Tsukimi Focaccia ការរួមបញ្ចូលយ៉ាងពិសេសរវាង Sailor Moon និងសាំងវិច

សរទរដូវមិនត្រឹមតែជារដូវមើលព្រះច័ន្ទនៅជប៉ុនប៉ុណ្ណោះទេ ហើយក៏ជារដូវ sandwich មើលព្រះច័ន្ទផងដែរ។ ទំនោរ​នេះ​ចាប់​ផ្តើម​នៅ​ពេល​ដែល​ខ្សែ​សង្វាក់​ប៊ឺហ្គឺ​បាន​ទទួល​យក​សញ្ញា tsukimi (មើលព្រះច័ន្ទ) ដែលត្រូវបានភោជនីយ​ដ្ឋាន​មីនៅជប៉ុនប្រើសម្រាប់ពណ៌នា​សកម្មភាពដាក់​ស៊ុតចូលចាន soba ឬ udon ដើម្បីចម្អិនដោយកម្តៅ​ទឹក​ស៊ុប។

ចំពោះសាំងវិច tsukimi ស៊ុតត្រូវបានចម្អិនទន់ជាជាងទុកឆៅ ក្រៅពីសាំងវិច tsukimi និងសាំងវិចមាន់បំពង tsukimi ។ នៅឆ្នាំនេះមានហត់​ដក tsukimi របស់ Mos Burger និងកំពុងត្រូវបានផ្សាយពាណិជ្ជកម្មដោយតួអង្គគួរ​ឱ្យ​ចាប់​អារម្មណ៍​គឺ Sailor Moon ។

“ក្នុងនាមព្រះច័ន្ទ វាពិតជាឆ្ងាញ់ណាស់” អ្នកបញ្ចូលសំឡេង Sailor Moon Kotono Mitsuishi

ថ្វីត្បិតតែព្រះច័ន្ទពេញវង្សក្នុងខែកញ្ញាគឺថ្ងៃសៅរ៍សប្តាហ៍មុន ប៉ុន្តែ Tsukimi Focaccia ដែលគេហៅថា sandwich មិន​ត្រូវ​បាន​ដាក់​លក់​រហូតដល់ថ្ងៃព្រហស្បតិ៍សប្តាហ៍ក្រោយឡើយ។ ទោះជាយ៉ាងណា ពួកគេនិយាយ​ថា​យឺត (និងឆ្ងាញ់) ប្រសើរជាងអត់ ដូច្នេះយើងទៅកាន់ Mos Burger ក្នុងតំបន់ដើម្បីមើលព្រះច័ន្ទ និងទទួលទានអាហារថ្ងៃត្រង់។

ជាការពិតណាស់គ្រឿងផ្សំពីរយកតាមប្រធានបទព្រះច័ន្ទ ក្រៅពីស៊ុតស្ងោរឆ្អិន នៅមានហត់ដកកោងរំលឹកដល់ព្រះច័ន្ទមួយចំណិត។

នៅពេលខាំមួយមាត់ដំបូង យើងរីករាយនឹងអារម្មណ៍ពិសេស ស៊ុតស្ងោរ និងហត់ដកទំពាក្នុងមាត់។

Tsukimi Focaccia តម្លៃ ៥២០ យ៉េន (៣,៧ ដុល្លារ) 

Tsukimi Focaccia មានហត់ដក ស៊ុត ទឹកជ្រលក់សាច់អាំង ផ្សិត ត្រប់វែង ស្ពៃក្តោប និងសាឡាត់ គ្រឿងផ្សំនីមួយៗនាំមកនូវលក្ខណៈពិសេសសម្រាប់ Tsukimi Focaccia ស្រដៀងនឹង Sailor Moon និងចំណែកក្រុម Sailor Senshi បន្ថែមកម្លាំងគ្នាទៅវិញទៅមកពេលប្រយុទ្ធនឹងអំពើអាក្រក់ ហើយគ្រប់យ៉ាងរួមបញ្ចូលគ្នាយ៉ាងល្អបង្កើតបានជា Tsukimi Focaccia ។

ប្រភព៖ SoraNews24

មើលបន្ថែម: