ក្រុមជំនួយមនុស្សដែលមិនព្រមសេពគប់អ្នកណាសោះប្រើប្រាស់ “បន្ទប់​និម្មិត” ដើម្បីជជែកជាមួយ Hikikomori

Hikkikomori សំដៅលើអ្នកដែលលាក់ខ្លួនក្នុងបន្ទប់មិនទាក់ទងនឹងមនុស្សនៅជុំវិញ។ ស្ថានភាពរបស់ពួកគេកាន់​តែ​អាក្រក់​ទៅៗ​នៅពេលដែល​អាណា​ព្យាបាល​ចាស់ ប៉ុន្តែកូនរបស់ពួកគេនៅតែមិនព្រមចេញទៅក្រៅ។

ក្រុមមួយនៅ Osaka មានឈ្មោះថា JACFA ប្ដេជ្ញា​ចិត្ត​ជួយ​មនុស្ស​ទាំង​នេះ​ចូលរួមសង្គមឡើងវិញ ភារកិច្ចរបស់ពួក​គេ​មិនងាយស្រួលនោះទេ។ អង្គ​ការ​បាន​អោយ​ដឹង​ថា ៨០% អ្នកដែលទាក់ទងជាមួយពួកគេជាឪពុកម្តាយរបស់ Hikkikomori មិនមែនបុគ្គលទាំងនោះឡើយ។ ការណាត់ជួបក៏ពិបាកណាស់ដែរ ហើយភាគច្រើនបញ្ចប់ដោយ Hikkikomori បិទ​ទ្វារ​នៅ​ចំពោះ​មុខ​ពួកគេ។

ដើម្បីដោះស្រាយបញ្ហានេះ JACFA បានសាកល្បងវិធីចូលទៅជិតពួកគេផ្សេងទៀត ដោយបង្កើត “បន្ទប់ជំនួយនិម្មិត” ដែល​ជា​មជ្ឈ​មណ្ឌលជំនួយ​នៅ​លើ​វេទិកា Metaverse ។

ថ្វីត្បិតតែគំនិតនេះថ្មីស្រឡាង ហើយមើលទៅល្អ ប៉ុន្តែក្រុមមិនប្រាកដថាបុគ្គលទាំងនោះនឹងឆ្លើយតបឡើយ។ ទោះ​ជា​យ៉ាង​ណា Hikkikomori មិនត្រឹមតែចូលរួមប៉ុណ្ណោះទេ JACFA ភ្ញាក់ផ្អើលយ៉ាងខ្លាំងនៅពេលដែលពួកគេព្រមប្រើ​ប្រាស់​បន្ទប់និម្មិតនេះ។

ក្នុងអំឡុងពេលដំណើរការសាកល្បងកាលថ្ងៃទី ១៣ ខែកក្កដា “កិច្ចប្រជុំផ្លាស់ប្តូរ” មួយត្រូវបានធ្វើឡើងដោយមានអ្នកចូលរួម ២០ ​នាក់រួមទាំងបុគ្គលិកអង្គការ និង Hikkikomori ។ ក្នុងបរិយាកាសនិម្មិត អ្នកដែលមិនសេពគប់អ្នកណាសោះបើកចំហចិត្តចំពោះបុគ្គលិក។ ពួកគេណែនាំខ្លួន​ដោយ​ឈ្មោះ​ហៅ​ក្រៅ និងចូលរួមសកម្មភាពរួមគ្នាដូចជាឆ្លើយសំណួរជាដើម។ បុគ្គលចូលរួមបាននិយាយថា ពួកគេមានអារម្មណ៍ល្អពេល​ប្រាស្រ័យ​ទាក់​ទងដោយ avatar អាច​និយាយ​ច្រើន​ជាងមុន និងមិនមានអារម្មណ៍មិនស្រួលដូចពេលជួបមុខផ្ទាល់នោះទេ។

ជាការពិតណាស់ ត្រូវចំណាយពេលយូររហូតទាល់តែអ្នកទាំងនេះចូលរួមក្នុងសង្គមឡើងវិញ។ ទោះជាយ៉ាងណា ច្បាស់ណាស់បន្ទប់និម្មិតបាន​ផ្តល់​ឱកាស​ឱ្យ​ពួក​គេទំនាក់ទំនងជាមួយមនុស្សពិត។ ដោយពង្រីកទំនាក់ទំនង ក្រុមជំនួយ​​នៅ​​មាន​រឿង​ជា​ច្រើនទៀតដែល​​ត្រូវ​​ធ្វើ ដើម្បីនាំ Hikkikomori ចេញពីបន្ទប់របស់ពួកគេ។

ទន្ទឹមនឹងនេះ ការអប់រំ និងបណ្តុះបណ្តាលក៏អាចធ្វើឡើងនៅលើវេទិកា Metaverse ដែលជួយអោយ JACFA សម្រេច​​បាន​នូវ​គោល​ដៅ​ចុង​ក្រោយ​ជួយ Hikkikomori ស្វែងរកការងារ ផ្គង់ផ្គង់ជីវភាពផ្ទាល់ខ្លួន។

ដោយផ្អែកលើលទ្ធផលព្រឹត្តិការណ៍សាកល្បង ក្រុមសង្ឃឹមថាកម្មវិធីពេញលេញនឹងចាប់ផ្តើមនៅឆ្នាំក្រោយ។

Sacchan