តើសេដ្ឋកិច្ចជប៉ុនអាចស្តារឡើងវិញដោយផ្អែកលើការផលិតវត្ថុពាក់កណ្តាលចម្លងដែរទេ?

ថ្ងៃចន្ទ 15/08/2022 | 17:05 ល្ងាច

វិបតិ្តកូវីដ ១៩ សង្គ្រាម និងការប្រឈមមុខដាក់គ្នារវាងចិន និងសហរដ្ឋអាមេរិក។ល។ មូលហេតុដោយសារកង្វះខាតវត្ថុពាក់កណ្តាលចម្លង (Semiconductor) ។

វត្ថុពាក់កណ្តាលចម្លងជាចំណែកក្នុងឧបករណ៍អេឡិចត្រូនិក។ មូលហេតុអ្នកមិនអាចទិញ PlayStation 5 ព្រោះតែផលិតមិនទាន់តម្រូវការ ដោយសារកង្វះខាតវត្ថុពាក់កណ្តាលចម្លង។

មិនត្រឹមតែផលិតកុំព្យូទ័រ និងឧបករណ៍ប្រើប្រាស់ សូម្បីតែវិស័យផលិតរថយន្តក៏រងផលប៉ះពាល់អវិជ្ជមានផងដែរ។

ក្នុងបរិបទនេះ ជប៉ុន និងអាមេរិកកំពុងឆ្ពោះទៅរកការផលិតវត្ថុពាក់កណ្តាលចម្លងចំនួនច្រើន។

កាលពីមុន ជប៉ុនធ្លាប់ជាប្រទេសផលិតវត្ថុពាក់កណ្តាលចម្លងជាងពាក់កណ្តាលលើពិភពលោក។ ទោះជាយ៉ាងណា ដើម្បីប្រកួតប្រជែងតម្លៃ ជប៉ុនត្រូវប្រគល់អោយប្រទេសផ្សេងទៀត ហើយនៅឆ្នាំ ២០១៩ ចំណែកទីផ្សារពិភពលោកបានធ្លាក់ចុះមកត្រឹម ១០% ។ ការផលិតវត្ថុពាក់កណ្តាលចម្លងត្រូវការម៉ាស៊ីន និងសារធាតុគីមីពិសេស ហើយទោះបីជាជប៉ុននៅតែជាប្រទេសនាំមុខគេក្នុងការផលិតវត្ថុពាក់កណ្តាលចម្លង ប៉ុន្តែទន្ទឹមនឹងនេះមានរឿងគួរអោយសោកស្តាយមួយចំនួន។

ឆ្លើយតបនឹងបញ្ហានេះ កាលពីថ្ងៃទី ២៩ ខែកក្កដា ឆ្នាំ ២០២២ រដ្ឋាភិបាលជប៉ុន និងសហរដ្ឋអាមេរិកបានប្រកាសថាពួកគេនឹងរួមគ្នាផលិតវត្ថុពាក់កណ្តាលចម្លងជំនាន់ក្រោយបំផុត។ គោលបំណងដើម្បីបំបែកការប្រមូលផ្តុំភាគច្រើននៅតៃវ៉ាន់បច្ចុប្បន្ន។

ទោះជាយ៉ាងណា ដោយសារតែឧស្សាហកម្មវត្ថុពាក់កណ្តាលចម្លងជាប់គាំងអស់រយៈពេលយូរ ដូច្នេះការទទួលបានបច្ចេកវិទ្យាចុងក្រោយមិនគ្រប់គ្រាន់នោះទេ។ តាមការប៉ាន់ប្រមាណ ដើម្បីស្តារវិស័យនេះត្រូវវិនិយោគរហូតដល់ ១ ម៉ឺនកោដិយ៉េនក្នុងអំឡុងពេល ១០ ឆ្នាំ។

ស្របតាមនិន្នាការខាងលើនេះ ក្រុមហ៊ុនឯកជនបានចាប់ផ្តើមធ្វើការផ្លាស់ប្តូរ។ Sony និង Denso (ក្រោម Toyota) សម្រេចចិត្តវិនិយោគជាង ៤ រយកោដិយ៉េនចូល TSMC នៅតៃវ៉ាន់ ហើយយល់ព្រមសាងសង់រោងចក្រផលិតនៅប្រទេសជប៉ុន។ រដ្ឋាភិបាលជប៉ុនក៏បានយល់ព្រមផ្តល់ប្រាក់ឧបត្ថម្ភចំនួន ៤៧៦ កោដិយ៉េនដល់គម្រោងនេះ មើលទៅដូចជាទ្រង់ទ្រាយធំ។

ក្រុមហ៊ុនមួយនៅ Mie ក៏បានចាប់ផ្តើមសាងសង់រោងចក្រផលិតជាមួយនឹង Wstern Digital របស់សហរដ្ឋអាមេរិក ហើយគ្រោងនឹងដំណើរនៅរដូវស្លឹកឈើជ្រុះឆ្នាំ ២០២២ ។ ចំពោះគម្រោងនេះ រដ្ឋាភិបាលជប៉ុននឹងឧបត្ថម្ភចំនួន ៩២,៩ កោដិយ៉េន។

អាស្រ័យហេតុនេះ អាចមើលឃើញយ៉ាងច្បាស់ថា រដ្ឋាភិបាលកំពុងធ្វើការជាមួយក្រុមហ៊ុនឯកជន ផ្តោតលើចំណុចជាច្រើនដើម្បីវិស័យផលិតវត្ថុពាក់កណ្តាលចម្លង។

តើនេះអាចជាកត្តាស្តារសេដ្ឋកិច្ចជប៉ុនបច្ចុប្បន្នដែរឬទេ?

Kengo Abe