ជប៉ុនរកឃើញការច្នៃប្រឌិតជាច្រើនរួមចំណែកផ្លាស់ប្តូរពិភពលោក ធ្វើអោយជីវិតកាន់តែមានភាពងាយស្រួល

ការបង្កើតថ្មីធ្វើឱ្យជីវិតរបស់យើងកាន់តែមានភាពងាយស្រួល។ តើអ្នកដឹងទេថាការរកឃើញជាច្រើនមកពីជប៉ុន​? សូម​​ក្រឡេក​​មក​មើល​ការ​ច្នៃ​ប្រឌិត​របស់​ជន​ជាតិ​ជប៉ុនរួមចំណែកផ្លាស់ប្តូរពិភពលោក។

កាលពីមុន គ្រប់យ៉ាងត្រូវធ្វើដោយដៃ ពិបាកខ្លាំងណាស់ ប៉ុន្តែសព្វថ្ងៃនេះ ផលិតផលជាច្រើនត្រូវបានបង្កើតឡើងធ្វើឱ្យជីវិតរបស់យើងកាន់តែងាយស្រួល។ ក្នុង​ចំណោម​នោះ​មាន​ផលិតផល​ជា​ច្រើន​បង្កើត​ឡើង​ដោយ​ជន​ជាតិ​​ជប៉ុន ប៉ុន្តែ​​សូម្បី​​តែ​​ប្រជាជន​​ជប៉ុន​​ក៏​​មិន​​ដឹង​​ដែរ។

១. មីកញ្ចប់

http://koueki.jiii.or.jp/innovation100/innovation_detail.php?eid=00016&test=open&age=topten

នៅជុំវិញពិភពលោកមីកញ្ចប់ជាង ១០០ ពាន់លានត្រូវបានផលិតជារៀងរាល់ឆ្នាំ។ នេះជាការរកឃើញរបស់ជប៉ុន​ក្នុង​​ទសវត្សរ៍​​ឆ្នាំ ១៩៥០ ។

ក្នុងរូបភាពគឺជាមីកញ្ចប់ដំបូង ដែលជាការរកឃើញរបស់ Momofuku Ando ស្ថាបនិក Nissin Foods បច្ចុប្បន្ន។

២. Karaoke

https://www.cnn.co.jp/fringe/35106826.html

Karaoke ជាទម្រង់កំសាន្តដែលមនុស្សគ្រប់គ្នាចូលចិត្ត រកឃើញដោយអ្នកវាយស្គរ Daisuke Inoue ក្នុងឆ្នាំ ១៩៧១ ។

៣. រូបភាពបង្ហាញពីអារម្មណ៍

ឥឡូវនេះរូបភាពបង្ហាញពីអារម្មណ៍ (Emoji) បានក្លាយជាស្តង់ដារសកល។ នៅពេលផ្ញើសារលើកម្មវិធីណាមួយ ការប្រើ Emoji ជាចំណុចដែលមិនអាចខ្វះបាន។ Emoji ត្រូវបានណែនាំដំបូងដោយ Shigetaka Kurita ក្នុងទសវត្សរ៍ឆ្នាំ ១៩៩០ សម្រាប់​ទូរស័ព្ទ​ដៃនៅជប៉ុន។

៤. Walkman

បច្ចុប្បន្នអ្នកមិនត្រូវការ Walkman ទៀតទេ ព្រោះស្មាតហ្វូនអាចជំនួសតួនាទីរបស់ Walkman ។ Walkman ត្រូវបាន​បង្កើត​ឡើង​ដោយ Sony នៅជប៉ុនក្នុងឆ្នាំ ១៩៧៩ ។ 

៥. ឆ្នាំងបាយអគ្គិសនី

ឆ្នាំងបាយអគ្គិសនីត្រូវបាន TOSHIBA ធ្វើពាណិជ្ជកម្មនៅឆ្នាំ ១៩៥៥ ។

ដោយផ្អែកលើឆ្នាំងបាយអគ្គិសនី គ្រាន់តែចុចប៊ូតុងមួយ បាយត្រូវបានចម្អិនរួចរាល់។ ការងារផ្ទះមិនដែលងាយស្រួល​បែប​នេះ​ទេ។

