ចាន និងស្លាបព្រាអគ្គិសនីជួយអោយមុខម្ហូបមានរសជាតិឆ្ងាញ់​ចេញ​លក់​នៅ​​ឆ្នាំ ២០២៣ ខាងមុខនេះហើយ

កាលពីមុន ជប៉ុនបានបង្កើតចង្កឹះមួយគូដែលជួយឱ្យអ្នកប្រើមានអារម្មណ៍ថាមុខម្ហូបប្រៃដោយមិនចាំបាច់បន្ថែម​អំបិល។ នៅ​ពេល​នោះ សាកល​វិទ្យា​ល័យ Meiji និងសាជីវកម្ម Kirin ក៏បានបង្កើតបច្ចេកវិទ្យាស្រដៀងគ្នានេះ​ដែរ ប៉ុន្តែ​អនុវត្ត​ទៅ​លើ​ស្លាប​ព្រា និង​ចាន។

តោះទស្សនាវីដេអូខាងក្រោម។

ឈុតចានបាយនេះប្រើចរន្តអគ្គិសនីស្រាលដើម្បីបង្កើនរសជាតិអាហារ ដំណើរការដោយបញ្ជូនរលកទៅកាន់ផ្ទៃឧបករណ៍​ដល់​អាហារ ដោយផ្ទុកអុីយ៉ុងដែលបង្កើតជា NaCl ។ នៅពេលប៉ះអណ្តាត អុីយ៉ុងដែលប្រមូលផ្តុំគ្នានឹងជួយអោយ​អណ្តាត​មាន​អារម្មណ៍ថាមានជាតិប្រៃ ទោះបីជាមុខម្ហូបមិនបន្ថែមអំបិលក៏ដោយ។

បញ្ហាស្ថិតលើការរចនាចង្កឹះរាងស្តើងដែលធ្វើឱ្យពិបាកភ្ជាប់ប្រភពថាមពល ដូច្នេះអ្នកប្រើត្រូវពាក់ខ្សែផ្គត់ផ្គង់ថាម​ពល​នៅ​កដៃ។ ចំណែកចាន និងស្លាបព្រាអាចដាក់ថ្ម ក៏ដូចជាបង្កើនចំនួនមុខម្ហូបដូចជាស៊ុប ឬការី។ ចានមួយនេះ​ធ្វើ​​ឱ្យ​​ម្ហូប​​មាន​រសជាតិ​ឆ្ងាញ់​ជាង​មុន ១,៥ ដង ដែលកែលម្អប្រហែល ៣០% បើ​ធៀប​ទៅ​នឹង​ចង្កឹះ។

ចំណុចល្អមួយផ្សេងទៀតសម្រាប់អ្នកដែលចូលចិត្ត​ឧបករណ៍​នេះ​គឺ Kirin បានអោយដឹងថានឹងចាប់ផ្តើមលក់ផលិត​ផល​​នៅ​​ឆ្នាំ​​ក្រោយ។ ផលិតផលនេះមានឈ្មោះថា Erekisoruto (エレキソルト) ជាភាសាជប៉ុន ប៉ុន្តែ​នៅ​មិន​ទាន់​​ដឹង​​ថា​​ឈ្មោះ​អន្តរ​ជាតិរបស់ផលិតផលយ៉ាងណានោះទេ។

Sacchan