ព្រះរាជបុត្រជប៉ុនមានព្រះជន្ម ១៦ ព្រះវស្សា

ព្រះរាជបុត្រ Hisahito ជាបុត្ររបស់ព្រះអង្គម្ចាស់ Akishino និងអ្នកម្នាង Kiko មានព្រះជន្ម ១៦ ព្រះវស្សាកាល​ពី​ថ្ងៃ​ទី ៦ ខែកញ្ញា។

ព្រះរាជបុត្រកំពុងចូលរៀនឆ្នាំដំបូងនៅវិទ្យាល័យមួយនៅ Otsuka នៃសាកលវិទ្យាល័យ Tsukuba (Tokyo) ។

នេះបើយោងតាមសារព័ត៌មាន Japan News ព្រះរាជបុត្រ Hisahito ចូលរួមថ្នាក់រៀនយ៉ាងសកម្ម ក៏ដូចជាសកម្មភាព​ជា​ច្រើន​ទៀត​នៅសាលា ជាមួយមិត្តភ័ក្តិរបស់ព្រះរាជបុត្រ បើ​តាម​ទីភ្នាក់ងារកិច្ចការផ្ទៃក្នុងគ្រួសាររាជវង្សជប៉ុន។

នៅពេលចូលរួមក្លឹបវាយសីរបស់សាលា ព្រះរាជបុត្រផ្តោតលើការហ្វឹកហាត់សុខភាព និងអនុវត្តមូលដ្ឋានគ្រឹះនៃកីឡានេះ។

ព្រះរាជបុត្រ Hisahito ជាមួយព្រះអង្គម្ចាស់ Akishino និងអ្នកម្នាង Kiko (រូបភាព៖ Kyodo)

អំឡុងពេលវិស្សមកាលរដូវក្តៅ ព្រះរាជបុត្រជប៉ុនបានធ្វើដំណើរសិក្សារយៈពេលបីថ្ងៃទៅកាន់ Tateshina ខេត្ត Nagano ។ នៅទីនោះ ព្រះរាជបុត្រ Hisahito រៀនសម្គាល់ភ្នំដោយប្រើត្រីវិស័យ និងផែនទី ជាមួយគ្នានេះដើរផ្លូវឆ្ងាយ​ឡើង​ភ្នំ Tateshina ។

ក្រៅពីនេះ ព្រះរាជបុត្រក៏បានស្រាវជ្រាវអំពី​បរិស្ថានរស់នៅរបស់សត្វកន្ទុំរុយនៅ​គេហដ្ឋាន​របស់​ព្រះរាជបុត្រក្នុងវិមាន​រាជវង្ស Akasaka (Tokyo) ។ ព្រះរាជបុត្រក៏ចាប់ផ្តើមយកចិត្តទុកដាក់ទៅលើការអភិរក្សជីវសាស្រ្ត និងបង្កើតបរិយាកាស​ក្នុង​ផ្ទះ។

នៅពេលដែលកំពុងដាំស្រូវជាមួយគ្រួសារក្នុងបរិវេណសួនរាជវង្ស ព្រះរាជបុត្រ Hisahito ក៏បានបន្តធ្វើការពិសោធន៍​លើ​ការ​បង្កាត់​ពូជ​ស្រូវ​ផង​ដែរ។ ការពិសោធន៍ទាំងនេះត្រូវបានព្រះរាជបុត្រជប៉ុនចាប់ផ្តើមកាលនៅរៀន​ធម្យម​សិក្សា។ 

ព្រះរាជបុត្រក៏​បាន​កំដរ​មាតាបិតាចូល​រួមសកម្មភាព​ផ្លូវការ។ កាលពីថ្ងៃទី ៣១ ខែកក្កដា ព្រះរាជបុត្របានចូលរួម​ពិធី​បើក​មហោ​ស្រព​វប្បធម៌​វិទ្យាល័យទូទាំងប្រទេសជប៉ុន និងជួបជាមួយសិស្សវិទ្យាល័យជាច្រើនទៀតទូទាំងប្រទេស។

ប្រភព៖ Skydoor