អ្នកស្រីប្រធានសមាគមនំបុ័ងការីជប៉ុនបំបែកកំណត់ត្រាទទួលទាន ៨៥០០ នំបុ័ងការី

ជនជាតិជប៉ុនមានចំណូលចិត្តពិសេសចំពោះនំបុ័ងការី (カレーパン karēpan) ។ ជាមួយនឹងស្នូលការី​​មាន​រស​ជាតិ​​ឈ្ងុយ​​ឆ្ងាញ់​ក្នុង​សំបក​នំ​ស្រួយ នំប៉័ងទាំងនេះពេញនិយម​ខ្លាំង​នៅ​តាម​ហាង​​នំប៉័ង ក៏ដូចជាហាងលក់ទំនិញទូទាំង​ប្រទេស​​ជប៉ុន។

ដូច្នេះបានជាមានសមាគមមួយហៅថា “សមាគមនំបុ័ងការីជប៉ុន” (日本カレーパン協会 (nihon karēpan kyōkai) ។

ត្រូវបានបង្កើតឡើងក្នុងឆ្នាំ ២០១៣ សមាគមមានទីស្នាក់ការកណ្តាលនៅទីប្រជុំជន Takanawa, Minato, Tokyo ដំណើរការក្នុងគោលបំណង “ផ្សព្វផ្សាយ ពេញនិយម និងកែលម្អស្ថានភាពនំបុ័ងការី ក៏ដូចជាធ្វើការស្រាវជ្រាវលើមុខម្ហូបនេះ” ។

សមាគមក៏រៀបចំព្រឹត្តិការណ៍ផ្សេងៗគ្នា ដែលល្បីបំផុតគឺ Curry Bread Grand Prix ។

ក្នុងសេចក្តីប្រកាសព័ត៌មាន សមាគមបានប្រកាសជ្រើសរើស 宮脇小百合 Sayuri Miyawaki ធ្វើជាប្រធានសមាគម​​បន្ទាប់។ អ្នក​ស្រីនឹងចូលកាន់តំណែងនៅថ្ងៃទី ១ ខែមករា ឆ្នាំ ២០២៣ ។

ក្រៅពីនេះការយល់ដឹងចំពោះនំបុ័ងការី និងការចូលរួមចំណែករបស់អ្នកស្រីសម្រាប់ការអភិវឌ្ឍសមាគម មូលហេតុដែលអ្នកស្រីត្រូវបានជ្រើសរើសសម្រាប់តំណែងកិត្តិយសនេះ ដោយសារតែក្តីស្រឡាញ់ដ៏ស្មោះត្រង់ ឆ្លុះបញ្ចាំងតាម​រយៈ​បរិមាណ​នំបុ័ងការីដែលអ្នកស្រីទទួលទាន។

ជាក់​ស្តែង មក​ទល់​ពេល​នេះអ្នកស្រីបរិភោគចំនួន ៨៥០០ នំទៅហើយ។

ជាការពិតណាស់ អ្នកស្រី Miyawaki ត្រូវបានជ្រើសរើសមិនមែនដោយសារហូបច្រើននោះទេ។ អ្នកស្រីមានបទពិសោធន៍​ក្នុងការសរសេរកម្មវិធី និងទីផ្សារមុនពេលផ្លាស់មកដល់តូក្យូ។ នៅទីក្រុងតូក្យូ អ្នកស្រីចូលរួម Team marketing សម្រាប់ Virus Buster នៃ Trend Micro ដែលជាកម្មវិធី Virus ឈានមុខគេនៅប្រទេសជប៉ុន។ កាលអាយុ ៣៧ ឆ្នាំ អ្នក​ស្រីចាប់ផ្តើមអាជីវកម្មផ្ទាល់ខ្លួនក្នុងនាមជាប្រឹក្សា បង្ហាញខ្លួនលើកញ្ចក់ទូរទស្សន៍ បោះពុម្ពសៀវ​ភៅ ទស្សនាវដ្ដី កាសែត ជាដើម។ ហើយអ្នកស្រីក៏រៀបចំសិក្ខាសាលាទូទាំងប្រទេសជប៉ុនផងដែរ។

ជា​ការ​ពិត ក្រៅពីធ្វើជាអ្នកជំនួញស្រីដែលជោគជ័យម្នាក់ អ្នកស្រីចូលចិត្តការីយ៉ាងខ្លាំង។

អ្នកស្រីបានចែករំលែក៖

“ខ្ញុំចូលចិត្តនំបុ័ងការី និងបន្តបរិភោគម្ហូបនេះ ប៉ុន្តែឥឡូវនេះខ្ញុំចូលរួមសកម្មភាពរបស់សមាគម ខ្ញុំមានបំណងយ៉ាង​មុត​មាំ​ជួយ​ដល់​អ្នក​ដែលចូលចិត្តនំបុ័ងការី ក៏ដូចជាអ្នកដុតនំផងដែរ។

ថ្វីត្បិតតែការរួមចំណែករបស់ខ្ញុំមានចំនួនតិចតួចក៏ដោយ ប៉ុន្តែខ្ញុំនឹងបន្តសកម្មភាពនេះ នាំមកនូវស្នាមញញឹមតាម​រយៈ​អារម្មណ៍​ពេញ​ចិត្ត​ពេល​ទទួលទាន​នំបុ័ង​ការី” ។

Sacchan