ពិធីបុណ្យដុតភ្នំដែលប្រារព្ធធ្វើឡើងនៅប្រទេស​ជប៉ុន​បង្ហាញ​ពី​ទស្សនីយ​ភាព​ដ៏​អស្ចារ្យ

ភ្នំ Wakakusa ត្រូវដុតបំផ្លាញទាំងស្រុងក្នុងអំឡុងពេលពិធីបុណ្យនិទាឃរដូវប្រចាំឆ្នាំនៅទីក្រុង Nara ប្រទេស​ជប៉ុន។

រូបភាព៖ Gltjp

Wakakusa Yamayaki ជា​ពិធីបុណ្យ​ប្រចាំឆ្នាំ​ដ៏​ល្បីល្បាញ​ ជាមួយនឹងពិធីដុតភ្នំយ៉ាងពិសេស។ ពិធីបុណ្យប្រព្រឹត្តទៅនៅថ្ងៃសៅរ៍ សប្តាហ៍ទី ៤ ខែមករា ស្មៅលើជម្រាលភ្នំ Wakakusayama ត្រូវដុតឆេះ អមដោយការបាញ់កាំជ្រួចលើផ្ទៃមេឃ។

រូបភាព៖ Nathan Vennekens

ភ្នំ Wakakusa មានកម្ពស់ ៣៥០​ ម៉ែត្រ ជាភ្នំភ្លើងអសកម្មនៅខាងក្រោយឧទ្យាន Nara ខេត្ត Nara ប្រទេសជប៉ុន។ នៅលើកំពូលភ្នំ ភ្ញៀវ​ទេស​ចរណ៍​អាច​គយ​គន់​ទេស​ភាពទីក្រុង Nara ទាំងមូល។

រូបភាព៖ Wikimedia Commons

Wakakusa ជាកន្លែងពេញនិយមសម្រាប់ដើរលេង។ ភ្នំគ្របដណ្តប់ទៅដោយស្មៅ និងតាមបណ្តោយភ្នំមានដើមផ្កាសាគូរ៉ារីកស្គុសស្គាយនាដើមខែមេសា។ ពេលរដូវរងាមកដល់ ស្មៅចាប់ផ្តើមងាប់ ចំណែកស្លឹកផ្កាសាគូរ៉ាធ្លាក់។ នេះជាពេលប្រារព្ធពិធីបុណ្យ Wakakusa Yamayaki ។

រូបភាព៖ GreatTeacherKevin

គ្មាន​នរណាម្នាក់​ដឹង​​ថាប្រពៃណី​ដុត​ភ្នំ​កម្ពស់​ ៣៥០ ម៉ែត្រនេះចាប់ផ្តើមយ៉ាងណានោះទេ ប៉ុន្តែវាមានរយៈពេលរាប់​រយ​ឆ្នាំ​មុន។

រូបភាព៖ Iris Creative Commons

ប្រជាជនក្នុងតំបន់និយាយតៗគ្នារឿងប្រភព​កំណើតពិធីបុណ្យ និងពិធីដុតភ្នំពិសេសនេះ។ ក្នុងនោះដំណើររឿងនិយាយពីទំនៀមទម្លាប់ផ្តើមចេញពីជម្លោះព្រំដែនរវាងប្រាសាទធំទាំងពីររបស់ Nara គឺ Todai-ji និង Kofuku-ji ប្រហែលសតវត្ស​ទី ១៨ ។ តាមទ្រឹស្ដីមួយទៀតគឺថា ភ្លើងឆេះប្រចាំឆ្នាំ​ក្នុង​គោល​បំណង​បញ្ចៀស​វិញ្ញាណអាក្រក់ និងបណ្តេញជ្រូក​ព្រៃ។

រូបភាព៖ Creative Commons

សព្វ​ថ្ងៃ​នេះពិធីបុណ្យដុតភ្នំដែល​មាន​ទស្សនីយភាព​ដ៏​អស្ចារ្យ​បាន​ក្លាយ​ជា​ទី​ទាក់​ទាញ​ភ្ញៀវ​ទេសចរណ៍ជុំវិញ​ពិភព​លោក​។ ទោះជាយ៉ាងណា ពិធីនេះ​នឹង​ត្រូវ​លុប​ចោល ឬពន្យារពេល ប្រសិនបើអាកាសធាតុអាក្រក់ ភ្លៀងខ្លាំង ឬស្មៅ​សើម​ពេក។

រូបភាព៖ Creative Commons

ពិធីបុណ្យ Wakakusa Yamayaki ចាប់ផ្តើមនៅថ្ងៃត្រង់ ជាមួយនឹងការប្រកួតបោះនំអង្ករទ្រង់ទ្រាយធំ។ វេលាម៉ោង ៥ៈ០០ ល្ងាចក្បួនដង្ហែចេញពីតំបន់ Tobino នៃ Kasuga Taisha ទៅដល់ភ្នំ Wakakusa ។

រូបភាព៖ fun-japan.jp

វេលាម៉ោងប្រហែល ៥ៈ៣០ នាទី ក្បួន​ដង្ហែ​ទៅ​ដល់​ជើង​ភ្នំ ហើយចាប់ផ្តើមដុតភ្លើង។

រូបភាព៖ Zekkei Japan

បន្ទាប់ពីស្មៅលើជើងភ្នំ Wakakusa ឆាបឆេះជាអណ្តាតភ្លើង ការបង្ហាញកាំជ្រួចរយៈពេល ១៥ នាទីប្រារព្ធធ្វើឡើង បង្កើតបានជាទស្សនីយភាពពន្លឺយ៉ាងអស្ចារ្យ។ អាស្រ័យលើស្ថានភាពស្មៅនៅលើភ្នំ តំបន់ទាំងមូលត្រូវដុតឆេះទាំង​ស្រុង​ក្នុង​រយៈ​ពេល ៣០ នាទី​ទៅ​មួយ​ម៉ោង។

រូបភាព៖ event-carnival-com

ភ្លើង​ឆាបឆេះ​តំបន់ទាំងមូលបង្កើត​ជា​ទិដ្ឋភាព​ពេល​រាត្រីពោរពេញដោយពន្លឺភ្លើង។ អ្នកទស្សនារាប់រយនាក់បានប្រមូល​ផ្តុំគ្នានៅជើងភ្នំ Wakakusa យ៉ាង​ណា​មនុស្ស​រាប់​ពាន់​នាក់ផ្សេងទៀតគយគន់ទីក្រុង Nara ក៏ដូចជាតំបន់ផ្សេង​ទៀត។

រូបភាព៖ Ronin Dave

របងការពារភ្ញៀវទេសចរណ៍ចូលទៅជិតអណ្តាតភ្លើង និងអ្នកពន្លត់អគ្គីភ័យស្ម័គ្រចិត្តរាប់រយនាក់មានវត្តមានក្នុងករណី​មាន​ហេតុ​ការណ៍កើតឡើង។

ប្រភព៖ Skydoor