ត្រីកន្ទុយបី ២ ក្បាលត្រូវគេចោលក្នុងធុងសំរាម អ្នក​ប្រើ Twitter ជន​ជាតិ​​ជប៉ុន​​ខឹង​ខ្លាំង​និយាយ​ថា “បើ​ចិញ្ចឹម​​មិន​បាន សូម​ប្រគល់​អោយ​ម្ចាស់​ហាង​វិញ”

កាលពីពេលថ្មីៗនេះ បុគ្គលិកក្រុមហ៊ុន Twitter ម្នាក់ដែលមានឈ្មោះ @namastie បានបង្ហោះរូបភាពត្រីកន្ទុយបី ២ ក្បាល​ជា​មួយ​នឹង Caption “បើ​​ចិញ្ចឹម​​មិន​​បាន កុំទៅចាប់ត្រីកន្ទុយបី” ។

បុគ្គលម្នាក់នេះក៏បានអោយដឹងដែរថាខ្លួនកំពុងកាន់ត្រី ២ ក្បាល ទោះបីជាវាខ្សោយ ប៉ុន្តែ​នៅ​មាន​ជីវិត។

“ពេលទៅរើសត្រី បើចិញ្ចឹម​មិនបាន ចូរប្រគល់ទៅអោយហាងវិញ” ។

ត្រីក៏ជាជីវិតមួយដែរ ទោះបីមិនដឹងនិយាយយ៉ាងណា ប៉ុន្តែខ្ញុំចង់សួរអ្នកដែលចោលត្រីនោះថា បើគ្រួសារប្រាប់ថាមិន​ត្រូវ​ការ​អ្នក ហើយចោលក្នុងធុងសំរាម តើអ្នកមានអារម្មណ៍យ៉ាងណា? កាលពីតូច ខ្ញុំធ្លាប់រើសបានត្រី​កន្ទុយបី អណ្តើក កូនមាន់ត្រូវគេបោះចោលក្នុងធុងសំរាម ពិតជាគួរអោយសោកស្តាយណាស់ដែល​ទម្លាប់យកជីវិតមក​លេង​សើច​នៅ​តែ​បន្ត។

មិនដូចជាឆ្កែ ឬឆ្មានោះទេ ត្រីកន្ទុយបីមិនបង្ហាញអារម្មណ៍លើទឹកមុខ ដូច្នេះប្រហែល​ជា​មនុស្ស​មួយ​ចំនួន​មិន​មាន​អារម្មណ៍​​ថា​ខុសឆ្គងពេលបោះបង់ចោលពួកវា។ ទោះជាយ៉ាងណា នៅពេលដែលចាប់បាន ឬរើសបានសត្វ ត្រូវមានទំនួល​ខុស​ត្រូវ​ការ​ពារ និងចិញ្ចឹមផងដែរ។ ពេលស្រង់ត្រីកន្ទុយបីក្នុងពិធីបុណ្យរដូវក្តៅនៅជប៉ុន អ្នកមានជម្រើស​មិន​​យក​​ត្រី​​ទៅ​​វិញ។ ប្រសិនបើយល់ថាមិនអាចចិញ្ចឹមបាន គួរតែពិគ្រោះជាមួយអ្នកជំនាញ ឬម្ចាស់ហាង ដើម្បី​ស្វែង​រក​ម្ចាស់​ថ្មី​អោយវា។

ម៉្យាងវិញទៀត ការប្រលេងត្រីចូលទន្លេ និងសមុទ្រអាចបំផ្លាញប្រព័ន្ធអេកូឡូស៊ីក្នុងស្រុក។

Sacchan