អ្នកប្រើបណ្តាញសង្គមជប៉ុនភ្ញាក់ផ្អើលនឹងមូលហេតុ​ផ្លាកសញ្ញា​ឡាន​ក្រុង​ក្រឡាប់​ដោយសារទប់​ទល់​នឹង​ព្យុះ​មិន​មែនមកពីខ្យល់បក់ខ្លាំងឡើយ

ថ្មីៗនេះជប៉ុនទទួលរងព្យុះធំ ក្នុងស្ថានភាព​ព្យុះ​ភ្លៀង​បែបនេះ បើមើលឃើញផ្លាក​សញ្ញា​រថយន្តក្រុងរលំធ្លាក់តាម​ដង​ផ្លូវ​គ្មាន​អ្វី​ចម្លែក​ទេ។ ប៉ុន្តែរូបភាពផ្លាក​សញ្ញា​រថយន្តក្រុង​ដែលទាក់ទាញចំណាប់អារម្មណ៍អ្នកប្រើបណ្តាញសង្គម ដោយ​សារ​តែ​​ប្រតិបត្តិ​កររថយន្តក្រុងបាននិយាយថា ពួកគេមានចេតនាដកផ្លាកសញ្ញានេះ ហើយដាក់លើដីដើម្បី​ទប់​ទល់​នឹង​ព្យុះ។

រូបថតត្រូវបានបង្ហោះដោយអ្នកប្រើ Twitter Manabu INOUE(@kasobus) ថតនៅ Shijo Kawaramachi ទីក្រុង Kyoto ។

ដើម្បី​ការពារ​តារាងព័ត៌មាន​នៅ​ចំណត​រថយន្តក្រុងរលំដោយសារ​ខ្យល់បក់ខ្លាំងពេលមានព្យុះ ប្រតិបត្តិកររថយន្តក្រុង​បាន​​ដក​​ផ្លាក​សញ្ញា​​នេះ​ចេញ​មុន​ព្យុះ​ចូល​មក​ដល់។ ពួកគេបិទក្រដាសជូនដំណឹងថា “ដើម្បីធានាសុវត្ថិភាពពេលព្យុះ​ ១៤ ជិតមកដល់ យើងនឹងដកផ្លាកសញ្ញាឡានក្រុងចុះមុន” ។ ទោះជាយ៉ាងណា មនុស្សជាច្រើនយល់ច្រឡំផ្លាកសញ្ញាត្រូវព្យុះធ្វើអោយរលំ ហើយស្នើអោយជួសជុល។

នៅខាងក្រោម Comment នៃការបង្ហោះខាងលើ មនុស្សមួយចំនួនដឹងរឿងនេះលើកដំបូង ហើយពួកគេគិតថាពិត​ជា​ល្អ​ខ្លាំង​ណាស់។

ការ​ដក​ផ្លាកសញ្ញារថយន្តក្រុង​ចេញ​មុននឹងព្យុះមកដល់ក៏មាននៅតាមខេត្តផ្សេងទៀតដែរ។

Sacchan

មើលបន្ថែម: