប់លក់សាំងវិចចោលសំបកនំ ប៉ុន្តែចាប់ពីថ្ងៃទី ១ ខែតុលា ឆ្នាំ ២០២២ ពួកគេចាប់ផ្តើមលក់ប្រភេទ​សាំង​វិច​ថ្មី​មាន​សំបកនំពណ៌ស។ នំប៉័ងត្រូវបានដាក់លក់នៅ Gargantua Delicatessen ហាង​នំប៉័ង​លំដាប់​ខ្ពស់បម្រើ​ភ្ញៀវ​ក្នុង​សណ្ឋាគារ និង​សហគមន៍​មូលដ្ឋាន​តាំងពី​ឆ្នាំ ១៩៧១ ។

ចុងភៅ Sugimoto ដែលជាអ្នកសកម្មជម្រុញគោលដៅអភិវឌ្ឍប្រកបដោយនិរន្តរភាពនៃអង្គការសហប្រជាជាតិតាម​រយៈ​អាហារ​នាំមុខក្នុងការអភិវឌ្ឍន៍គំនិតនេះ។ ជាជាងគិតរកមធ្យោបាយ​កែច្នៃ​សំបកនំខាងក្រៅ ចូរសាកល្បង​គិត​ដល់​ប្រភេទ​នំប៉័ងដែលអាចបរិភោគបានទាំងអស់។ ក្រោយពេលសាកល្បងអស់​រយៈ​ពេល ៦ ខែ ផលិត​ផល​សម្រេច និង​ត្រៀម​ដាក់​លក់​នៅ​លើ​ទីផ្សារ។

នំបុ័ងប្រភេទថ្មីនេះត្រូវបានដុតនៅសីតុណ្ហភាពទាបជាង Shokupan ធម្មតា ដូច្នេះនំប៉័ងទន់ទាំងខាងក្នុង និងខាង​ក្រៅ។ ក្រៅពីនំប៉័ងពណ៌ស នំបុ័ង​ពណ៌​លឿង​ដែលធ្វើពីការ៉ុតក៏ត្រូវបានដាក់លក់ផងដែរ។

ក្រុមហ៊ុនគ្រោងនឹងដំឡើងផលិតជាបណ្តើរៗ ពង្រីកការប្រើប្រាស់នំបុ័ងថ្មីសម្រាប់ភោជនីយដ្ឋាននៅខាងក្នុងសណ្ឋា​គារ Imperial លុប​បំបាត់​ការ​ខ្ជះ​​ខ្ជាយ​​អាហារ​ទាំង​ស្រុងនៅចុងឆ្នាំសារពើពន្ធ ២០២៣ ។

Sacchan

មើលបន្ថែម: