អ្នកនិពន្ធជនជាតិជប៉ុន Kotaro Isaka ឆ្លើយតបមតិរិះគន់ចំពោះការជ្រើសរើសតួសម្តែង

អ្នកនិពន្ធប្រលោមលោកជនជាតិជប៉ុន Kotaro Isaka ថ្មីៗនេះបានឆ្លើយតបចំពោះការសម្រេចចិត្តជ្រើសរើសតួសម្តែងដែល​មិន​មែន​ជា​ជន​ជាតិ​ជប៉ុនក្នុងរឿង “Bullet Train” ខ្សែភាពយន្តកែសម្រួល Hollywood មកពីប្រលោម​លោក “Maria Beetle” ឆ្នាំ ២០២០ របស់​លោក។

លោក David Innoue នាយកប្រតិបត្តិនៃសហព័ន្ធពលរដ្ឋអាមេរិកសញ្ជាតិជប៉ុន បានប្រកាសថាការជ្រើសរើសតួសម្តែងរឿងរន្ធត់ដែល​សម្ដែង​ដោយ Brad Pitt ជាក់ស្តែងការជ្រើសរើសតួសម្តែងស្បែកសដើរតួមិនមែនស្បែកស ចំណុច​នេះ​ធ្វើ​អោយ​បាត់​បង់ការបំផុសគំនិតវប្បធម៌រឿង។

លោក Innoue និយាយថា “ជារឿងដែលតួអង្គបង្ហាញខ្លួនក្នុងនោះជា​ជនជាតិ​ជប៉ុន ហើយយកបរិបទនៅ​ប្រទេស​ជប៉ុន”។

ទោះជាយ៉ាងណា ក្នុងបទសម្ភាសន៍ជាមួយនឹង The New York Times លោក Isaka បានបង្ហើបថា គាត់​ចាត់​ទុក​ឃាតករ​ក្នុង​ប្រលោមលោក​របស់​ខ្លួនជាមនុស្ស “អាចបត់បែនបាន” ចំណែកឈុតឆាកសកម្មភាពគួរតែសំខាន់​ជាង​បរិបទ​របស់វា។

លោក Isaka និយាយថា “ខ្ញុំមិនមែនចង់អោយអ្នករាល់គ្នាយល់អំពីអក្សរសិល្ប៍ ឬវប្បធម៌ជប៉ុនទេ ហាក់ដូចជាខ្ញុំក៏មិនសូវយល់ពីប្រទេសជប៉ុនដែរ”។

តាមពិតទៅ ការបំផុសគំនិតក្នុងរចនាប័ទ្មរបស់លោក Isaka ផ្តើមមកពីវប្បធម៌អាមេរិក ជាពិសេសឯកសារយោងវប្បធម៌លោកខាងលិច ដូចជាឃាតករ ការសន្ទនា “បែបអាមេរិក” ។

អ្នករិះគន់សៀវភៅ Atsushi Sasaki ឆ្លើយតបបទសម្ភាសន៍ The New York Times ថា “នៅពេលអ្នកមើលការបញ្ចូល​សម្លេងភាព​យន្ត Hollywood ភាសាជប៉ុនស្តាប់ទៅឆ្គង។ នោះហើយជារបៀបដែលខ្ញុំតែងតែស្រមៃមើលសៀវ​ភៅ​របស់​​គាត់ ក៏​ដូច​ជា​របៀប​សន្ទនា​របស់​តួអង្គក្នុងនោះ” ។

ការឆ្លើយតបនាពេលថ្មីៗនេះចំពោះការរិះគន់ជ្រើសរើសតួអង្គឯកជាជនជាតិស្បែកសក្នុងខ្សែភាពយន្តចម្រុះជាតិសាសន៍បានបង្ហាញថាបញ្ហានេះនៅតែមានភាពចម្រូងចម្រាសខ្លាំង។ Ken Watanabe ធ្លាប់ការពារខ្សែភាពយន្ត “The Last Samurai” ពីការរិះគន់ដោយរំលេចនូវឱកាសដល់តួអង្គ​ជន​ជាតិ​អាមេរិក​សញ្ជាតិ​អាសុី។

រឿង “Bullet Train” អាចនឹងមានឥទ្ធិពលស្រដៀងគ្នាលើប្រលោមលោករបស់លោក Isaka ដោយបង្កើតការចាប់អារម្មណ៍​ជួយ​អោយ​អ្នក​ទស្សនា​ជ្រៀត​ចូលទីផ្សារអក្សរសិល្ប៍បរទេស។

Sacchan