​ពាក្យ​ចចាម​អារ៉ាម​​ដ៏គួរឲ្យខ្លាចបំផុត “ដាវបិសាច” Murasame មានពិត​ឬ​យ៉ាង​ណា?

ស្មារតីសាមូរ៉ៃជប៉ុនស្ថិតនៅលើដាវ Katana ដែលគេតែងតែយកតាមខ្លួន ហើយក៏ជាមោទនភាពរបស់អ្នកក្បាច់​គុន​ផង​ដែរ។ មិនត្រឹម​តែមានអត្តន័យ គុណភាពដាវក៏ត្រូវបានលត់យ៉ាងល្អ ដូច្នេះអ្នកលត់ដាវជើងចាស់ត្រូវបង្ហាញ​​​ខ្លួន។

ដាវ Murasame ក៏ជាស្នាដៃរបស់អ្នកលត់ដាវល្បីឈ្មោះម្នាក់ផងដែរ។

នៅពេលដកដាវចេញ ប្រៀប​ដូច​ជា​មាន​អ័ព្ទ​សាយភាយ

ប្រដូចទៅនឹង “ដាវបិសាច” ដែលធ្វើឲ្យ​មនុស្សជាច្រើនញញើត

បើអ្នកកាន់ដាវជាមនុស្សស្រេកឃ្លានឈាម នោះ​ដាវ​នឹង​កាន់​តែ​សើម

ពេលលើកដាវ ស្រាប់តែ​មាន​ភ្លៀង​ធ្លាក់​យ៉ាង​ខ្លាំង​ចុងដាវ។

ការពណ៌នាដាវនេះពិតជាគួរឲ្យ​ខ្លាចណាស់ អ្នក​ប្រហែល​ជា​ធ្លាប់​បាន​ឮ​ហើយ ព្រោះ​វា​តែង​តែ​បង្ហាញខ្លួនក្នុងចំណង​ជើង​ហ្គេម​ល្បីៗ​ជា​ច្រើន​ផង​ដែរ។

ទោះជាយ៉ាងណា ដាវបែបនេះ (ដូចដែលបានពណ៌នា) មានពិតដែរអត់? ជាការពិតណាស់ មិនមាននោះទេ។

ដាវបែបនេះមានតែនៅក្នុងរឿងព្រេង Nanso Satomi Hakkende ដែលមានឈ្មោះថា Murasamemaru ។

យ៉ាងណាមិញ មូលហេតុ​ដែល Murasame ធ្វើឲ្យ​មនុស្សគ្រប់គ្នាភ័យខ្លាច។

តាមពិតទៅមានដាវមួយឈ្មោះថា Murasame ប៉ុន្តែដាវ Murasame ត្រូវបានផលិតយ៉ាងច្រើន។

ដាវត្រូវបានបង្កើតឡើងនៅសម័យ Muromachi មានរូបរាងមុតស្រួច។ ទោះជាយ៉ាងណា នេះមិនមែនជាដាវកម្រនោះទេ វាត្រូវបានគេប្រើច្រើន ហើយផលិតយ៉ាងច្រើនផងដែរ។ ហេតុអ្វី​បាន​ជា​ដាវ​ដែល​ផលិត​ចំនួន​ច្រើនមាន​ពាក្យ​ចចាម​អារ៉ាម​​ថា “ដាវ​​បិសាច” ?

ដោយសារតែឈ្មោះបណ្តាលឲ្យ​យល់ច្រឡំ។ ក្រៅពី Murasame មានដាវមួយផ្សេងទៀតឈ្មោះថា Muramasa ។

ដាវ Muramasa ត្រូវបានលត់ដើម្បីដាក់បណ្តាសាត្រកូល Tokugawa Ieyasu ជាអ្នកបង្រួបបង្រួមប្រទេសជប៉ុន ដោយ​បញ្ចប់​យុគ​សម័យ​សាមូរ៉ៃ។ ជីតារបស់ Ieyasu ត្រូវសម្លាប់ដោយដាវ Muramasa ។ ចំណែក Ieyasu ក៏ត្រូវរងរបួស​ដោយ​ដាវ​តូច​ជាង​ហៅថា Wakizashi ជាកម្មសិទ្ធិរបស់ឪពុក Ieyasu បង្ករបួស។ ម្យ៉ាងវិញទៀត Muramasa គឺ​ជា​ដាវ​ដែល​បាន​កាត់​ក្បាលកូនប្រុសច្បងរបស់ Ieyasu ពេលដែលបុគ្គលម្នាក់នេះធ្វើពិធី Seppuku (វះពោះធ្វើអត្តឃាត) ។

ដូច្នេះហើយ ដាវ​បាន​បញ្ចប់​គ្រួសារ Tokugawa ។

រូបខាងលើគឺដាវ Muramasa ។ ឈ្មោះ​ទាំង​ពីរ​មាន​លក្ខណៈ​ស្រដៀង​គ្នា ធ្វើឲ្យ​មានការយល់ច្រឡំ។

ថ្វីត្បិតតែ រឿងរ៉ាវដាវទាំងពីរគ្មានអ្វីល្អក៏ដោយ ប៉ុន្តែមិនអាចបដិសេធទេថា “ដាវបិសាច” ព្រោះតែវាមានភាព​មុត​ស្រួច​ខ្លាំង ហើយ​ត្រូវ​បាន​លត់​ដោយស្នាដៃដ៏ប៉ិនប្រសប់របស់ជាងដែកជំនាញ។

Kengo Abe