ក្រុមហ៊ុនកាត់ដេរជប៉ុនផលិតអាវយឺតសទប់ទល់នឹងស្នាមប្រឡាក់ពេលបរិភោគ Ramen

ថ្ងៃពុធ 03/08/2022 | 9:39 ព្រឹក

ក្រុមហ៊ុនកាត់ដេរជប៉ុនបានសម្រេចចិត្តរចនាអាវយឺតស សម្រាប់អ្នកដែលចូលចិត្តញ៉ាំ Ramen ដោយមិនបារម្ភខ្លាចប្រឡាក់។

Ziorich ជាក្រុមហ៊ុនកាត់ដេរដែលមានឯកទេសផលិតអាវធំបុរស និងសំពត់ក្រណាត់។ ថ្មីៗនេះក្រុមហ៊ុនបានបញ្ចេញវីដេអូណែនាំអំពីអាវយឺតដែលអាចទប់ទល់នឹងស្នាមប្រឡាក់ពេលបរិភោគ Ramen ។ ក្នុងវីដេអូបុរសម្នាក់ទទួលទាន Ramen ហុតទឹកស៊ុបខ្ទាតប្រឡាក់លើអាវយឺតពណ៌ស។

បន្ទាប់ពីទទួលទានរួច អាវយឺតមើលទៅមិនកខ្វក់នោះទេ។

ប៉ុន្តែបុរសម្នាក់នេះមិនញញើតទេ គាត់យកកែវទឹកចាក់ផ្ទាល់មកលើអាវយឺត។ ពិតជាអស្ចារ្យណាស់ ស្នាមប្រឡាក់រលាយបាត់ភ្លាមៗ អាវយឺតត្រឡប់ទៅរកសភាពដូចជាមិនធ្លាប់ប្រឡាក់។

Ziorich បន្តបង្ហោះវីដេអូទី ២ ក្នុងនោះអាវយឺតពណ៌សត្រូវទឹកស៊ុប Tonkotsu Ramen ធ្វើអោយប្រឡាក់។ ប៉ុន្តែក្រោយមកគ្រាន់តែជ្រលក់កន្សែងចូលទឹក ហើយជូតស្នាមប្រឡាក់លើអាវ គ្រប់យ៉ាងរលាយបាត់ទៅដូចជាមិនធ្លាប់កើតឡើង។