ព្រោះតែចង់ធានាគុណភាពផលិតផលជប៉ុន​ត្រួត​ពិនិត្យ​ឈើ​ចាក់​ធ្មេញ​ដោយ​ដៃ​ទាំង​ស្រុង

ឈើចាក់ធ្មេញត្រូវបានផលិតនៅទូទាំងពិភពលោក ហើយឈើចាក់ធ្មេញដែលផលិតនៅជប៉ុនត្រូវបានវាយតម្លៃថាល្អ​បំផុត។

មិន​ត្រឹម​តែ​ដោយ​សារ​បច្ចេក​វិទ្យា​ផលិតដ៏ល្អ​ឥត​ខ្ចោះប៉ុណ្ណោះទេ ប៉ុន្តែ​អ្វី​ដែល​ធ្វើ​ឲ្យ​ឈើ​ចាក់​ធ្មេញជប៉ុនពិសេស ស្ថិត​លើ​​ការ​ត្រួត​​ពិនិត្យ។

ជាដំបូង សូមមើលរូបថតខាងក្រោម។ តើអ្នកដឹងថានេះជាអ្វីដែរទេ?

នេះ​ជា​រូបភាព​ឈើ​ចាក់​ធ្មេញ​ដែលធ្វើរួច ត្រូវបានតម្រៀបជាជួរ។ គេប្រើដង្កៀបជ្រើសរើសឈើចាក់ធ្មេញដែលមានរូប​រាង និង​ពណ៌​មិន​ល្អ ដំណើរការនេះធ្វើដោយដៃទាំងស្រុង។

គ្រាន់តែមើលរូបភាពក៏ឈឺក្បាលណាស់ទៅហើយ សាកស្រមៃមើលធ្វើការងារបែបនេះពេញមួយថ្ងៃ។

ត្រឹម​ឈើចាក់ធ្មេញមួយដើម?

តាមទស្សនៈរបស់អ្នកប្រើ ប្រសិនបើជ្រុលដៃយកឈើចាក់ធ្មេញដែលមិនស្អាត មានពណ៌ ឬរូបរាងចម្លែក គ្រាន់​តែ​បោះ​ចោល រួច​យក​ឈើ​ចាក់​ធ្មេញ​មួយ​ទៀត។

ប៉ុន្តែ​ជនជាតិ​ជប៉ុន​ចង់​កាត់​បន្ថយ​ចំនួន​ផលិតផលខុសមកត្រឹម​សូន្យ។

ពិតជាមនុស្សចម្លែកណាស់។

ប្រអប់ឈើចាក់ធ្មេញ ៤៥០ ដើមដែលផលិតនៅបរទេសមានតម្លៃប្រហែល ១៥០ យ៉េននៅជប៉ុន។ ចំណែកផលិត​ផល​ក្នុង​ស្រុក​មាន​តម្លៃ ២០០ យ៉េន។

យ៉ាងណាការឈ្លក់វង្វេងនឹងភាពល្អឥតខ្ចោះនេះមិនកំណត់ត្រឹម​ឈើចាក់ធ្មេញប៉ុណ្ណោះទេ។

វិស័យមសិប្បកម្មជប៉ុនមានគោលបំណងសម្រេចគោលដៅផលិតផលខុសត្រឹម 0% មិនថាគ្រាន់តែជាវីសក៏ដោយ។

ការបារម្ភនេះកើតចេញពីភាពភ័យខ្លាចគ្រោះថ្នាក់ដែលបណ្តាលមកពីកំហុសតូចតាចកាលពីមុន។ ឧទាហរណ៍ គ្រាន់​​តែ​​វីស​មួយ​ក្នុង​ប្រព័ន្ធកាំជ្រួចកោងបន្តិច វាអាចបណ្តាលឲ្យ​មានគ្រោះថ្នាក់ធ្ងន់ធ្ងរ។

ដូច្នេះ Nasa បញ្ជាទិញទំនិញជាច្រើនពីសហគ្រាសធុនតូច និងមធ្យមរបស់ជប៉ុន។

តើអ្នកយល់យ៉ាងណាចំពោះភាពឥតខ្ចោះរបស់ជនជាតិជប៉ុន?

Kengo Abe