កម្មវិធីគណនា “2 in 1” បង្កើតឡើងដោយវិស្វករជន​ជាតិ​ជប៉ុន​ចូល​និវត្តន៍​មួយរូប

ការច្នៃប្រឌិតមិនកំណត់លើអាយុនោះទេ មិនថាចូលនិវត្តន៍ហើយក៏ដោយ ជនជាតិជប៉ុននៅតែគិតជានិច្ច ហើយមិនអនុញ្ញាតឱ្យខ្លួនសម្រាកឡើយ។ វិស្វករជនជាតិជប៉ុនអាយុ ៦៣ ឆ្នាំម្នាក់បានចំណាយពេលចូលនិវត្តន៍របស់ខ្លួន ដើម្បី​បង្កើត​កម្មវិធី​គណនា​យ៉ាង​ពិសេស។

កម្មវិធីគណនានេះត្រូវបានដាក់ចេញសម្រាប់ iPhone និង iPad ក្រោមឈ្មោះ “Twin-Calc” ។ អ្នកបង្កើតកម្មវិធី Hiroyuki Ueda នៅ Nishinomiya សង្កាត់ Hyogo ។ ដំបូងទោះបីជាមានការលំបាកខ្លះពេលជម្រុញអោយអ្នកប្រើប្រាស់​ទាញ​យក​កម្មវិធី ប៉ុន្តែបន្ទាប់ពីវិស្វករ​បាន​កែ​សម្រួល​មួយ​ចំនួន ចំនួនអ្នកទាញ​យក​កើន​ឡើងគួរ​អោយ​​កត់​សម្គាល់។

“Twin-Calc” ម៉ាស៊ីនគិតលេខពីរអនុញ្ញាតឱ្យអ្នកប្រើផ្លាស់ទីលទ្ធផលគណនាពីម៉ាស៊ីនគិតលេខមួយទៅម៉ាស៊ីនមួយទៀតដោយចុចលើព្រួញដែលបង្ហាញនៅកណ្តាលអេក្រង់។ ឧទាហរណ៍ប្រសិនបើអ្នកប្រើគណនា “៨៩ x ១៥ = ១៣៣៥” លើ​ម៉ាសុីន​គិត​លេខ​មួយរួចចុចសញ្ញាព្រួញ លទ្ធផល “១៣៣៥” នឹងបង្ហាញនៅលើអេក្រង់ម៉ាស៊ីនគិតលេខផ្សេង​ទៀត ដែលអនុញ្ញាតឱ្យអ្នកប្រើបន្តការគណនាខណៈពេលដែលរក្សាលទ្ធផលការគណនាមុន។ ចំណុចនេះជួយកាត់​បន្ថយ​កំហុស​អំឡុង​ពេល​គណនា។

លោក Ueda រៀនផ្នែករចនាមេកានិចនៅសកលវិទ្យាល័យ ហើយធ្វើការខាងផ្នែកវិស្វកម្ម រួមទាំងការរចនាការបញ្ជូន​នៅ​ក្រុមហ៊ុន​រថយន្ត​ជា​ច្រើនឆ្នាំមុនពេលចូលនិវត្តន៍នៅអាយុ ៦០ ឆ្នាំ។

ទន្ទឹមនឹងនេះ លោកក៏​ជា​អ្នក​គាំទ្រ iPhone ហើយ​ចាប់​ផ្ដើម​រៀន Programming Language បន្ទាប់​ពី​ចូល​និវត្តន៍។ នៅ​ពេល​នេះ វិស្វករបានរកឃើញក្តីស្រមៃរបស់ខ្លួន ជាការច្នៃប្រឌិតដែលជួយអោយជីវិតមានភាពងាយស្រួល។

