ថ្ងៃនេះយើងនឹងសាកល្បង “កៅអីវេទមន្ត” ដែលជួយឱ្យអ្នកអាចអង្គុយបាននៅគ្រប់ទីកន្លែង

តើបង Masanuki ពាក់កៅអី ឬកៅអីពាក់គាត់?

ធ្វើការនៅ SoraNews24 មានន័យថាពេលខ្លះអ្នកត្រូវចេញទៅក្រៅ និង​ដោះស្រាយ​កិច្ចការ​ដ៏លំបាក​ដូចជា​ការ​ប្រណាំង​​ខ្លា​ឃ្មុំ​​ផេន​ដា​​យក្ស ឬ​ជួសជុល​ផ្ទះ​តម្លៃ​ថោក​នៅ​ជនបទ។ ដោយសារក្រុមការងាររបស់យើងមិនអាចធ្វើការនៅការិយាល័យធម្មតាបាន ដូច្នេះនេះជាដំណោះស្រាយដែលល្អឥតខ្ចោះ។ ហេតុ​នេះយើងបានឆ្លៀតឱកាសដើម្បីសាកល្បង “កៅអីវេទមន្ត” នៅពេលដែលអ្នកអានម្នាក់បានផ្តល់យោបល់ដល់យើង។

ជាពិសេស កៅអីនេះបានទាក់ទាញអ្នកយកព័ត៌មានជប៉ុន បង Masanuki Sunakoma ដែលជាអ្នករកឃើញម៉ូដែល​​ស្រដៀង​​គ្នា​​មួយ​​ចំនួន​មាន​​តម្លៃ​​ចាប់​​ពី ៨.០០០ ដល់ ១២.០០០ យ៉េន (៥៦.១៤ ដល់ ៨៤.២១) នៅលើ Amazon ជប៉ុនអាស្រ័យលើគោលបំណងប្រើប្រាស់របស់វា។ ចុងក្រោយ គាត់បានទិញឈុតដែលថោកបំផុតមានតម្លៃ ៧.៩៤៥ យ៉េន ដែលត្រូវបានផ្សាយពាណិជ្ជកម្មថាងាយស្រួលសម្រាប់ការដើរផ្លូវឆ្ងាយ ឡើងភ្នំ ស្ទូចត្រី ប្រគំតន្ត្រី និង​កន្លែង​ជា​ច្រើន​ទៀត។

ទំនិញរបស់គាត់បានមកដល់ បន្ទាប់ពីបញ្ជាទិញប្រហែល ២ សប្តាហ៍។

គាត់បានទាញវាចេញ ហើយថតសកម្មភាពកំប្លែងពេលគាត់ពាក់ចូលជើងរបស់ខ្លួន។

កៅអីនេះអាចផ្ទុកទម្ងន់ដល់ទៅ ១៥០ គីឡូក្រាម។ ទោះជាយ៉ាងណា បង Masanuki ឆ្ងល់ថាវាអាចនឹងរំខានជំហានដែរ​អត់។

ក្រដាសណែនាំហាក់ដូចជាស្តើងពេលគាត់បើកវាចេញ។

បន្ទាប់មកគាត់ចងខ្សែ Velcro ជុំវិញជើងឆ្វេងរបស់ខ្លួនតាមការណែនាំ។ គាត់បានធានាថាវារឹងមាំសម្រាប់ការ​សាក​ល្បង​នេះ។

ក្រោយមកវាត្រូវបានចងជាប់ជើងស្តាំ និងខ្សែក្រវ៉ាត់ជុំវិញចង្កេះរបស់គាត់។ គាត់ត្រូវកែតម្រូវកន្លែងដែលភ្ជាប់ខាងក្រោយ​ជង្គង់​របស់​ខ្លួន​បន្តិច។

នៅពេលដែលបានបំពាក់គ្រប់គ្រាន់ ថាមពលកម្លាំងហាក់ដូចជាហ៊ុំព័ទ្ធគាត់ ហើយគាត់មានអារម្មណ៍ថាខ្លួនអាចធ្វើ​គ្រប់​យ៉ាង (បន្ថយល្បឿន Masanuki!) ។ ដល់ពេលដែលត្រូវសាកល្បងកៅអីវេទមន្តនេះហើយ។

បន្ទាប់​ពីដើរបាន​ប៉ុន្មាន​ជំហាន គាត់បាននិយាយថាកៅអីមិនរំខានដំណើរនោះទេ។ ប្រាកដណាស់ ដូចជាធ្ងន់បន្តិច ប៉ុន្តែវាល្មមនឹងជើងរបស់គាត់ ហើយពិតជាមិនពិបាកដើរទេ។ ទោះជាយ៉ាងណា វា​មិន​ធ្វើ​អោយ​ដំណើរ​ងាយស្រួល​ឡើយ។

បន្ទាប់មកទៀត សាកល្បងអង្គុយចុះ គាត់បន្ទន់ជើងរបស់ខ្លួនដូចជាកំពុងអានអ្វីម៉្យាង…

ស្រាប់តែដួល…

អង្គុយចោងហោង ឬអាចនិយាយបានថាទ្រមិនបានល្អ វាមិនងាយស្រួលទាល់តែសោះ។ អ្វីដែលបង Masanuki អាចធ្វើបាន​គឺ​ថាធ្វើពុតអង្គុយលើកៅអីដែលមើលមិនឃើញ។

យ៉ាង​ណា​មិញ គាត់​មិន​មែន​ជា​មនុស្ស​ដែល​ងាយ​នឹង​ចុះ​ចាញ់​នោះទេ ដូច្នេះគាត់សម្រេចចិត្តចងខ្សែឡើងវិញ។

បានសម្រេចហើយលើកនេះ…

ប៉ុន្តែវាបែរជាបរាជ័យម្តងទៀត។

គាត់បានកែតម្រូវវាម្តងទៀត ប៉ុន្តែនៅតែមិនបានសម្រេច។

បង Masanuki បាន​សន្និដ្ឋាន​ថា ប្រសិនបើ​គាត់ទម្លាប់នឹងខ្សែចង ប្រហែលគាត់អាចរក្សាឥរិយាបថ​អង្គុយចោង​ហោង។ ពួកគេបានធ្វើអោយការអង្គុយចោងហោងរយៈពេលយូរងាយស្រួលជាងមុន។ ដូច្នេះមិនមានប្រយោជន៍សម្រាប់​ការ​អង្គុយ​ធ្វើ​ការ​នោះ​ទេ កុំថាឡើងភ្នំ។ យល់ល្អគួរតែយកកៅអីដែលអាចបត់បានតាម ព្រោះវាអាចដោះស្រាយ​បញ្ហា​គ្រប់​យ៉ាង។

បង Masanuki មិន​ដឹង​ថា​គាត់ទទួលយកបទពិសោធន៍​អាក្រក់​ឬ​អត់​ទេ ព្រោះតែទិញកៅអីដែលថោក ឬ​ប្រើ​វាមិន​ត្រឹម​ត្រូវ។ ទោះ​ជា​យ៉ាង​ណា គាត់​ពិត​ជាចូលចិត្តគំនិតកៅអីវេទមន្តនេះណាស់។

ប្រភព៖ SoraNews24