រដ្ឋាភិបាលជប៉ុនជម្រុញតម្រូវការ និងលើកទឹកចិត្តយុវជនជប៉ុនទទួលទានភេសជ្ជៈមានជាតិអាល់កុល
កាលពីពេលថ្មីនេះ ទីភ្នាក់ងារពន្ធដារជាតិ (NTA) បានចោទជាសំណួរចំពោះការទទួលទានគ្រឿងស្រវឹងរបស់យុវវ័យសម័យនេះ។
មនុស្សជាច្រើនគិតថានេះជាទំនោរដែលល្អសម្រាប់សុខភាព ប៉ុន្តែបែរជាមិនល្អសម្រាប់ថវិកាជាតិ ជាពិសេសនៅពេលដែលវាជាប្រភពពន្ធយ៉ាងច្រើន។
ជាការពិតណាស់ ការិយាល័យពន្ធដារមិនអាចដាក់ពាក្យស្លោកថា “ផឹកកាន់តែច្រើន ទើបយើងមានប្រាក់” ទេ ដូច្នេះពួកគេរៀបចំការប្រកួតអ្នកមានទេពកោសល្យមកបញ្ចេញគំនិត ប្រគល់រង្វាន់យុទ្ធនាការទីផ្សារដែលមានសក្តានុពលបំផុតក្នុងការប្រកួត Sake Viva! រហូតដល់ថ្ងៃទី ៩ ខែកញ្ញា មនុស្សគ្រប់គ្នាដែលមានអាយុចន្លោះពី ២០ ដល់ ៣៩ ឆ្នាំអាចចូលរួមបាន (ម្នាក់ឯង ឬជាក្រុម ២ ទៅ ៣ នាក់) ។
មិនថាគំនិតយ៉ាងណាសុទ្ធតែត្រូវបានទទួលយក ទោះជាយ៉ាងណា ការិយាល័យពន្ធដារបានសង្កត់ធ្ងន់ថា ការប្រកួតនេះផ្ដោតលើការទទួលទានគ្រឿងស្រវឹងនៅផ្ទះ និងប្រើ Metaverse សម្រាប់លក់។
បេក្ខជនដែលជាប់នឹងចូលរួមការប្រឡងចុងក្រោយនៅថ្ងៃទី ១០ ខែវិច្ឆិកា ហើយគំនិតដែលយកឈ្នះត្រូវបានចាត់ចែងដោយការិយាល័យពន្ធដារ។ នេះជាឱកាសដ៏ល្អសម្រាប់អ្នកជំនាញទីផ្សារដែលមានមហិច្ឆតា ព្រោះច្បាស់ណាស់ នេះមិនមែនជាប្រធានបទងាយស្រួលនោះទេ។ ជាក់ស្តែង មនុស្សជាច្រើនមានការងឿងឆ្ងល់ចំពោះចេតនាពិតនៃការប្រកួតនេះនៅលើបណ្តាញសង្គម។
- តើពួកគេដឹងទេថាមានករណីឧក្រិដ្ឋកម្មប៉ុន្មានដែលពាក់ព័ន្ធនឹងគ្រឿងស្រវឹង?
- តើរដ្ឋរបស់យើងកំពុងលើកទឹកចិត្តបុគ្គលដែលញៀនស្រាមែនទេ?
- ប្រសិនបើចង់អោយពួកយើងផឹកកាន់តែច្រើន សូមផ្តល់ពេលទំនេរ និងប្រាក់ចំណូលល្អឱ្យយើងកាន់តែច្រើន។ ពិតជាងាយមែនទេ?
- គុណវិបត្តិច្រើនជាងគុណសម្បត្តិ។
- ខ្ញុំកំពុងស្រវឹង ហើយខ្ញុំគិតថាគួរតែមានមនុស្សស្រវឹងតិច។
- ស្រាបៀរគ្រាន់តែជាភេសជ្ជៈល្វីងប៉ុណ្ណោះ ចំណែកពិធីជប់លៀងក្រុមហ៊ុនជាការខ្ជះខ្ជាយប្រាក់ និងពេលវេលា។
ហាក់ដូចជាយុវជនជប៉ុនមិនចូលចិត្តភេសជ្ជៈដែលធ្វើអោយរំភើបប៉ុន្មានម៉ោងនេះទេ ប៉ុន្តែផលវិបាកដ៏អាក្រក់របស់វាអាចបន្តរហូតដល់ពីរបីថ្ងៃក្រោយមក។
ប៉ុន្តែយ៉ាងណាក៏ដោយ ប្រធានបទពិបាកបែបនេះអាចទាក់ទាញមនុស្សដែលចង់សាកល្បងសមត្ថភាពខ្លួនឯង។
Sacchan
-
ភរិយាសាមូរ៉ៃអង់អាចក្លាហានចេញទៅប្រយុទ្ធនឹងសត្រូវជំនួសប្តី -
ការប្រកួតស៊ូម៉ូល្បួងអោយក្មេងៗយំខ្លាំងជាងគេនឹងឈ្នះនៅខេត្ត Fukui ប្រទេសជប៉ុន -
ពិធីជួបជុំផឹកស្រារបស់សាមូរ៉ៃនៅសម័យអេដូ -
ឯកសារបង្ហាញពីបញ្ហាបង្ខំឲ្យផឹកស្រាក្នុងពិធីជប់លៀងមានអាយុកាល ៧០០ ឆ្នាំមុនមកម្ល៉េះ -
ជប៉ុនធ្វើឱ្យពិភពលោកភ្ញាក់ផ្អើលយកឈ្នះអេស្ប៉ាញឈានចូលវគ្គ ១៦ ក្រុមនៃព្រឹត្តិការណ៍ World Cup ឆ្នាំ ២០២២ -
ការសាទររបស់អ្នកគាំទ្រចំពោះ Yuzuru Hanyu នៅប្រទេសចិន
-
តើអ្នកធ្លាប់ឆ្ងល់ថាថ្ងៃខួបកំណើតតួអង្គ Anime ភាគច្រើនគេរើសយកថ្ងៃណា? -
សិទ្ធិពិសេសរបស់ Oiran នៅតំបន់ភ្លើងក្រហម និងការដាក់ពិន័យចំពោះបុរសដែលផិតក្បត់ -
បិសាច Medusa ធ្លាក់ក្នុងអន្លង់ស្នេហ៍ប្រែជាគួរអោយស្រលាញ់ណាស់ -
“រថយន្តហោះ” នឹងក្លាយជាមធ្យោបាយដឹកអ្នកទស្សនាក្នុងពិព័រណ៍ពិភពលោក Expo 2025 នៅអូសាកាប្រទេសជប៉ុន -
យន្តហោះប្រមាញ់នាវាមុជទឹករបស់ជប៉ុនរអិលធ្លាក់ចេញពីផ្លូវរត់ -
MISATOEN – ជាកន្លែងសម្រាប់អ្នកដែលចូលចិត្តត្រីសាម៉ុងស្រស់