ប្លែកតែម្តងកាហ្វេ​ទឹកកក​នៅ Kobe តើកាហ្វេដាក់ទឹកកកឬទឹកកកដាក់កាហ្វេ?

កាហ្វេទឹកកក ជាកាហ្វេដែលដាក់ទឹកកកចូល ឬទឹកកកដាក់កាហ្វេ?

កាលពីពេលថ្មីៗនេះ Tweet លើ Twitter ទទួលបានការចាប់អារម្មណ៍ពីអ្នកប្រើបណ្តាញសង្គម។

អ្នកបង្ហោះរូបភាពជាមួយនឹង Caption ៖

“ខ្ញុំហៅកាហ្វេទឹកកកនៅ Kobe ប៉ុន្តែបែរជាទទួលបានទឹកកកដាក់កាហ្វេទៅវិញ” ។

ច្បាស់ណាស់នេះជាកាហ្វេទឹកកកមិនធម្មតា។ ការបង្ហោះនេះទទួលបានអ្នកចូលចិត្តជាង ១០ ម៉ឺននាក់ ជាមួយនឹង​មតិ​យោបល់​ដូច​ខាង​ក្រោម៖

  • គួរឱ្យចាប់អារម្មណ៍ណាស់ ចុះបើទឹកកករលាយម៉េចទៅ?
  • ខ្ញុំឃើញថាបរិមាណកាហ្វេរៀងតិច ប៉ុន្តែប្រហែលពេលទឹកកករលាយកំហាប់នឹងល្មមវិញ។
  • ចានទាបមួយនេះច្បាស់ជាដាក់មិនគ្រាន់ទេពេលទឹកកករលាយ។

ទីតាំងហាងកាហ្វេចម្លែកនេះគឺ Kitanozaka Nishimura Coffee Shop ។ សាខា Kitanozaka បើកតែខែកក្កដា និងសីហាជារៀងរាល់ឆ្នាំ។

នៅពេលគេសួរថាតើអ្នកបង្ហោះ​ត្រូវ​ផឹក​លឿន​ព្រោះ​ខ្លាច​ទឹកកក​រលាយមែនទេ គាត់បានអោយដឹងថាខ្លួននៅក្នុង​ហាង​ប្រហែល ២០ នាទី ចំណែក​ទឹកកក​មិន​រលាយ​លឿនពេកទេ។ ផ្ទុយទៅវិញ ស្រទាប់ទឹកកកពេលរលាយថ្លា និងមើល​ទៅ​ស្អាត​ខ្លាំង​ណាស់។

ក្រៅ​ពី​ភេសជ្ជៈ​ដ៏​ពិសេស​នេះ ហាង​ថែមទាំងមានបរិយាកាសស្រស់​ស្អាត និង​ប្រណិត​តាម​បែប​បស្ចិម​ប្រទេស។

ព័ត៌មាន៖

北野坂にしむら珈琲店

https://kobe-nishimura.jp/nishimura/kitano/index.html

Sacchan

មើលបន្ថែម: