ភោជនីយដ្ឋានពិសេសប្លែកភ្នែកមើលទៅ​ដូច​ជា​រូង​ភ្នំ​ក្រោម​ដី​នៅ​ប្រទេស​ជប៉ុន

មើលពីលើចុះក្រោម ស្ថាបត្យកម្ម​ភោជនីយដ្ឋានទាំង​មូលពិតជាពិសេស ដូចជារូងភ្នំប្លែកភ្នែក។

ភោជនីយដ្ឋានមើលទៅដូចជាត្រូវស្ថាបត្យករ Junya Ishigami លាក់ក្រោមដី។ រូបភាព៖ DEZEEN

ភោជនីយដ្ឋាននេះនៅទីក្រុង Ube ខេត្ត Yamaguchi ប្រទេសជប៉ុន ទីនេះថែមទាំងជាកន្លែងស្នាក់នៅរបស់ចុង​ភៅ​ជន​ជាតិ​ជប៉ុន Motonori Hirata ដែលជាមិត្តចាស់របស់ស្ថាបត្យករ Junya Ishigami ។

យោងតាមទស្សនាវដ្ដី Dezeen ភោជនីយដ្ឋានត្រូវបានស្ថាបត្យករ Ishigami រចនាឡើងស្រដៀងសួនវង្វេងជា​មួយនឹង​បរិយាកាស​រូង​ភ្នំ បំបែកដោយប្រហោងមូលធំ និងសសរ​រាង​ថ្ម​ដា។

ស្ថាបត្យកម្មចម្លែកនេះត្រូវបានបង្កើតឡើងតាមរយៈការចាក់បេតុងចូលទៅក្នុងរន្ធដែលបានជីក។ បន្ទាប់ពីបេតុង​រឹង ដី​នៅ​ជុំវិញ​ត្រូវ​បាន​យក​ចេញ ដើម្បីបង្កើតជារូបរាងមិនធម្មតានេះ។

ស្ថាបត្យកររក្សាស្រទាប់ដីគ្របលើជញ្ជាំងអាគារ។ រូបភាព៖ DEZEEN

តាមការរចនាដំបូងរបស់ស្ថាបត្យករ Ishigami ភក់ត្រូវបានលាងសម្អាតចេញពីបេតុង បន្ទាប់ពីសំណង់ទាំងមូល​ជីក​រួច​រាល់។ ទោះជាយ៉ាងណា នៅ​ពេល​មើល​ឃើញ​ស្រទាប់​ដី​លើ​អគារ លោកបានសម្រេចចិត្តទុកស្រទាប់ខាងក្រៅ បង្កើត​បរិយាកាស​ដូច​ជារូងភ្នំធម្មជាតិ។

វិធីសាស្រ្តសាងសង់ដ៏ពិសេសនេះបានបង្កើតទេសភាពទាំងមូលដូចនៅក្រោមដី លាក់កំបាំង និងស្ថាបត្យកម្មភោជនីយ​ដ្ឋាន​មាន​ភាព​រឹង​មាំ យូរអង្វែង ដូចជាវានៅទីនេះយូរយារណាស់មកហើយ។

ភោជនីយដ្ឋានត្រូវបានសាងសង់ដោយចាក់បេតុងចូលទៅក្នុងរន្ធលើផ្ទៃដី។ រូបភាព៖ DEZEEN

នៅលើដំបូលភោជនីយដ្ឋានលាបពណ៌សមើលទៅដូចជាស្នាមប្រហោងចម្លែកលើផ្ទៃដី។ ថ្នាំលាបភ្លឺចាំងផ្ទុយនឹង​ពណ៌​បៃតង​នៃ​ដើម​ឈើ​ជុំវិញ។

ទីតាំងភោជនីយដ្ឋាននៅ​​ខាងជើង ចំណែក​កន្លែង​រស់នៅស្ថិតនៅខាងត្បូង។ ប្រហោងត្រូវបានបិទជិតដោយកញ្ចក់ បង្កើត​បរិយកាស​បើក​ចំហរ និង​កន្លែង​សមរម្យសម្រាប់ការរស់នៅ។

នៅពេលដែលភោជនីយដ្ឋានបិទទ្វារ កន្លែងទទួលទានអាហារក្លាយជាបន្ទប់គ្រួសារធំទូលាយ។

ដីនៅជុំវិញប្លុកបេតុងត្រូវបានយកចេញដើម្បីបង្កើតស្ថាបត្យកម្មរូងភ្នំ។ រូបភាព៖ DEZEEN

អគារនេះបែងចែកជាពីរកន្លែងគឺភោជនីយដ្ឋាន និងកន្លែងរស់នៅ។ រូបភាព៖ DEZEEN

មើលពីខាងលើ អគារនេះមើលទៅដូចជាប្រហោងចម្លែក ប៉ុន្តែទាក់ទាញភ្នែក។ រូបភាព៖ DEZEEN

កន្លែងទទួលភ្ញៀវ។ រូបភាព៖ DEZEEN

កញ្ចក់ប្រើសម្រាប់បិទបាំងបរិយាកាសរស់នៅ។ រូបភាព៖ DEZEEN

ប្រភព៖ Skydoor