គិតថាញ៉ាំអស់អត់ Mega Bento ខ្នាតធំដោយមានបាយ ៣ គីឡូក្រាម

ឈុតបាយ Bento នេះគឺ Tendon (បាយ Tempura) ដែលមានបាយ ៣ គីឡូក្រាម មិនទាន់គិតពី topping ស្មើ​ទម្ងន់​ទារក​ទើប​នឹង​កើត។ ជាពិសេសទំហំប្រអប់មានប្រវែង ១៩ សង់ទីម៉ែត្រ ទទឹង ៣៧ សង់ទីម៉ែត្រ និង​កម្ពស់ ១០ សង់ទីម៉ែត្រ។

ខ្សែសង្វាក់ផ្សារទំនើប Lopia មានជំនាញខាងផ្នែករៀបចំប្រអប់បាយ Bento ខ្នាតធំ ប៉ុន្តែចំណែកបាយនេះពិតជាធំណាស់ ធំជាងឈុតអាហារដែលផ្សារទំនើបធ្លាប់ធ្វើមុននោះ។ ជា​ការ​ពិត​ តម្លៃប្រអប់បាយក៏​គួរ​ឱ្យ​ចាប់​អារម្មណ៍ណាស់​ដែរ ២៨០០ យ៉េន។

បើតាមស្លាកតម្លៃ ចំណែកបាយបិទស្លាក 1 食限定 មានន័យថាមានកំណត់ត្រឹម ១ ចំណែកប៉ុណ្ណោះ។ ដូច្នេះអ្នកដែល​អាច​ទិញ​ចំណែកបាយនេះពិតជាសំណាងខ្លាំងណាស់។

បើតាមការពិពណ៌នាដែលបានបោះពុម្ពលើស្លាកតម្លៃ ប្រអប់បាយ Bento មាន Tempura បង្គាចំនួន ១០ ដុំ Tempura សាច់​មាន់ ៤០០ ក្រាម និង Perilla Tempura ៦ ដុំ។

គុណភាពអាហារដូចជាខ្ពស់ជាងប្រភេទ Tendon ធម្មតាដាក់លក់នៅផ្សារទំនើប។ បើរកចំណុចរិះគន់​មានតែនិយាយ​ថា​ច្រើន​ពេក មនុស្ស​ម្នាក់​ញ៉ាំ​មិន​អស់។ ទោះជាយ៉ាងណា ឈុតអាហារនេះអាចធ្វើអោយលើសកាឡូរី ដូច្នេះប្រសិន​បើ​មិនចង់អោយអាហារនៅសល់ច្រើនពេកទេ អ្នកគួរតែបបួលមិត្ត​ភ័ក្តិ​មក​ចូលរួមការសាកល្បងនេះ។

ព័ត៌មានផ្សារទំនើប

ខ្សែសង្វាក់ផ្សារទំនើប Lopia សាខា Minara

អាស័យដ្ឋាន៖ Nara-ken, Nara-shi, Nijōōjiminami 1-3-1

奈良県奈良市二条大路南1丁目3番1号

ម៉ោងបើកទ្វារ៖ ៩ ព្រឹក ដល់ ៧ យប់

Sacchan