ព្យុះ Hinnamnor បង្កឱ្យមានភ្លៀងធ្លាក់ខ្លាំងនៅ​តំបន់​ជា​ច្រើន​នៃ​ប្រទេស​​ជប៉ុន

ខ្យល់​បក់​ខ្លាំង​បង្ក​ឡើង​ដោយ​សារព្យុះ​ Hinnamnor នៅ Naha ខេត្ត Okinawa ប្រទេសជប៉ុន កាលពី​ថ្ងៃទី ៤ ខែកញ្ញា ឆ្នាំ២០២២។ (រូបភាព Kyodo)

តាំងពីថ្ងៃទី ៤ ខែកញ្ញា ព្យុះ Hinnamnor បានបណ្តាលឱ្យមានភ្លៀងធ្លាក់យ៉ាងខ្លាំងនៅតំបន់ជាច្រើននៃប្រទេស​ជប៉ុន ខណៈ​ដែល​ត្រៀម​បោក​បក់ចូលភាគខាងជើងកោះ Kume ខេត្ត Okinawa ។

អាជ្ញាធរជប៉ុនបានព្រមានអំពីបញ្ហាបាក់ដី ទឹកជំនន់ ខ្យល់បក់ខ្លាំង និងខ្យល់គួចនៅតំបន់ដែលព្យុះ Hinnamnor ឆ្លង​កាត់។ ទន្ទឹមនឹងនេះ ជាមួយនឹងតំបន់នៅឆ្ងាយពីព្យុះ អាជ្ញាធរ​ជប៉ុនបានព្រមានប្រជាជនឱ្យមាន​​ការ​​ប្រុងប្រយ័ត្នខ្ពស់ចំពោះភ្លៀងធ្លាក់ខ្លាំង និងផ្គរលាន់ ព្រោះ​អាកាសធាតុ​អាច​ប្រែប្រួល​ភ្លាមៗ​។

ទីភ្នាក់ងារឧតុនិយមជប៉ុនបានព្រមានប្រជាជននៅតំបន់ភាគខាងលិច និងភាគខាងកើតប្រទេសជប៉ុនឱ្យប្រុង​ប្រយ័ត្ន​ចំពោះភ្លៀងធ្លាក់ខ្លាំង បាក់ដី និងទឹកជំនន់។ យោងតាមទីភ្នាក់ងារនេះ ការ​ព្យាករ​រហូតដល់ថ្ងៃទី ៥ ខែ​កញ្ញា ភ្លៀងធ្លាក់ខ្លាំងអាចកើតឡើងនៅកន្លែងជាច្រើនដូចជា Okinawa កោះ Kyushu និងប្រជុំកោះ Amami ជា​មួយ​នឹង​ទឹកភ្លៀងរហូតដល់ ១៨០ មីលីម៉ែត្រក្នុងមួយម៉ោង។

ប្រភព៖ Skydoor