ក្រុមអ្នកវិទ្យាសាស្ត្រជប៉ុនពិសោធន៍ទទួលបានជោគជ័យ ប៉ុន្តែត្រូវអ្នកប្រើបណ្តាញសង្គមរិះគន់យ៉ាងខ្លាំង

អ្នកវិទ្យាសាស្ត្រសង្ឃឹមថាលទ្ធផលនៃការស្រាវជ្រាវនេះនឹងជួយមនុស្សជាតិ ប៉ុន្តែអ្នកប្រើបណ្តាញសង្គមបែរជាជំទាស់យ៉ាងខ្លាំង។

ក្នុងខែសីហានេះ ក្រុមអ្នកស្រាវជ្រាវមកពីសាកលវិទ្យាល័យ Sendai, Tohoku បានប្រកាសថា ពួកគេទទួលបានជោគជ័យក្នុងការបង្កជំងឺធ្លាក់ទឹកចិត្តមកលើស្វា ដោយផ្អែកលើឥទ្ធិពលម៉ាញ៉េទិចលើខួរក្បាលរបស់វា។

គម្រោងនេះក៏មានការចូលរួមពីក្រុមស្រាវជ្រាវមកពីសាកលវិទ្យាល័យតូក្យូ និងសកលវិទ្យាល័យ Showa ផងដែរ ដែល​ពាក់​ព័ន្ធនឹងការរំញោចម៉ាញ៉េទិចម្តងហើយម្តងទៀតឆ្លងលលាដ៍ក្បាលមុខ (MFC) របស់ស្វា macaque ជប៉ុន។ ក្រុម​ស្រាវ​ជ្រាវបាននិយាយថា “រូបភាពការស្រាវជ្រាវខួរក្បាលមនុស្សបង្ហាញពីភាពមិនធម្មតានៃតំបន់ខួរក្បាល​នេះ​ចំពោះអ្នកជំងឺដែលមានបញ្ហាអារម្មណ៍” ។ ការរំញោចម៉ាញេទិកបំណងទប់ស្កាត់សកម្មភាពតំបន់ MFC ដើម្បី​ស្វែង​រកទីតាំងបង្កស្ថានភាពធ្លាក់ទឹកចិត្ត សង្កេតឃើញតាមរយៈការកាត់បន្ថយសកម្មភាពសង្គម សកម្មភាព​រាង​កាយ បាត់បង់ការលើកទឹកចិត្តជាដើម។

បន្ទាប់ពីបង្កការធ្លាក់ទឹកចិត្តមកលើស្វា ក្រុមស្រាវជ្រាវបានអោយដឹងថាប្រើ Ketamine គោលបំណងកែលម្អអាកប្បកិរិយា និង​សរីរវិទ្យា​មិនធម្មតាដែលបណ្តាលមកពីការរំញោចម៉ាញេទិក ដែលបង្ហាញក្នុងតារាងខាងក្រោម ជា​មួយ​នឹង​លទ្ធផល​ស្រាវជ្រាវដែលត្រូវបានប្រកាស។

ប្រសិនបើអ្នកអាណិតសត្វស្វាដែលគេយកទៅពិសោធន៍ នោះជាអារម្មណ៍របស់អ្នកប្រើបណ្តាញសង្គម Twitter ជប៉ុន​​ដែល​បាន​អោយ​ដឹងចំពោះការស្រាវជ្រាវនេះ។ មតិយោបល់មួយចំនួនមានដូចខាងក្រោម៖

• ពិតជាគួរឱ្យខ្លាចណាស់។
• មនុស្សលះបង់សត្វ​បែប​នេះ​ដើម្បី​ប្រយោជន៍ផ្ទាល់ខ្លួន។ អាក្រក់ណាស់។
• ខ្ញុំ​សប្បាយ​ចិត្ត​ដែល​បាន​ឃើញ​ការ​រីក​ចម្រើន​ផ្នែក​វិទ្យាសាស្ត្រ ប៉ុន្តែការពិសោធន៍បែបនេះពិតជាសាហាវដល់ហើយ។
• ខ្ញុំសង្ឃឹមថាសត្វស្វាទាំងនោះមិនធ្លាក់ទឹកចិត្ដម្តងទៀតឡើយ បន្ទាប់ពីការពិសោធន៍ត្រូវបានបញ្ចប់។
• ពិតជាឈឺចិត្តពេលគិតដល់រឿងនេះ ដែលបង្ហាញថាមនុស្សយើងមានសុខភាពល្អ ដោយសារតែការលះបង់របស់​សត្វ​មាន​ជីវិត​ជា​ច្រើន​ទៀត។

…

ទោះជាយ៉ាងណា ការស្រាវជ្រាវមិនមែនដើម្បីលេងសើចចំពោះខួរក្បាលរបស់ស្វានោះទេ ប៉ុន្តែដើម្បីស្វែងយល់អំពីមូលហេតុបណ្តាលអោយសរសៃប្រសាទចុះខ្សោយ ក៏ដូចជាជំងឺផ្លូវចិត្តផងដែរ។ ហេតុ​តែជ្រើសយកស្វាព្រោះវាមានភាព​ស្រដៀង​នឹង​មនុស្ស​ទាក់​ទង​នឹង​សកម្មភាព​ខួរ​ក្បាល ការបង្ហាញពីអារម្មណ៍ និងសង្គម។

Sacchan