អ្នកប្រើគណនី Twitter ជនជាតិជប៉ុនធ្វើបង្អែមតាម​បែប​សិល្បៈ​បង្ហាញ​ពី​ផ្ទៃសមុទ្រទាំងមូល

បង្អែមពិសេសសម្រាប់ទិវាសមុទ្រ (Umi no Hi) ។

ជារៀងរាល់រដូវក្តៅ ប្រជាជនជប៉ុនមានពិធីបុណ្យមួយហៅថា Umi no Hi (ទិវាសមុទ្រ) ។ ដើម្បីអបអរថ្ងៃ​ឈប់​សម្រាក អ្នក​ប្រើ​គណនី Twitter ជនជាតិជប៉ុនម្នាក់ Chez Mitsu‎ (@chez_mitsu) បានចែករំលែកបង្អែម​ពិសេសនេះ ជាមួយនឹងរូបរាងគួរឱ្យចាប់អារម្មណ៍ខ្លាំង ហាក់ដូចជាប្រមូលផ្តុំមហាសមុទ្រទាំងមូល។

Chez Mitsu បានជំនួសការ៉េមវ៉ានីឡាដោយយ៉ាអួក្នុងរូបមន្តធ្វើ Cheesecake ដើម្បីធ្វើនំពិសេសនេះ។ ចំណែកទឹកសមុទ្រគឺ gelatin ត្រូវបានលាយបញ្ចូលតាមរូបមន្តពិសេស បង្កើតពណ៌ដែលមានពន្លឺខុសៗគ្នា ក្លាយជាស្រទាប់នីមួយៗនៃផ្ទៃសមុទ្រ។

Chez Mitsu បានអោយដឹងថាប្រើប្រភេទក្រែមស្រស់ និងក្រែមឈីស ១៥ ក្រាម gelatin ប្រភេទម្សៅ mix ។ ដំបូងលាយក្រែមដោយម៉ាសុីនធ្វើនំ បន្ទាប់មកបន្ថែមបរិមាណទឹកបន្តិចទៅក្នុងម្សៅ gelation ។ ចាក់ល្បាយចូលទៅក្នុងក្រែមឈីស លាយអោយសព្វ។ ទុកឱ្យក្រែមស្រស់រលាយនៅសីតុណ្ហភាពបន្ទប់ រួចបន្ថែមល្បាយក្រែមឈីស និង gelatin បន្ត​​លាយ​​រួច​​ចាក់​​ល្បាយ​​ចូល​ក្នុង​ពុម្ព​នំ​រង់ចាំ​ឱ្យ​វា​រឹង។

Chez Mitsu បំផុសគំនិតដោយវីដេអូរបស់ Tastemade Japan ដែលជាឆានែលធ្វើម្ហូបដ៏ល្បីឈ្មោះទូទាំងពិភព​លោក​មក​ពី​ប្រទេស​ជប៉ុន ទោះ​ជា​យ៉ាង​ណា គាត់បានច្នៃប្រឌិតបន្ថែម។

មនុស្សជាច្រើនគិតថាពណ៌ខៀវមិនមែនជាពណ៌ដែលទាក់ទាញភ្នែកនោះទេ ប៉ុន្តែបើក្រឡេកមកមើលនំស្រស់ស្អាតនេះ មនុស្ស​ជា​ច្រើន​ប្រាកដ​ជា​ចង់​ដឹងថាតើវាមានរសជាតិបែបណា? យ៉ាងណាស្អាតអញ្ចឹងមិនដាច់ចិត្តញ៉ាំឡើយ។

ធ្វើបង្អែមតាមបែបសិល្បៈមើលទៅទាក់ទាញអារម្មណ៍ណាស់!

Sacchan