រដូវរងាយើងត្រាំទឹកក្តៅ អញ្ចឹងរដូវក្តៅមកត្រាំទឹកកកក្រោម ២៥ អង្សា​សេ​វិញ​ម្តង

រដូវក្តៅនៅជប៉ុន​ក្តៅខ្លាំង ជាពិសេសឆ្នាំនេះ ប៉ុន្តែតាមពិតទៅខ្ញុំយល់ថារដូវក្តៅឆ្នាំណាក៏ក្តៅដែរ។ ដូច្នេះហើយរដូវនេះមិនមែនជាពេលវេលាស័ក្តិសមសម្រាប់ធ្វើដំណើរកំសាន្តនោះទេ។

ភ្ញៀវទេសចរណ៍អាចផ្អាកដំណើរកំសាន្ត ចុះអ្នកស្រុកតើត្រូវធ្វើយ៉ាងណា?

គន្លឹះងាយៗខាងក្រោម។

https://www.itmedia.co.jp/business/articles/2208/04/news063.html

គ្រាន់​តែ​មើលផ្ទាំងរូបភាពក៏មានអារម្មណ៍ថាត្រជាក់ដែរ។ មើលទៅសត្វជ្រូកថែមទាំងកកទៀតផង។

ចំពោះផ្ទាំងរូបភាពមួយទៀត…

ក្នុងផ្ទាំងរូបភាពផ្សាយពាណិជ្ជកម្មអ្នកនឹងទទួលបានដំណើរកំសាន្តនៅសីតុណ្ហភាព -២៥ អង្សាសេ។

ធ្វើដំណើរកំសាន្តក្រោមសីតុណ្ហភាពនេះមិន​ដូចជាគេច​ពី​កម្ដៅ​នោះ​ទេ ប៉ុន្តែដូចជាសាកល្បង​ភាព​ធន់​នឹង​​ត្រជាក់​របស់អ្នកទៅវិញ។

តើដំណើរកំសាន្ត “ត្រជាក់ខ្លាំង” នេះមានអ្វី? ដំបូងឡានក្រុងនេះនឹងមកទទួលអ្នក។

ទិសដៅដែលបង្ហាញនៅលើឡានក្រុងគឺបន្ទប់សូណា។ 

នៅក្នុងឡានមានទាំងបន្ទប់សូណាទៀត។

តើបន្ទប់សូណាត្រជាក់ត្រង់ណា? ឈប់សិន សូមកុំសន្និដ្ឋានលឿនពេក។

ក្រៅពីបន្ទប់សូណា មានអាងងូតទឹកត្រជាក់ ប៉ុន្តែនៅក្នុងឡានក្រុងមិនមានអាងងូតទឹកត្រជាក់ឡើយ។ នេះ​ជា​យុទ្ធសាស្ត្រ​មួយ​ក្នុងការប្រើ​ទន្លេ​ស្អាត​ក្បែរ​នោះ​ជំនួសអាងទឹកត្រជាក់។

មើលទៅទំនងម្យ៉ាងដែរ មានអារម្មណ៍ផ្សារភ្ជាប់ជាមួយធម្មជាតិ ចុះនិយាយថា -២៥ អង្សាសេត្រង់កន្លែងណា?

បន្ទាប់មកយើងនឹងទៅដល់ហាងកាហ្វេញ៉ាំទឹកកកឈូស។

អ្នកអាចរីករាយជាមួយបង្អែមនេះតាមទម្រង់ “Houdai” (ញ៉ាំដោយសេរី) ក្នុងរយៈពេល ៣០ នាទី ត្រូវបានធ្វើពីឪឡឹកល្អក្នុងស្រុក។ ដោយសារតែមានទឹកកកឈូសធ្វើអោយត្រជាក់ខ្លាំង។

គោលដៅចុងក្រោយគឺ Wellbe Sakae ។

ក្នុងបន្ទប់សូណាបង្ហាញពីទិដ្ឋភាពរដូវរងានៅប្រទេសហ្វាំងឡង់ក្រោមសីតុណ្ហភាព -២៥ អង្សាសេ ចំណែកសីតុណ្ហភាពអាងទឹកគឺ ៣ អង្សាសេ។

ពិតណាស់ ដំណើរកំសាន្ត -២៥ អង្សាសេមានពិតមែន។

Kengo Abe