លោក Ueda បានចាប់ផ្តើមតម្រង់ទិសបង្កើតកម្មវិធីកុំព្យូទ័រកាលពី ៣ ទៅ ៤ ឆ្នាំមុន ហើយចាប់​ផ្តើម​គម្រោង​​នេះ​​ជា​​ផ្លូវ​​ការ​ក្នុងខែសីហា ឆ្នាំ ២០២១ ។ វិស្វករ​រូប​នេះ​បាន​និយាយ​ថា គាត់​ចង់​បង្កើត​កម្មវិធី​ដែល​មាន​លក្ខណៈ​​ពិសេស។ តាមរយៈជំហាន​ដំបូង​នេះ លោកឆ្ពោះ​ទៅ​រក​ការ​បង្កើត​កម្មវិធី​មួយ​ចំនួន​សម្រាប់ iPhone និង iPad ។

លោក Ueda នឹកឃើញដំណើរការរបស់ខ្លួន “ខ្ញុំដឹងថាមិនងាយស្រួលនោះទេ ប៉ុន្តែរឿងនេះពិបាកណាស់” ។

បញ្ហាកើតឡើងចំពោះករណីបញ្ចូលលេខដែលមានសញ្ញាទសភាគ។ ឧទាហរណ៍អ្នកប្រើបញ្ចូលលេខ ០,៥ ដោយបញ្ចូល​លេខ ០ សញ្ញា​ទសភាគ បន្ទាប់​មក​លេខ ៥ ហើយក៏មានអ្នករំលងលេខ ០ គ្រាន់តែបញ្ចូលសញ្ញាទសភាគ និងលេខ ៥ ប៉ុណ្ណោះ។ លោក Ueda បានអោយដឹងថា “មានប្រហែល ១០០ ករណីបញ្ចូលលេខ ហើយខ្ញុំត្រូវធ្វើការច្រើនដើម្បី​ដោះ​​ស្រាយ​​បញ្ហា​​នេះ” ។

ក្រោយពេលសាកល្បង និងមានកំហុសជាច្រើនដង លោក Ueda អាចដាក់ចេញកម្មវិធីនាខែឧសភា ឆ្នាំ ២០២២ ។ ដំបូងការទាញយកមានចំនួនតិច ដោយសារពេលនោះកម្មវិធីអាចបង្ហាញលើអេក្រង់បញ្ឈរបានត្រឹមតែ ១ ប៉ុណ្ណោះ ចង់​​ឃើញ​​អេក្រង់​​ពីរ​​ត្រូវ​​បង្វិល​​ទូរសព្ទ​​ផ្ដេក។ នៅពេលនោះអ្នកប្រើគិតថានេះគ្រាន់តែជាកម្មវិធីគណនាធម្មតា។

បន្ទាប់មកលោក Ueda បានធ្វើការកែសម្រួល កំណត់អេក្រង់កម្មវិធីផ្តេកអាចបង្ហាញលើកុំព្យូទ័រពីរក្នុងពេលតែ​មួយ។ កំណែអាប់ដេតនេះត្រូវបានចេញផ្សាយនៅថ្ងៃទី ១៨ ខែសីហា។ គិតត្រឹមថ្ងៃទី ៨ ខែកញ្ញា ចំនួនទាញយកប្រមាណ ៥៦,៨០០ សម្រាប់កំណែដែលមានតម្លៃ ៤៩០ យ៉េន និង ៥០០០ ការទាញយកសម្រាប់កំណែឥតគិតថ្លៃ។ មុន​នោះ​មាន​តែ ១៨,០០០ នាក់ប៉ុណ្ណោះដែលបានទាញយកកំណែបង់ប្រាក់មុនពេលអាប់ដេត ចំនួនទាញយកជាង ៣ ដង​បន្ទាប់​ពី​អាប់​ដេត។

លោក Ueda បាននិយាយថា កិច្ចការបន្ទាប់ដែលគាត់ចង់ធ្វើគឺស្វែងរកវិធីបង្ហាញលើអេក្រង់បញ្ឈរទាំងពីរ។

ក្នុងវ័យរបស់លោក Ueda មានមនុស្សតិចណាស់ស្គាល់បច្ចេកវិទ្យា ដូច្នេះលោក Ueda មានបំណងចង់ក្លាយជាអ្នកបំផុស​គំនិត​សម្រាប់​អ្នក​ដែល​ចង់​ស្វែង​យល់អំពីវិស័យនេះ។

Sacchan