ខ្លាឃ្មុំ Ninja វាយប្រហារកសិដ្ឋានគោយកទឹកដោះនៅ Hokkaido

ខ្លាឃ្មុំ Ninja មានទម្លាប់វាយប្រហារនៅពេលយប់ ដោយផ្អែកលើការវិភាគដានជើង គំរូ DNA នៃរោម និងលាមក​ដែល​បន្សល់​ទុក​នៅ​កន្លែង​កើត​ហេតុ ខ្លាឃ្មុំ Ninja បានក្លាយជាសត្វត្រូវគេសង្ស័យថាវាយប្រហារគោយកទឹកដោះនៅកសិដ្ឋាននៅ Shibecha និងទីប្រជុំជន Akkeshi ជិតខាង។

ខ្លាឃ្មុំ Ninja ឬគេហៅម្យ៉ាងទៀតថា Oso ១៨ សំដៅ​ទៅ​លើ​ទំហំទទឹង​ស្នាម​ជើង​បន្សល់ទុក (១៨ សង់ទីម៉ែត្រ) ស្រុក Ososhibetsu នៃ Shibecha ។ ខ្លាឃ្មុំនេះមានទំហំធំនៅប្រទេសជប៉ុន អ្នក​ជំនាញ​ជា​ច្រើន​បាន​ប៉ាន់​ប្រមាណ​ថាខ្លាឃ្មុំ​នេះ​មាន​​ទម្ងន់​​ប្រហែល ៣០០ គីឡូក្រាម។

យោងតាមលោក Masami Yamanaka នាយកសមាគមខ្លាឃ្មុំត្នោត Shiretoko នៃ Hokkaido បានអោយដឹង ៦០ ករណី​វាយ​ប្រហារ​សត្វពាហនៈក្នុងរយៈពេល ៣ ឆ្នាំនៅទីប្រជុំជនទាំងពីរជាចំនួនខ្ពស់។

មនុស្សមួយចំនួនសង្ស័យថាខ្លាឃ្មុំ Ninja អាចដើរលើទន្លេដើម្បីជៀសវាងការបន្សល់ទុកដាន។ ការវាយប្រហារមួយ​កើត​ឡើង​កាល​ពី​ខែ​កក្កដា​បានបង្ហាញថាខ្លាឃ្មុំចេះកាយរន្ធលូនដោយជៀសវាងរបងអគ្គីសនី។

ករណីខ្លាឃ្មុំវាយប្រហារគោយកទឹកដោះជារឿងចម្លែកណាស់ទៅហើយ ជាពិសេសក្នុងកម្រិតខ្ពស់។ លោក Yoshikazu Sato សាស្ត្រាចារ្យផ្នែកបរិស្ថានវិទ្យាសត្វព្រៃនៅសាកលវិទ្យាល័យ Rakuno Gakuen បានបង្ហាញការព្រួយបារម្ភខ្លាឃ្មុំ​យក​តម្រាប់​តាម​សកម្មភាព​របស់​គ្នា​ទៅ​វិញ​ទៅ​មក។ ជាក់ស្តែង ប្រសិនបើខ្លាឃ្មុំមួយក្បាលទៀតសង្កេតឃើញខ្លាឃ្មុំ Ninja វាយ​ប្រហារ​គោយកទឹកដោះ ខ្លាឃ្មុំនោះអាចធ្វើតាមសកម្មភាព ហើយចាប់ពីពេលនោះពូជខ្លាឃ្មុំ Ninja នឹងច្រើន​​ឡើង។

Sacchan