ជប៉ុននឹងបន្ធូរបន្ថយឯកសារត្រួតពិនិត្យកូវីដ ១៩ នៅអាកាសយានដ្ឋាន

ចាប់ពីពាក់កណ្តាលខែកញ្ញាឆ្នាំ ២០២២ ជប៉ុនគ្រោងនឹងអនុញ្ញាតឱ្យអ្នកដំណើរបញ្ចូលព័ត៌មានទាំងអស់សម្រាប់ត្រួត​ពិនិត្យ​នៅ​អាកាស​យាន​ដ្ឋាន។ អ្នកដែលបានបំពេញបែបបទទាំងនេះគ្រាន់តែបង្ហាញលេខកូដ QR ពេលត្រួតពិនិត្យ​នៅ​អាកាស​យាន​ដ្ឋាន​។​

អាកាសយានដ្ឋាន Narita ប្រទេសជប៉ុន

បើតាមអ្នកសារព័ត៌មាននៅទីក្រុងតូក្យូ រដ្ឋាភិបាល​ជប៉ុន​គ្រោង​នឹង​សម្រួល​បែបបទត្រួតពិនិត្យកូវីដ ១៩ នៅ​ព្រលាន​​យន្ត​ហោះ ដោយ​ហេតុ​នេះអនុញ្ញាតឱ្យអ្នកដំណើរបំពេញបែបបទចាំបាច់នៅលើស្មាតហ្វូន ឬឧបករណ៍ផ្សេងទៀត។

បច្ចុប្បន្ននេះ អ្នកទាំងអស់ដែលចូលប្រទេសជប៉ុនអាចបញ្ចូលព័ត៌មានចាក់វ៉ាក់សាំងកូវីដ ១៩ និងព័ត៌មានផ្សេង​​ទៀត​​នៅ​លើ​គេហទំព័រ ឬកម្មវិធី MySOS ដោយមិនចាំបាច់ដាក់ឯកសារពាក់ព័ន្ធតាមច្រកត្រួតពិនិត្យនៅព្រលាន​យន្តហោះនោះទេ។

ទោះជាយ៉ាងណា ឯកសារទាក់ទងនឹងព័ត៌មានលិខិតឆ្លងដែននៅតែត្រូវត្រួតពិនិត្យនៅព្រលានយន្តហោះពេលចូល​ប្រទេស​ជប៉ុន។

មុននោះ កាលពីថ្ងៃទី ២៤ ខែសីហា រដ្ឋាភិបាល​ជប៉ុន​បាន​សម្រេច​បន្ធូរបន្ថយ​វិធានការ​ត្រួត​ពិនិត្យ​ព្រំដែន​បន្ថែម​ទៀតចាប់​ពី​ថ្ងៃ​ទី ៧ ខែ​កញ្ញា ដកសំណើអ្នកឆ្លងដែនត្រូវធ្វើតេស្តរកកូវីដ ១៩ ក្នុងរយៈពេល ៧២ ម៉ោងមុនពេលចេញ​ដំណើរ និងត្រូវដាក់ឯកសារបញ្ជាក់លទ្ធផលតេស្តអវិជ្ជមានវីរុស SARS-CoV-2 អោយតែពួក​គេ​បាន​ចាក់​វ៉ាក់សាំង​​ការ​ពារ​​កូវីដ ១៩ ចំនួន ៣ ដូស។

ទន្ទឹមនឹងនេះ ជប៉ុនក៏បានបន្ថែមចំនួនអ្នកទទួលបានការអនុញ្ញាតអោយឆ្លងដែនក្នុងមួយថ្ងៃពី ២ ម៉ឺននាក់ឡើង ៥ ម៉ឺននាក់ ម្យ៉ាងទៀត លុបចោលលក្ខខណ្ឌតម្រូវឱ្យភ្ញៀវទេសចរណ៍បរទេសចុះឈ្មោះដំណើរទេសចរណ៍ដែលមាន​អ្នក​មគ្គុទ្ទេសអមដំណើរ។

រដ្ឋាភិបាល​ជប៉ុន​សង្ឃឹម​ថា​វិធានការ​ទាំង​នេះអាចទាក់ទាញ​ភ្ញៀវ​ទេសចរ​ណ៍បរទេស​ចូល​ប្រទេស​កាន់​តែ​ច្រើន​ឡើង។

ប្រភព៖ Skydoor