លោកយាយ Suzuko អាយុ ៩៧ ឆ្នាំចំណូលចិត្តឈរដុតនំ Pizza លក់ជារៀងរាល់ថ្ងៃ

ផ្សារ Toyosu បង្កើតឡើងក្រោយ​ការ​ផ្លាស់​ប្តូរ​តាំងផ្សារធំជាងគេនៅជប៉ុន Tsukiji ។ នៅក្នុងទីផ្សារការងារយ៉ាង​មមា​ញឹក​នេះ មានហាងជាច្រើនដំណើរការតាមទម្រង់លក់ដូរផលិតផលជលផល គ្រឿងសមុទ្រ ដែលធ្វើឱ្យផ្សារមើល​ទៅ​ដូច​ជា​ទី​ប្រជុំ​ជន។

នៅជ្រុងម្ខាងផ្សារ Toyosu អ្នកនឹងមើលឃើញភោជនីយដ្ឋានអាហារអុីតាលីមួយមានឈ្មោះថា “Uogashi Tomina” ។ នៅ​កន្លែង​នេះ អ្នក​អាច​រីករាយជាមួយនឹង Pizza របស់លោកយាយ Suzuko Doi អាយុ ៩៧ ឆ្នាំ។

https://r-tsushin.com/people/pioneer/doi_suzuko/#page-1

លោកយាយ Suzuko Doi បានរៀបការកាលអាយុ ២១ ឆ្នាំ ហើយក្លាយជាស្រ្តីមេផ្ទះ។ ប្តីលោកយាយធ្លាប់បើកហាងលក់​សំលៀក​បំពាក់​នៅ​ទីក្រុង​តូក្យូ។ អ្នកដែលបានបង្កើតភោជនីយដ្ឋានអុីតាលីសព្វថ្ងៃគឺកូនស្រីរបស់លោកយាយឈ្មោះ Setsuko លោកយាយមកដល់ភោជនីយដ្ឋានដើម្បីជួយកូន។ នៅពេលនោះលោកយាយ Suzuko មាន​អាយុ​ ៧៥ ឆ្នាំ​ទៅ​ហើយ។

ក្រោយរយៈពេល ៥ ឆ្នាំ លោកយាយទទួលខុសត្រូវធ្វើ Pizza នៅភោជនីយដ្ឋាន។ តាំងពីពេលនោះមក លោកយាយបានសម្រេចចិត្តបន្តការងារនេះ។

បើធៀបនឹងលោកតា លោកយាយដែលមានអាយុដំណាលគ្នា លោកយាយ Suzuko នៅតែចូលចិត្តធ្វើការ។

ជីដូន Suzuko ជាមនុស្សម្នាក់ចូលចិត្តប្រាស្រ័យទាក់ទង។ កាលអាយុ ៦០ ឆ្នាំ លោកយាយស្គាល់មិត្តម្នាក់ជនជាតិប្រេស៊ីល ហើយក៏ជាអ្នកបំផុសគំនិតអោយលោកយាយសាកល្បងចម្អិនអាហារបរទេស។ កាលអាយុ ៥០ ឆ្នាំ លោក​យាយ​​ធ្វើដំណើរកំសាន្តទៅកន្លែងជាច្រើន ក៏ដូចជាភ្លក់មុខម្ហូបខុសៗគ្នា ដើម្បីបំពេញចំណង់ចំណូលចិត្តក្នុងការធ្វើ​ដំណើរ។ បន្ទាប់​​ពី​ធ្វើ​ដំណើរ​ទៅ​អាហ្វ្រិកកាលអាយុ ៨៤ ឆ្នាំ មួយ​រយៈ​ពេល​យូរ​មក​ហើយ​លោក​យាយ​មិន​បាន​ទៅក្រៅ​ប្រទេស​។ លោក​យាយ​បាននិយាយថា ខ្លួននៅតែចង់ទៅកន្លែងនេះកន្លែងនោះ។

បច្ចុប្បន្នលោកយាយ Suzuko នៅជាមួយកូនស្រី ចៅ និងចៅទួត។ លោកយាយចាប់ផ្តើមថ្ងៃថ្មីនៅវេលាម៉ោង ៦ៈ៣០ នាទីព្រឹក ជាមួយនឹងអាហារពេលព្រឹកដែលលោកយាយរៀបចំសម្រាប់គ្រួសារ។ ប្រហែលម៉ោង ១១ លោក​យាយ​ជិះឡានទៅកាន់ភោជនីយដ្ឋានជាមួយកូនស្រី បន្ទាប់មកឈរដុតនំ Pizza រហូតដល់ម៉ោង ២ៈ៣០ នាទីរសៀល​ពេល​ភោជនីយ​ដ្ឋាន​បិទទ្វារ។

Pizza របស់លោកយាយល្បីខ្លាំងសូម្បីតែជនបរទេសក៏ចូលចិត្តមកញ៉ាំដែរ។

ជប៉ុនជាប្រទេសដែលមានប្រជាជនវ័យចំណាស់ ក្រុមហ៊ុនភាគច្រើនបានកំណត់អាយុចូលនិវត្តន៍ប្រហែល ៦០ ដល់ ៦៥ ឆ្នាំ ប៉ុន្តែបុគ្គលិកវ័យចំណាស់ជាច្រើននៅតែចង់ធ្វើការ។ លោកយាយ Suzuko លើសអាយុជាមធ្យម ប៉ុន្តែនៅតែមាន​បំណងចង់ធ្វើការ។

ប្រហែលជាដល់ពេលដែលជប៉ុនត្រូវកំណត់អាយុធ្វើការអោយស្របតាមបរិបទប្រទេសហើយ។

◎Uogashi Tomina

6-6-1 Toyosu, Koto-ku, Tokyo អគារគ្រប់គ្រងគ្រឿងបរិក្ខារ 307

東京都江東区豊洲６-６-１号 施設管理棟307

☎ 03-6633-0039

9:00～15:00（LO14:30）

ជារៀងរាល់ថ្ងៃក្នុងមួយសប្តាហ៍ លើកលែងតែថ្ងៃអាទិត្យ បុណ្យជាតិ និងថ្ងៃដែលផ្សារឈប់សម្រាក។

ដើររយៈពេល ៣ នាទីពីស្ថានីយ៍ Yurikamome Shijo-mae ។

http://www.tsukiji-tomina.com/

Kengo Abe