សិក្ខាសាលាអនឡាញជាកន្លែងដែលជនរងគ្រោះធ្លាប់ត្រូវរំលោភបំពានអាចនិយាយរឿងក្នុងចិត្ត

បន្ទាប់ពីធំដឹងក្តីជនរងគ្រោះករណីរំលោភបំពានកុមារបានរំលឹកដល់រយៈពេលត្រូវបំពានក្នុងសន្និសីទអនឡាញថ្មីៗនេះដែលរៀបចំដោយ Abuse Dialogue ។

Abuse Dialogue ផ្តួចផ្តើមដោយបុគ្គលិកសុខុមាលភាពសង្គមពីរនាក់កាលពីខែមិថុនា ឆ្នាំ ២០២០ ដើម្បីបង្កើតកន្លែងមួយសម្រាប់ “ជនរងគ្រោះធ្លាប់ត្រូវរំលោភបំពាន និងអ្នកដែលចាប់អារម្មណ៍ចំពោះបញ្ហារំលោភបំពានកុមារ​អាច​បើក​ចិត្ត ជាមួយគ្នានេះពិភាក្សារកដំណោះស្រាយ” ។ Abuse Dialogue រៀបចំ Workshop ២ ដងក្នុងមួយ​ខែ​តាម​រយៈប្រព័ន្ធសន្និសីទអនឡាញ។

សន្និសីទថ្មីបំផុតដើម្បីអបអរសាទរខួបលើកទី ២ នៃការបង្កើត Abuse Dialogue ដោយមាន​ការ​ចូល​រួម​ពី​ជន​រង​គ្រោះករណីរំលោភ​បំពានកុមារចំនួន ៣​ នាក់។ ម្នាក់​ក្នុង​ចំណោម​ពួក​គេ​បច្ចុប្បន្ន​ជា​និស្សិត​ពេទ្យ ដែលធ្លាប់ត្រូវឪពុក​បង្កើត​ធ្វើ​​បាប​​ទាំង​​ផ្លូវ​​កាយ និង​ផ្លូវចិត្ត​កាលនៅក្មេង។

“ខ្ញុំពិតជាធ្លាប់គិតថាខ្លួនគ្មានអ្វីល្អនោះទេ។ បច្ចុប្បន្នខ្ញុំនៅតែត្រូវលងបន្លាចដោយ​ការ​ចង​ចាំ​ដ៏​អាក្រក់​នា​ពេល​នោះ” ។

ពួកគេ​ក៏​បាន​ចែករំលែក​ក្តី​ស្រមៃ​ចង់​ក្លាយ​ជាអ្នកប្រឹក្សាផ្លូវចិត្តសម្រាប់កុមារ យកបទពិសោធន៍ផ្ទាល់ខ្លួនជួយដល់អ្នកដែលមានស្ថានភាពស្រដៀងគ្នា។

“តាមរយៈការព្យាបាលអោយក្មេងដទៃទៀត ខ្ញុំក៏ចង់រំលឹកដល់អតីតកាល​របស់​ខ្លួន ដើម្បីសង្គ្រោះខ្លួនឯងផងដែរ ព្រោះ​​ខ្ញុំ​​មិន​​អាច​នៅ​ក្នុង​អតីតកាល​ជា​រៀង​រហូតទេ” ។

អ្នកចូលរួមសន្និសីទទាំងបីបានយល់ព្រមចែករំលែកបទពិសោធន៍ផ្ទាល់ខ្លួន ដោយទទួលយកការប្រឈមមុខនឹងបញ្ហា។ ពួកគេបាននិយាយថា “ខ្ញុំធ្លាប់យល់ថាអាម៉ាស់ចំពោះវត្តមានរបស់ខ្លួន ដូច្នេះខ្ញុំមិនអាចនិយាយពីរឿងធ្លាប់​ត្រូវ​រំលោភ​បំពាន​រហូតដល់អាយុ ២០ ឆ្នាំ” ។ អ្នកចូលរួមម្នាក់បានអោយដឹង “ដោយប្រាប់អ្នករាល់គ្នាថាខ្ញុំត្រូវគេ​រំលោភ​បំពាន នៅទីបំផុតខ្ញុំអាចទទួលយករឿងខ្លួនធ្លាប់ត្រូវគេរំលោភបំពាន” ។

Isomura បានអត្ថាធិប្បាយបន្ថែមថា “អ្នករស់រានមានជីវិតបន្ទាប់ពីត្រូវរំលោភបំពាននឹងជួយការលំបាកទោះធំដឹងក្តីក៏ដោយ ដូចជាមិនអាចបង្កើតទំនាក់ទំនងល្អ ឬមានបញ្ហាផ្លូវចិត្ត។ យើង​ចង់​បន្ត​ Workshop បែបនេះ ដើម្បី​អោយ​អ្នក​រាល់​គ្នា​អាចនិយាយរឿងដែល​គេ​មិន​អាច​ប្រាប់​មនុស្ស​ជុំវិញ​ខ្លួន​បាន ហើយកាត់បន្ថយបញ្ហាកាល​ពី​​អតីត​កាល​របស់​ពួក​គេ” ។

កាលវិភាគសិក្ខាសាលា និងព័ត៌មានផ្សេងទៀតរបស់ Abuse Dialogue ត្រូវបានបង្ហោះនៅលើគណនី Twitter @AbuseDialogue (ជា​ភាសា​ជប៉ុន)។

Sacchan