រថភ្លើងយឺតពេលដោយសារអ្នកបើកបរភ្លេចលេខសម្ងាត់ថេប្លេត

នៅប្រទេសជប៉ុនគោរពពេលវេលាជាអ្វីដែលយានដឹកជញ្ជូនសាធារណៈត្រូវតែធានាបានដាច់ខាត។ ដោយសារតែប្រជាជនជប៉ុនរាប់ពាន់នាក់ប្រើប្រាស់មធ្យោបាយធ្វើដំណើរសាធារណៈ ជាពិសេសនៅតាមទីក្រុង យឺតតែប៉ុន្មាននាទី​ក៏​ការ​ងាររបស់មនុស្សជាច្រើនត្រូវរំខានដែរ។ នោះជាមូលហេតុ​ដែលអ្នកតែងតែអានព័ត៌មានក្រុមហ៊ុនផ្លូវដែក​​ជប៉ុន​​ត្រូវសុំទោសពេលរថភ្លើងយឺតត្រឹម​​ប៉ុន្មាន​វិនាទី​ក៏ដោយ​ ដែលជារឿងធម្មតានៅប្រទេសមួយចំនួន។

ជាទូទៅមូលហេតុ​រថភ្លើងនៅជប៉ុនយឺតមានច្រើន ករណីស្រាលដូចជាមានសត្វលើផ្លូវដែក ធ្ងន់ធ្ងរជាងនេះករណី​លោត​រថភ្លើង​សម្លាប់​ខ្លួន។ ប៉ុន្តែលើកនេះ មូលហេតុ​មកពីអ្នកបើកបររថភ្លើងភ្លេចលេខសម្ងាត់ថេប្លេត។

កាលពីខែមិថុនាកន្លងទៅ JR East កំណត់កាលវិភាគឌីជីថលសម្រាប់អ្នកបើកបររថភ្លើងដោយផ្តល់ឱ្យពួកគេនូវ​ថេប្លេត​មួយ​ចំនួន​ដែលបង្ហាញពីពេលវេលាមកដល់ និងចេញដំណើរ ដែលអាចធ្វើបច្ចុប្បន្នភាពដោយស្វ័យ​ប្រវត្តិ។ ទោះជាយ៉ាងណា កើតមានករណីអ្នកបើកបររថភ្លើងម្នាក់មិនអាចចេញដំណើរទាន់ពេល ព្រោះតែត្រូវចំណាយពេល​បើកឧបករណ៍ថ្មីនេះ។ ករណីយឺតពេលបណ្តាលមកពីអ្នកបើកបររថភ្លើងត្រួតពិនិត្យកាលវិភាគចំណត​ស្ថានីយ៍ដូច​ជា Asakanagamori និង Yayagawa តាមផ្លូវទៅកាន់ស្ថានីយចុងក្រោយ។ សរុបពេលវេលាត្រួតពិនិត្យ ២៣ នាទី​ខណៈ​​ពេល​​រថភ្លើង​មក​ដល់ Mito ។ យោងតាមរបាយការណ៍ អ្នកបើកបររថភ្លើងមានថេប្លេតច្រើនសម្រាប់ការ​ងារ​ផ្សេងៗគ្នា ហើយក្នុងករណីនេះ គាត់​មាន​ការ​ស្រឡាំង​កាំង​ដែល​ប្រើបច្ចេកវិទ្យាថ្មី បណ្តាលឱ្យអ្នកដំណើរ ៦០ នាក់​រង​ផល​ប៉ះ​ពាល់​ដោយ​សារ​តែ​យឺតយ៉ាវ។

ជាច្រើនខែក្រោយមក រឿងដដែលនេះកើតឡើង។ នៅថ្ងៃទី ៨ ខែកក្កដា អ្នកបើកបរកំពុងរៀបចំចេញដំណើរពីស្ថានីយ៍ JR Ishinomaki ក្នុងតំបន់ជិត Miyazaki ដល់ Sendai ។ ទោះជាយ៉ាងណា មុនពេលចេញដំណើរអ្នកបើក​បរ​បាន​ពិនិត្យ​ថេប្លេត ប៉ុន្តែ​មិន​អាចចូលបានព្រោះតែ​ភ្លេច​លេខ​សម្ងាត់។

បន្ទាប់មក អ្នកបើកបរ​បាន​សម្រេចចិត្ត​រង់ចាំ​នៅ​ស្ថានីយ ដើម្បីពឹងអោយអ្នកយកតារាង​ពេលវេលា​មក។ យ៉ាង​ណា​រឿង​នេះ​បណ្តាល​ឱ្យ​រថភ្លើង​យឺត ២២ នាទីដែលប៉ះពាល់ដល់មនុស្ស ១២០ នាក់

តំណាង JR Fukushima បាននិយាយថា ពួកគេនឹងផ្តល់ការណែនាំបន្ថែមដល់អ្នកបើកបរចំពោះការចងចាំលេខ​សម្ងាត់។ ព្រោះ​តែ​កាល​វិភាគ​រថភ្លើងមិនមែនជាព័ត៌មានសម្ងាត់ ដូច្នេះពួកគេនឹងពិចារណាបិទមុខងារចាក់​សោ​ថេប្លេត។

Sacchan