តើអ្នកធ្លាប់មានសំណាងបានជួប Dr.Yellow រថភ្លើង Shinkansen ពណ៌លឿងដ៏កម្រនៅប្រទេសជប៉ុនដែរទេ?

Shinkansen ជារថភ្លើងល្បឿនលឿនដែលអាចឈានដល់ល្បឿន ៣២០ គីឡូម៉ែត្រ​ក្នុង​មួយ​ម៉ោង។

Shinkansen ជា​យានជំនិះ​ដែល​មាន​សុវត្ថិភាពបំផុត ទោះ​បី​បើក​ក្នុង​ល្បឿន​លឿន​ក៏​ដោយ។ ម្យ៉ាងវិញទៀត រថភ្លើង​ដំណើរការ​ល្អ មិនរលាក់។ រថភ្លើង Shinkansen អាចបង្កើនល្បឿនដល់ទៅ ៣៦០ គីឡូម៉ែត្រក្នុងមួយម៉ោង ជាប្រភេទ​នាំ​មុខ​ពិភព​លោក។ ពេលទៅដល់ប្រទេសជប៉ុន អ្នកប្រាកដជាចង់ជិះរថភ្លើង។

នៅពេលដែលអ្នកកំពុងសម្លឹងមើលតាមបង្អួចរថភ្លើង Shinkansen ពេលខ្លះអ្នកនឹងភ្ញាក់ផ្អើលព្រោះមើលឃើញរថ​ភ្លើង​ពណ៌​លឿង។

http://www.asahi.com/special/train/dr-yellow/

ជាការពិត មានមនុស្សតិចណាស់ដែលធ្លាប់ឃើញរថភ្លើងនេះ ហើយស្ទើរតែគ្មាននរណាឡើងជិះនោះទេ។ ក្រៅពីនេះ រថភ្លើងមានពណ៌លឿងភ្លឺចាំង គួរអោយស្រលាញ់មែនទែន កម្រនឹងឃើញ អ្នកដែលធ្លាប់មើលឃើញរថភ្លើងអាចនិយាយ​​ថា​​សំណាង។

សូម្បីតែឈ្មោះក៏គួរអោយស្រឡាញ់ដែរ គេហៅថា Dr.Yellow ។

រថភ្លើង​នេះ​មិន​ដឹក​អ្នក​ដំណើរ​ធម្មតា​ទេ ដូចជាឈ្មោះរបស់វា “វេជ្ជបណ្ឌិត” Shinkansen នេះមានមុខងារពិនិត្យ​សុខ​​ភាព​​អោយ​​​រថភ្លើង​​​ផ្សេង​​​ទៀត។

នៅពេលរថភ្លើងចេញដំណើរ ផ្លូវដែក និងប្រព័ន្ធខ្សែភ្លើងសឹក។ ករណីរថភ្លើង Shinkansen ធ្វើដំណើរក្នុងល្បឿន​លឿន ទោះបីជាផ្លូវដែកខូចទ្រង់ទ្រាយបន្តិចក៏អាចបណ្តាលឱ្យមានគ្រោះថ្នាក់ធ្ងន់ធ្ងរដែរ។ ដើម្បីធានាសុវត្ថិភាព Dr. Yellow មាន​តួនាទី​ជិះត្រួតពិនិត្យខ្សែរថភ្លើង។ ត្រឹម​ជិះត្រួតពិនិត្យ ប៉ុន្តែល្បឿនរបស់វាអាចឡើងដល់ទៅ ២៧០ គីឡូម៉ែត្រ​ក្នុង​មួយ​ម៉ោង។ ដើម្បីធានាថារថភ្លើង Shinkansen ធ្វើដំណើរដោយរលូន Dr.Yellow ត្រូវត្រួត​ពិនិត្យ ៧០ ចំណុចអំឡុងពេលធ្វើដំណើរក្នុងល្បឿនលឿនដូចបានរៀបរាប់ខាងលើ។

ឥឡូវនេះសូមក្រឡេកមើលខាងក្នុងរថភ្លើង។

ធម្មតាលើរថភ្លើងអ្នកមិនឃើញជណ្តើរបែបនេះទេ ឡើងតាមផ្លូវនេះមានបង្អួចមួយ ត្រង់កន្លែងនេះអាចពិនិត្យមើល​ដំបូល​រថភ្លើង ក៏ដូចជាឧបករណ៍បញ្ជូនអគ្គិសនី និងប្រព័ន្ធចរន្តអគ្គិសនី។

រូបភាពខាងក្រោមគឺម៉ាសុីន Laser ជា​ឧបករណ៍​សំខាន់​ដើម្បីរកមើលកម្រិតកោងរបស់រថភ្លើង។

នៅខាងក្នុងមានបន្ទប់ប្រជុំទៀតផង។

ក្រៅពី Dr.Yellow ដែលជាវេជ្ជបណ្ឌិតសុខភាពរបស់ Shinkansen ប្រព័ន្ធត្រួតពិនិត្យស្ថានភាពផ្លូវដែកផ្សេងទៀតក៏ត្រូវបានដំឡើងផងដែរ។ សូម្បី​តែ​បញ្ហា​តូច​មួយ​កើត​ឡើង​ក៏​គេ​អាច​រក​ឃើញ​ភ្លាម​ៗ ហើយ​ជួសជុលដែរ។

បន្ទាប់ពីស្គាល់ Dr.Yellow ពេលទៅដល់ជប៉ុន ក្រៅពីជិះ Shinkansen អ្នកអាចសាកមើលសំណាងថាតើអាចឃើញ “រថភ្លើងពណ៌លឿង” គួរអោយស្រលាញ់នេះទេ។

Kengo Abe