ក្នុងបរិបទឧស្សាហកម្ម​កាមេរ៉ា​ឌីជីថល តើ​នឹង​មាន​អ្វី​កើតឡើង​​ចំពោះ​​ក្រុម​ហ៊ុន​​ផលិត​កាមេរ៉ា​ជប៉ុន?

នៅពេលធ្វើដំណើរកំសាន្តអ្វីដែលអ្នកមិនគួរភ្លេចគឺកាមេរ៉ា។ កាលពីមុន យើងប្រើកាមេរ៉ាហ្វីល បន្ទាប់មកប្តូរទៅ​កាមេរ៉ា​ឌីជីថល ដែលអនុញ្ញាតឱ្យអ្នកមើលឃើញរូបភាពទើបតែថតភ្លាមៗ។ ទោះជាយ៉ាងណា ដោយសារការវិវត្តន៍របស់​ស្មាត​ហ្វូន ផ្តល់មុខងារងាយស្រួល ដូច្នេះមនុស្សជាច្រើនប្រើតែទូរស័ព្ទដៃ។

ក្នុងបរិបទដែលមនុស្សកាន់តែច្រើនឡើងៗលែងមានអារម្មណ៍ថាកាមេរ៉ាសំខាន់ដូចមុន តើក្រុមហ៊ុនផលិតកាមេរ៉ា​ធំ​​របស់​​​ជប៉ុន​នឹង​ទៅ​ជា​យ៉ាង​ណា? ម៉ាកមួយចំនួនដែលប្រហែលអ្នករាល់គ្នាស្គាល់ដូចជា Canon, Nikon ក្រៅពីនេះក៏មាន​ក្រុម​ហ៊ុន Sony ទិញយកដូចជា Konica Minolta, Olympus ។ល។ Panasonic ដែលជាក្រុមហ៊ុនបង្កើតម៉ាក LUMIX ក៏​មាន​ផលិត​ផល​កាមេរ៉ាផងដែរ។ ជាការពិតណាស់ មិនអាចរំលង Fuji Film ដែលជាផលិតករភាព​យន្តទេ។

ពេលរំលឹកពីកាមេរ៉ាគេតែងតែគិតដល់ប្រទេសជប៉ុន ប៉ុន្តែនៅពេលដែលមុខងារពិសេសរបស់ស្មាត​ហ្វូន​កាន់​តែ​ប្រសើរ​​ឡើង តម្រូវ​ការ​កាមេរ៉ា​ក៏​មាន​ការ​ផ្លាស់​ប្តូរ​យ៉ាង​ខ្លាំង។ បើប្រៀបទៅនឹងសម័យកាលកាមេរ៉ាឌីជីថលខ្នាតតូចពេញ​និយម ទំហំ​ទីផ្សារ​សព្វថ្ងៃមានត្រឹម​តែ ៣% ប៉ុណ្ណោះ។ 

ក្រុមហ៊ុន Panasonic និង Nikon បានបញ្ចប់ការផលិតកាមេរ៉ាឌីជីថលខ្នាតតូច ហើយឥឡូវនេះកំពុងប្តូរទៅកាមេរ៉ា Mirrorless អាជីពតម្លៃខ្ពស់។ 

បច្ចុប្បន្ននេះ កាមេរ៉ាសម្រាប់អ្នកអាជីពកំពុងស្ថិតក្រោមការផ្លាស់ប្តូរ ប្តូរពី SLR Camera ទៅកាមេរ៉ា Mirrorless ។

ដោយសារតែតម្រូវការប្តូរកាមេរ៉ាថ្មីច្រើន ដូច្នេះខ្ញុំគិតថាផលិតផលនេះអាចលក់បាន។ កាល​ពី​ឆ្នាំ​មុន ដោយផ្ទាល់ខ្ញុំក៏​បាន​ទិញ Canon R5 ដែល​​មាន​កញ្ចក់​បី។

ថ្វីត្បិតតែតម្លៃមិនខ្ពស់ ប៉ុន្តែដោយសារទំនិញកម្រ​ ដូច្នេះពិបាករកទិញ។ យ៉ាងណាបើទិញបានកាមេរ៉ាបែបនេះ អ្នកអាចប្រើបានយូរ ដូច្នេះហើយមិនមានតម្រូវការប្តូរឡើយ។ នៅពេលនោះ ការប្រកួតប្រជែងធ្លាក់លើក្រុមហ៊ុនផលិត​កាមេរ៉ា។

ចំពោះអ្នកប្រើប្រាស់ពេលជ្រើសរើសម៉ាកណាមួយ អ្នកត្រូវទិញ Len ក៏ដូចជាគ្រឿងបន្លាស់ម៉ាកដូចគ្នា។ ដូច្នេះ​​បើ​​អ្នក​​ទិញ​​កាមេរ៉ា សូម​​គិត​​អោយបានច្បាស់ចំពោះម៉ាក ព្រោះ​អ្នក​ប្រើប្រាស់ម៉ាកនឹងយូរអង្វែង។

ទោះជាយ៉ាងណា អ្វីដែលគួរអោយសោកស្ដាយនោះគឺទីផ្សារធ្លាក់ចុះ ហើយនៅមានតែក្រុមហ៊ុនផលិតជប៉ុនប្រកួតប្រជែង​គ្នា​ប៉ុណ្ណោះ។

Kengo Abe