សកម្មភាពឆបោករបស់ក្រុមស្រីស្អាតនៅសម័យ Edo

ជប៉ុន​ជា​ប្រទេស​មួយ​ដែល​យក​ចិត្ត​ទុក​ដាក់​យ៉ាង​ខ្លាំង​ចំពោះ​ការរក្សាទំនៀម​ទម្លាប់ពី​ដូនតា។ ដើម្បីថែរក្សាពូជពង្សវង្សត្រកូល បញ្ហាមានកូនបន្តវង្សត្រកូលពិតជាសំខាន់ណាស់។ កាលពីបុរាណ ដោយសារវេជ្ជសាស្រ្ដមិនទាន់រីក​ចម្រើន ទារក​ស្លាប់​ក្នុង​ផ្ទៃ​ច្រើន ដូច្នេះ​សម្ពាធធ្លាក់លើ​ប្រពន្ធ។

ក្រៅពីនេះ ក្នុង​គ្រួសារ​ដែល​មាន​ប្រាក់ និង​ឋានៈ បុរសមានប្រពន្ធ ឬស្រីស្នេហ៍ច្រើនជារឿងដែលអាចទទួលយកបាន។

ក្នុង​បរិបទ​ប្រវត្តិសាស្ត្រ​បែប​នេះ ក្រុមស្រីស្អាត​ដែល​មាន​ជំនាញ​ឆបោកត្រូវបានបង្កើតឡើង។

ក្រុមស្រីស្អាតទាំងនេះមានឈ្មោះថា Shouben-gumi ក្នុងនោះ Shouben សំដៅ​លើសកម្មភាពបត់ជើងតូច។ ហេតុ​អ្វីបានជាដាក់ឈ្មោះបែបនេះ? តោះចូរស្វែងយល់ខាងក្រោម។

ក្រុម Shouben-gumi មានសមាជិកស្រីស្អាត ច្រើនតែដើរតួជាប្រពន្ធចុង ឬស្រីកំណាន់របស់អ្នកមាន។ នៅពេលដែលជួបមនុស្សម្នាក់មានប្រាក់ ពួកគេនឹងព្យាយាមល្បួង។ ប្រសិនបើបុរសម្នាក់នោះចាប់អារម្មណ៍ ពួកគេបង្ខំអោយបុគ្គលនោះបង់ប្រាក់ជាច្រើន ប្រហែល ១៤ លានយ៉េនបើតាមតម្លៃរូបិយវត្ថុបច្ចុប្បន្ន ដើម្បីចុះ​កិច្ច​សន្យា​អាពាហ៍​ពិពាហ៍។

ប៉ុន្តែបន្ទាប់ពីប្រគល់ប្រាក់…

ជារៀងរាល់យប់ពេលដេកជាមួយបុរសម្នាក់នោះ នាងតែងតែនោមដាក់ខោ។ នាងនោមពេលដេកលក់ ហើយប្រាប់​បុរស​ម្នាក់​នោះ​ថា​ជាជំងឺដែលមិនអាចព្យាបាលបាន។

ពិតជា​កខ្វក់​ពេកហើយ ប៉ុន្តែដោយសារតែស្រីស្អាត ដូច្នេះហើយទើបទ្រាំ។

ដោយសារការអាណិតស្រលាញ់របស់បុរសម្នាក់នោះ នាងបន្តសុំទិញរបស់របរថ្លៃៗ។

ព្រោះតែចំណាយប្រាក់ច្រើន ក៏ដូចជានោមដាក់ខោរាល់យប់ ភាគីខាងបុរសដល់ពេលដែលទ្រាំលែងបាន។ ប៉ុន្តែកិច្ចសន្យា​មិន​ងាយកាត់ផ្តាច់នោះទេ បុរសម្នាក់នោះត្រូវបង់ថ្លៃសំណងបន្ថែម ប្រសិនបើចង់រួចផុតពីអន្ទាក់​នេះ។

យ៉ាងណាមិញ គ្រប់យ៉ាងមានចំណុចល្អ និងអាក្រក់ ធ្វើជាអ្នកបោកប្រាស់ត្រូវប្រឈមមុខនឹងហានិភ័យ។

បុរសមួយចំនួនមិន​ដឹង​ថា​ខ្លួន​ត្រូវ​គេ​បោក​ទេ យកចិត្តទុកដាក់នឹងនាង ហើយចង់យកនាងទៅពិនិត្យ។ វិធីសាស្រ្តដែល​វេជ្ជបណ្ឌិត​ប្រើ​សម្រាប់​ព្យាបាលត្រូវបានគេហៅថា Okyuu (お灸) – ជប់ខ្យល់។

វិធីសាស្រ្តនេះរមួល និងដាក់ប្រភេទរុក្ខជាតិមួយដែលមានឈ្មោះថា Mogusa លើខ្លួនរួចដុតភ្លើង អាចព្យាបាលឈឺខ្នងយ៉ាងមានប្រសិទ្ធភាព ប៉ុន្តែសរុបទៅក្តៅខ្លាំងណាស់។

ដើម្បីទប់ស្កាត់ស្ថានភាពនោមដាក់ខោ គ្រូពេទ្យច្រើនជ្រើសរើសវិធីសាស្រ្តនេះ។ ពួកគេធ្វើអោយ Mogusa មានទំហំប៉ុន​ស៊ុត ដាក់​ចូល​ទ្វារ​មាស​រួច​ដុត។

គ្រាន់តែគិតក៏គួរអោយខ្លាចណាស់ទៅហើយ ប៉ុន្តែក្រុមនារីឆបោកត្រូវទ្រាំនឹងវិធីសាស្រ្តខាងលើ ហើយ​មនុស្ស​ជា​ច្រើន​​ពេល​​ឮ​​រឿង​​នេះ​​ក៏​​បោះ​បង់​គំនិត​ចូល​រួម​ក្រុមបោកប្រាស់ផងដែរ។

ដោយផ្ទាល់ ខ្ញុំគិតថា ប្រសិន​បើគ្រូពេទ្យដឹងអំពីចរិកលក្ខណៈរបស់អ្នកបោកប្រាស់ ហើយចង់ដាក់ទណ្ឌកម្មពួកគេពិត​ជា​ល្អណាស់ ប៉ុន្តែបើវេជ្ជបណ្ឌិតមិនដឹង វាហាក់ដូចជាការឆបោកមួយប្រភេទផ្សេងទៀតនៅសម័យអេដូ។ ដោយ​ហេតុ​នេះ​ឃើញ​ថា ចំណេះដឹងផ្នែកវេជ្ជសាស្រ្ដ និងការប្រើប្រាស់ឱសថកាលពីសម័យមុនគួរអោយខ្លាចប៉ុណ្ណា។

Kengo Abe