រឿងអាស្រូវ​ស៊ីសំណូក​ទាក់ទង​នឹង​កីឡា​អូឡាំពិកទី​ក្រុង​តូក្យូ​ប្រធាន Kadokawa ត្រូវចាប់ខ្លួន

ប្រធានក្រុមហ៊ុនបោះពុម្ព Kadokawa ជាប់​សង្ស័យ​ពី​បទ​សូកប៉ាន់​ប្រាក់ចំនួន ៦៩ លាន​យ៉េន (៤៨១.០០០ ដុល្លារ) ទៅកាន់ក្រុមហ៊ុនប្រឹក្សាយោបល់ជាថ្នូរនឹងការជួយអោយ Kadokawa ក្លាយជាអ្នកឧបត្ថម្ភព្រឹត្តិការណ៍កីឡា​អូឡាំពិក និង​ប៉ារ៉ាឡាំពិក​កាល​ពី​រដូវ​ក្តៅ​ឆ្នាំ​មុន។

រូបភាព៖ Kyodo

កាលពីថ្ងៃទី ១៤ ខែកញ្ញា ព្រះរាជអាជ្ញាជប៉ុនបានចាប់ខ្លួនប្រធានក្រុមហ៊ុនបោះពុម្ព Kadokawa លោក Tsuguhiko Kadokawa អាយុ ៧៩ ឆ្នាំ ជាមួយ​នឹង​ការ​ចោទ​ប្រកាន់​ពាក់ព័ន្ធ​នឹង​រឿង​អាស្រូវ​ស៊ីសំណូក​ធំ​ទាក់​ទង​នឹង​កីឡា​អូឡាំពិក និង​​ប៉ារ៉ាឡាំ​ពិកទីក្រុងតូក្យូឆ្នាំ ២០២០ ។

អ្នកស៊ើបអង្កេតសង្ស័យថាគាត់បានធ្វើប្រតិបត្តិការផ្ទេរប្រាក់ចំនួន ៩ ពីគណនីធនាគារក្នុងនាមសាជីវកម្ម Kadokawa ​ទៅ​កាន់ក្រុមហ៊ុនប្រឹក្សា​យោ​បល់​របស់​លោក Kazumasa Fukami នៅចន្លោះខែកញ្ញា ឆ្នាំ ២០១៩ ដល់​ខែ​មករា ឆ្នាំ ២០២១ ។

លោក Fukami ជាអ្នកស្គាល់គ្នារបស់អតីតនាយកប្រតិបត្តិនៃគណៈកម្មាធិការរៀបចំអូឡាំពិកទីក្រុងតូក្យូ លោក Haruyuki Takahashi ដោយ​សារ​អ្នក​ទាំង​ពីរ​ធ្លាប់ជាបុគ្គលិកក្រុមហ៊ុនផ្សាយពាណិជ្ជកម្មល្បី Dentsu Inc.

សមាជិក BTC Olympic Tokyo ម្នាក់បន្តពាក់ព័ន្ធករណីរឿងអាស្រូវស៊ីសំណូក

លោក Kadokawa ត្រូវគេសង្ស័យថា​ឃុបឃិត​ជាមួយ​មនុស្ស ២ នាក់ ក្នុងនោះមានអតីតនាយកប្រតិបត្តិ Kadokawa លោក Toshiyuki Yoshihara ដើម្បី​ទទួល​សំណូក ដែល​តាម​រយៈ​នោះ Kadokawa បានក្លាយជា “អ្នកឧបត្ថម្ភផ្លូវការ” នៃព្រឹត្តិការណ៍កីឡាអូឡាំពិក និងប៉ារ៉ាឡាំពិកក្នុងបញ្ជីឈ្មោះដែលបានឧបត្ថម្ភផ្សព្វផ្សាយ​ព្រឹត្តិ​ការណ៍​​កីឡា​​ធំ​ទាំង​​ពីរ​​នេះ។

លោក Kadokawa ជា​អ្នកដឹកនាំទី ២ ត្រូវចាប់ខ្លួនក្នុងករណី​រឿងអាស្រូវ​ខាងលើ បន្ទាប់ពីលោក Hironori Aoki អតីត​ប្រធាន​សាជីវកម្ម​លក់​រាយ​ម៉ូដ​សម្លៀក​បំពាក់ Aoki Holdings Inc.

លោក Aoki កំពុង​ប្រឈម​នឹង​ការ​ចោទ​ប្រកាន់​ផ្តល់សំណូកដើម្បីត្រូវបានជ្រើសរើសជាអ្នកឧបត្ថម្ភ។

ប្រភព៖ Skydoor