៦. គំរូអាហារ

នេះជាការរកឃើញរបស់អ្នកជំនួញជនជាតិជប៉ុន Takizo Iwasaki នៅដើមសតវត្សទី ២០ ។ ដំបូងអាហារក្លែង​ក្លាយ​ត្រូវ​បាន​ធ្វើ​ពី​ក្រមួន ប៉ុន្តែ​សព្វ​ថ្ងៃនេះជំនួសដោយជ័រ។

ឥឡូវនេះអ្នកមិនត្រឹម​តែមើលឃើញគំរូអាហារនៅជប៉ុនប៉ុណ្ណោះទេ ប៉ុន្តែមាននៅភោជនីយដ្ឋានជាច្រើនជុំវិញពិភព​លោក។

៧. LED ពណ៌ខៀវ

ដើមឡើយអំពូលភ្លើង LED មានតែពីរពណ៌ប៉ុណ្ណោះ គឺក្រហម និងបៃតង ហើយមិនអាចផលិតអំពូលភ្លើង LED ពណ៌ខៀវដូចសព្វថ្ងៃទេ។ នៅដើមទសវត្សរ៍ឆ្នាំ ១៩៩០ Shuji Nakamura បានបង្កើតអំពូលភ្លើង LED ពណ៌ខៀវដែលមានពន្លឺគ្រប់គ្រាន់ និងធន់។ ជាមួយនឹងអំពូលភ្លើង LED ពណ៌ក្រហម និងបៃតង យើងអាចផលិតបានគ្រប់​ពណ៌​ទាំង​អស់ ដែល​ជា​ការ​រក​ឃើញ​សំខាន់​បំផុត​ប្រើ​ក្នុង PC និង TV ។

៨. កាណូត

កាណូតត្រូវបានបង្កើតឡើងដោយក្រុមហ៊ុនផលិតម៉ូតូជប៉ុន Kawasaki ដាក់ចេញក្នុងឆ្នាំ ១៩៧០ ។

៩. ម៉ាសុីនគិតលេខ

ម៉ាសុីនគិតលេខចាស់មានទំហំធំ ប៉ុន្តែ Canon បានបង្រួមទំហំតូចល្មមដាក់ហោប៉ៅក្នុងឆ្នាំ ១៩៧០ ។

១០. កុំព្យូទ័រយួរដៃ

នៅឆ្នាំ ១៩៨២ HC-20 (HX-20) ដែលផលិតដោយ Epson បានក្លាយជាកុំព្យូទ័រដំបូងគេលើពិភពលោក។

អ្វីដែលគួរឱ្យភ្ញាក់ផ្អើលកុំព្យូទ័រនេះមានម៉ាស៊ីនបោះពុម្ពនៅខាងឆ្វេង និងដ្រាយកាសែតនៅខាងស្តាំជាឧបករណ៍​ថត​សំឡេង។

១១. ប្រព័ន្ធកំណត់ទីតាំងរថយន្ត

នៅឆ្នាំ ១៩៨១ Honda លក់ប្រព័ន្ធកំណត់ទីតាំងរថយន្តដំបូងគេលើពិភពលោក។ សព្វថ្ងៃនេះ មនុស្សជាច្រើនមិនអាចបើកបរបើគ្មានប្រព័ន្ធកំណត់ទីតាំង។

ជប៉ុន​ជា​ប្រទេស​ដែល​បាន​បង្កើត​ការ​ច្នៃប្រឌិត​ជាច្រើនដើម្បីផ្លាស់ប្តូរពិភពលោក តើនឹងមានការផ្លាស់ប្តូរអ្វីនាពេលខាងមុខ?

Kengo Abe