កញ្ញា Momo ដែលជាសមាជិកក្រុមចម្រៀងហាត់ចលនានេះ ១៥០​ ដង​ក្នុង​មួយ​ថ្ងៃ​ដើម្បីអោយចង្កេះស្អាត

ស្រីស្អាតកើតនៅឆ្នាំ ១៩៩៦ ទទួលបានការសរសើរជាច្រើនពីអ្នកប្រើបណ្តាញសង្គមព្រោះតែរាងស្រលូនរបស់នាង។

កញ្ញា Momo ជាសមាជិកជនជាតិជប៉ុននៃក្រុមចម្រៀងកូរ៉េ – Twice ។

កញ្ញា Momo ជាសមាជិកក្រុមចម្រៀង Twice នាងកើត​នៅ​ឆ្នាំ ១៩៩៦ នៅ Kyoto ប្រទេសជប៉ុន។ តាំងពីពេលបង្ហាញ​ខ្លួន​ដំបូង កញ្ញា Momo បង្កការចាប់អារម្មណ៍ដោយសាររូបរាងស្អាត មិនត្រឹមតែមានតុល្យភាពប៉ុណ្ណោះទេ ថែម​ទាំង​មាន​សុខ​ភាព​ល្អ​ទៀត​ផង។ ថ្វីត្បិតតែមិនខ្ពស់ពេក ១ ម៉ែត្រ ៦២ ប៉ុន្តែកញ្ញា Momo ត្រូវបានគេចាត់ទុក​ថា​រាង​កាយ​គួរ​ឱ្យ​ចាប់​អារម្មណ៍។

ចង្កេះតូចក្រោម ៦០ សង់ទីម៉ែត្រ បង្ហាញពីរូបរាងស្រស់ស្អាត។ ដូច្នេះហើយ មនុស្សជាច្រើនបានប្រៀបធៀបរូបរាងរបស់​នាង​នឹង​ដប​ភេសជ្ជៈ។

រូបរាងដ៏គួរឱ្យចាប់អារម្មណ៍របស់កញ្ញា Momo 

ដើម្បីថែរាងត្រូវពឹងលើការខិតខំប្រឹងប្រែងហ្វឹកហាត់យ៉ាងឧស្សហ៍របស់កញ្ញា Momo ។ ក្នុងកម្មវិធីមួយ នាង​ធ្លាប់បាន​បង្ហើប​ថាខ្លួនឧស្សាហ៍​អនុវត្តចលនា plank twist ។ Plank ល្អសម្រាប់ការហ្វឹកហាត់សាច់ដុំពោះ ជួយឱ្យអ្នកមាន​រាង​ស្លីម។

​Plank មិនគួរឱ្យធុញនោះទេ ព្រោះតែវាមានច្រើនចលនា អ្នកអាចផ្លាស់ប្តូរ ជាមួយគ្នានេះបង្កើនប្រសិទ្ធភាពដុតកាឡូរី បង្កើន​កម្លាំង​សាច់​ដុំ។

កញ្ញា Momo ហាត់ចលនា plank ១៥០ ដងក្នុងមួយថ្ងៃ។

ដើម្បីអនុវត្តចលនានេះ ជាដំបូងត្រូវដឹងអំពីចលនា plank មូលដ្ឋាន។ អ្នកដេកផ្កាប់ ប្រើកែងដៃ និងម្រាមជើងទ្ររាងកាយ។ អ្នកលើកដងខ្លួន គូទ ខ្នង និងស្មាធ្វើយ៉ាងណាបង្កើតជាបន្ទាត់ត្រង់។ អ្នកត្រូវកត់សម្គាល់បន្តឹងសាច់​ដុំ​ពោះ​ដើម្បី​ទ្រ​រាង​កាយ។

បន្ទាប់មក អ្នកបង្វិលរាងកាយទៅមក កញ្ញា Momo បាន​បង្ហើប​ថា នាងហាត់ចលនានេះប្រហែល ១៥០ ដង។

រូបភាពដែលថតដោយ​អ្នក​គាំទ្រ 

ក្រៅពីនេះ កញ្ញា Momo ក៏ខំប្រឹងលើកទម្ងន់ របារទាញឡើង ហាត់បន្តឹងក្បាលពោះ ។ល។ ទន្ទឹមនឹងនេះ មិនអាចមិនរាប់ការហាត់រាំរបស់កញ្ញា Momo នោះទេ។ នាងត្រូវគេចាត់ទុកដូចជា “ម៉ាស៊ីនរាំ” របស់ Twice ព្រមទាំងជា idol ដែលមានជំនាញរាំល្អ។ តាំង​ពី​ក្មេងកញ្ញាហាត់រាំអាជីពនៅ​ប្រទេស​ជប៉ុន ដូច្នេះទើបរាង​កាយ​របស់កញ្ញា Momo ប្រែប្រួល​តាម​ធម្មជាតិ។

កញ្ញា Momo ចូល​ចិត្ត​ញ៉ាំ ប៉ុន្តែ​នាង​ខំ​ប្រឹងហ្វឹកហាត់ ដូច្នេះមិនឡើងទម្ងន់នោះទេ។

កញ្ញា Momo ធ្លាប់បង្ហើបថា កាលនៅជាសិក្ខាកាមនាងធ្លាប់អនុវត្តរបបអាហារមិនត្រឹម​ត្រូវ នៅពេលដែលក្រុមហ៊ុន​តម្រូវ​អោយ​សម្រក ១៥ គីឡូក្រាម ដើម្បីចូលរួម showcase ។

បច្ចុប្បន្ននេះ កញ្ញារៀបចំរបបអាហារដែលមានសុខភាពល្អ។ នាងអាចញ៉ាំគ្រប់យ៉ាងដែលខ្លួនចង់ ប៉ុន្តែនៅតែអាច​រក្សា​ទម្ងន់​កម្រិត​មធ្យម គួបផ្សំនឹងការហ្វឹកហាត់យ៉ាងឧស្សាហ៍ ជួយអោយកញ្ញា Momo មានសម្រស់ស្រស់ស្អាត និង​សុខ​ភាព​ល្អ។

ប្រភព៖ Skydoor