ក្រុមអ្នកវិទ្យាសាស្ត្រជប៉ុនបង្កើតមនុស្សយន្តកន្លាតដំណើរការដោយថាមពលពន្លឺព្រះអាទិត្យ

កន្លាតគឺជាសត្វល្អិតដែលមនុស្សជាច្រើនស្អប់ ទាំងកង្វក់ និងគួរឱ្យខ្លាច។

មុនពេលមនុស្សយើងសម្លាប់សត្វកន្លាតច្រើន ហើយធ្វើឱ្យពួកវាផុតពូជ (ឬអត់) អ្នកវិទ្យាសាស្ត្រជប៉ុនកំពុងគិតចង់​ធ្វើ​អោយសត្វកន្លាតក្លាយទៅជាមនុស្សយន្ត។ មិនមែនបង្កើតមនុស្សយន្តរូបរាងកន្លាតនោះទេ ប៉ុន្តែធ្វើអោយកន្លាត​ក្លាយ​ទៅ​ជាមនុស្ស​យន្ត។

បច្ចេកវិទ្យានេះប្រើប្រាស់ថាមពលពន្លឺព្រះអាទិត្យ ដែលផ្តល់ថាមពលដល់សៀគ្វីដោត ហើយត្រូវបានបញ្ចូលក្នុងប្រព័ន្ធ​សរសៃ​ប្រសាទ​របស់សត្វល្អិត។ គ្រាន់តែចុចប៊ូតុង នោះកន្លាតនឹងធ្វើគ្រប់យ៉ាងតាមសំណើរបស់អ្នក។

ថ្វីត្បិតតែមិនត្រូវការថាមពលច្រើន ប៉ុន្តែថ្មអាចនឹងក្លាយជាបញ្ហាសម្រាប់កន្លាត។ ពោះរបស់កន្លាតធ្វើអោយវាអាច​រមៀល​ចុះ​ឡើង​បាន​យ៉ាង​ងាយ​ស្រួល។ ទោះជាយ៉ាងណា នៅពេលភ្ជាប់គ្រឿងអេឡិចត្រូនិចលើខ្លួនកន្លាតអាចកាត់បន្ថយសមត្ថភាពធ្វើចលនារបស់វា ដែលធ្វើអោយពួកវាមានប្រយោជន៍តិចជាងប្រភេទមនុស្សយន្តផ្សេងទៀត។

ក្រុមអ្នកវិទ្យាសាស្ត្រមកពីវិទ្យាស្ថានស្រាវជ្រាវ Riken ជប៉ុន បានរកដំណោះស្រាយដោយប្រើប្រភេទថ្មថាមពលពន្លឺព្រះ​អាទិត្យ​សកម្ម។

ក្រុមស្រាវជ្រាវបាន​សាកល្បងវត្ថុធាតុ​ស្តើង​ៗ​ជា​ច្រើន​ប្រភេទ​ដើម្បី​ផលិតថ្មថាមពល​ពន្លឺ​ព្រះអាទិត្យ។ ជាចុងក្រោយ ពួកគេបានសម្រេចចិត្តប្រើ Film ស្តើងសរីរាង្គក្នុងទម្រង់ស្អិត និងមិនជាប់ស្អិត ដើម្បីរក្សាចំណុចសកម្មរបស់សត្វកន្លាត។ តាម​លទ្ធផល​ដែលបានប្រកាសថ្មីបំផុត បន្ទះស្រូបពន្លឺព្រះអាទិត្យដែលបំពាក់លើខ្លួនកន្លាតអាចបង្កើត​ថាម​ពល​បាន ១៧.២ មេហ្គាវ៉ាត់។

អ្នកវិទ្យាសាស្ត្រយល់ថា សត្វកន្លាតមនុស្សយន្តអាចជួយមនុស្សក្នុងការរុករកកន្លែងតូចចង្អៀត ជំនួយក្នុងប្រតិបត្តិ​ការ​ជួយ​សង្គ្រោះ​ពេល​មាន​គ្រោះ​មហន្តរាយ។

Sacchan

មើលបន្ថែម: