កុមារីអាយុ ៣ ឆ្នាំត្រូវទុកចោលក្នុងឡានសាលាស្លាប់ក្រោយរយៈពេល ៣ ម៉ោង

យោងតាមទំព័រ NHK ក្រុមអ្នកស៊ើបអង្កេតបានអោយដឹងថាកុមារីអាយុ ៣ ឆ្នាំស្លាប់ដោយសារទទួលរងកម្តៅខ្លាំងពេក បន្ទាប់ពីត្រូវទុកចោលរយៈពេល ៣ ម៉ោងនៅលើឡានក្រុងសាលា​មត្តេយ្យ ខេត្ត Shizuoka ភាគ​កណ្តាលប្រទេស​ជប៉ុន។

ក្មេងស្រីឈ្មោះ Kawamoto China ត្រូវទុកចោលក្នុងឡានក្រុងសាលាមត្តេយ្យ Kawasaki នៅទីក្រុង Makinohara នាម៉ោង ៩ ព្រឹក​កាល​ពី​ថ្ងៃច័ន្ទ ហើយ ៥ ម៉ោងក្រោយមកទើបប្រទះឃើញ។ ប្រភពព័ត៌មាន NHK បានអោយដឹងក្រុម​ស៊ើប​អង្កេត​សន្មត់​ថា​កុមារី​បាន​ស្លាប់​មុនថ្ងៃត្រង់ថ្ងៃនោះ។

លោក Masuda Tatsuyoshi ដែលជាប្រធានសាលាមត្តេយ្យនេះ ជាអ្នកបើកឡានក្រុងនៅថ្ងៃនោះ។ លោក​បានសុំទោស​​ក្នុង​​សន្និសីទ​​កាសែត​​កាល​ពី​​ថ្ងៃ​​ពុធ។

ក្រុមស៊ើប​អង្កេត​បានអោយដឹងកុមារីនោះអង្គុយនៅកៅអីជួរទី ៥ រាប់ពី​ខាង​មុខ​រថយន្ត ប៉ុន្តែនៅពេលដែលប្រទះឃើញប្អូនវេលាម៉ោង ២ រសៀល ប្អូនដេកក្រោមកៅអីជួរទី ៣ ។ សម្លៀកបំពាក់របស់ប្អូនត្រូវបានរកឃើញនៅ​លើ​កៅ​អី​ផ្នែក​ខាង​មុខ​ជិត​ទ្វារ។

ប៉ូលីសសន្មត់ថាកុមារីដើរទៅមកក្នុងឡានក្រុងខណៈដែលសីតុណ្ហភាពកើនឡើង ហើយចំណុចនេះធ្វើអោយស្ថាន​ភាព​របស់​ក្មេង​ស្រី​កាន់​តែ​អាក្រក់​ទៅៗ។

ប្រភព៖ NHK