លោក Harasawa ជាអ្នកដែលបានកែលម្អ និងស្តារឧទ្យានថោកបំផុតនៅប្រទេសជប៉ុនឡើងវិញ

តើអ្នកធ្លាប់បានឮ “ឧទ្យានថោកបំផុតនៅជប៉ុន” ដែរទេ?

ឧទ្យានថោកបំផុតនៅជប៉ុនគឺឧទ្យាន Maebashi Luna នៅទីក្រុង Maebashi ខេត្ត Gunma ប្រទេស​ជប៉ុន។

នៅឧទ្យាននេះល្បែងកំសាន្តទាំងអស់មានតម្លៃក្រោម ៥០ យ៉េន។ ដើមឡើយឧទ្យាននេះត្រូវបានគ្រប់គ្រងដោយ​ទីក្រុង Maebashi ។

នៅឆ្នាំ ២០០៤ ឧទ្យាននេះត្រូវបានប្រគល់អោយឯកជនគ្រប់គ្រង ប៉ុន្តែយូរៗទៅមនុស្សកាន់តែតិច ហើយស្ថាន​ភាព​ខាតបង់អូសបន្លាយ។

នៅពេលនោះលោក Harasawa ត្រូវបានតែងតាំងជានាយកឧទ្យាន។

បន្ទាប់ពីឡើងកាន់តំណែងនាយក បុគ្គល​ម្នាក់​នេះ​បាន​ជំរុញ​កំណែ​ទម្រង់​ ដែលធ្វើអោយចំនួនអ្នកមកលេងឧទ្យាន​ជាង ១៥,០០០ នាក់។

លោក Harasawa អ្នកស្រុក Gunma ។ បន្ទាប់ពីបញ្ចប់វិទ្យាល័យ លោកធ្វើការនៅធនាគារក្នុងស្រុក ប៉ុន្តែ​គាត់​តែង​តែ​​បារម្ភ​​ពេល​​ឃើញ​​យុវជន​​ចាក​ចេញបណ្តើរ អាជីវកម្មជាប់គាំង គ្មានភាពបត់បែន។ លោកគិតថា៖

“ខ្ញុំចង់បង្កើតតំបន់មួយដែលយុវជនចង់មករស់នៅ និងធ្វើការ” ។

ហេតុ​នេះហើយគាត់សម្រេចចិត្តធ្វើជាអ្នកប្រឹក្សាអាជីវកម្ម។ ក្នុងចំណោមកិច្ចខិតខំប្រឹងប្រែងរបស់ខ្លួន លោក Harasawa ឈ្នះការដេញថ្លៃគម្រោងគ្រប់គ្រងឧទ្យាននេះ។

ក្នុងបរិបទដែលចំនួនកុមារធ្លាក់ចុះចំណែកមនុស្សចាស់កើនឡើង យុវវ័យមិនចង់មានសេ្នហា បើផ្តោតលើកុមារទាំងស្រុង សួនកំសាន្តមិន​អាច​កែ​លម្អ​បាន​ទេ។ លោក Harasawa បានរកមធ្យោបាយកែប្រែគោលដៅអតិថិជន។

ជាមួយនឹងគំនិតនេះ លោក Harasawa បានសម្រេចចិត្តបើកហាងស្រាពេលយប់ ដោយបង្កើតកន្លែងសម្រាប់មនុស្សធំដើម្បីទាក់ទាញអតិថិជនចម្រុះ។

លោកក៏បានបន្ថែម​ទម្រង់ថ្មីដូចជាការសម្តែងតាមដងផ្លូវ ឬយានជំនិះពិសេសជាដើម។ ទម្រង់អាជីវកម្មពេល​យប់​ក៏​ត្រូវ​បាន​បន្ថែម​ក្នុង​ឱកាសបុណ្យធំៗដូចជា Halloween ផងដែរ។

ក្រៅពីនេះ សួនកំសាន្តក៏មានហាងកាហ្វេដែលមានបរិយាកាសការងារសម្រាប់បុគ្គលិកការិយាល័យ ជាមួយនឹងម៉ឺនុយត្រូវបានសិក្សាយ៉ាងល្អ សមនឹងក្លាយជាកន្លែងសម្រាប់មនុស្សមួយចំនួន។ មុខម្ហូបដែលពេញនិយមបំផុត​គឺ​មាន់បំពងតម្លៃ ៣៥០ យ៉េន អាចលក់បានរហូតដល់ ៤៨០ ឈុតក្នុងមួយថ្ងៃ។ ស្រាបៀរ និងបាយពូតក៏ត្រូវបាន​លក់​ជា​ឈុត​ជាមួយមាន់បំពងផងដែរ។

ម្យ៉ាងវិញទៀត សួនកំសាន្តក៏ទទួលរៀបចំកម្មវិធីផ្សេងៗដូចជាថ្ងៃខួបកំណើត ដោយមានការផ្តល់ជូនជាច្រើន។ ចាប់ពីអាយុ ៤ ឆ្នាំឡើង ប្អូនៗអាចលេងល្បែងទាំងអស់នៅក្នុងឧទ្យាន ដូច្នេះអំឡុងពេល ១ ខែចាប់ពីថ្ងៃកំណើត ជារៀងរាល់ថ្ងៃប្អូនៗទទួលបានសំបុត្រចូលលេងដោយឥតគិតថ្លៃ។ ឧទាហរណ៍ពេលជិះ Roller Coaster ប្អូននឹងទទួល​បាន​តែម​ពិសេស ដូច្នេះ​ពិតជាមានតម្លៃណាស់។

វិធីសាស្រ្តនេះមានអត្ថប្រយោជន៍មួយទៀត ពោលគឺ​ប្រមូល​ទិន្នន័យ​អតិថិជន​។ ដូច្នេះឧទ្យានដឹងអំពីអាយុរបស់អតិថិជន ក៏​ដូច​ជា​កន្លែងរស់នៅដើម្បីផ្សាយពាណិជ្ជកម្ម។

លោក Harasawa ជាមនុស្សដែលមានភាពម៉ត់ចត់បំផុត មិនត្រឹមតែពិចារណាគ្រប់ជ្រុងជ្រោយលើកត្តាដែលអាចអភិវឌ្ឍ​ឧទ្យានប៉ុណ្ណោះទេ គាត់ថែមទាំងមើលលើទឹកមុខរបស់អតិថិជនម្នាក់ៗ ដើម្បីវិនិច្ឆ័យកម្រិតនៃការពេញចិត្ត​របស់​ពួក​គេ ស្តាប់យោបល់អតិថិជន និងគិតអំពីវិធានការកែ​លម្អ​ដោយ​ផ្អែកលើតម្រូវការជាក់ស្តែង។

សព្វថ្ងៃនេះ ខណៈពេលដែលវិស័យបច្ចេកវិទ្យាកំពុងរីកចម្រើន អ្នកអភិវឌ្ឍន៍អាជីវកម្មចូលចិត្តប្រើកុំព្យូទ័រ។ យ៉ាង​ណា​ក៏​ដោយ លោក Harasawa នៅតែអោយតម្លៃវិធីសាស្រ្តដើម ហើយបញ្ជាក់សារជាថ្មីនូវតម្លៃនៃការទំនាក់​ទំនង​ផ្ទាល់ និង​វាយ​តម្លៃ​តាមការ​មើល​ឃើញ។

នោះហើយទើបជាអ្នក​គ្រប់​គ្រង​អាជីវកម្ម​ពិត​ប្រាកដ។

Kengo Abe