សៀវភៅណែនាំបត់ Origami ដែលពិបាកបំផុតនឹងចេញលក់ក្នុងពេលឆាប់ៗនេះ

អ្នករាល់គ្នាប្រាកដជាស្គាល់ Origami គឺជាសិល្បៈបត់ក្រដាសប្រពៃណីជប៉ុន។ Origami មួយចំនួនមានភាពងាយស្រួល​ដូច​ជា​បត់​ចាប បត់ផ្កាយជាដើម។ ក្រៅពីនេះក៏​មាន​ទម្រង់​បត់​ដែល​មាន​ភាព​ស្មុគស្មាញ និង​ពិបាក​ជា​ច្រើន​ទៀត។ Origami អាចចាត់ទុកដូចជាការកំសាន្ត ហើយក៏អាចជា​សិល្បៈកំពូលដែលមិនមែនគ្រប់គ្នាសុទ្ធតែធ្វើបានឡើយ។

នាពេលខាងមុខនេះសៀវភៅណែនាំ Origami level ដែលហៅថា Chozetsu no Origami នឹងត្រូវបានដាក់ចេញ។

សៀវភៅនេះរួមបញ្ចូលសរុប ២១ គំរូរបស់គ្រូបង្រៀន Origami ៤ រូបដូចជា Makoto Yamaguchi, Satoshi Kamiya, Chuya Miyamoto និង Kyohei Katsuta ។ សៀវភៅត្រូវបានបោះពុម្ពដោយ Seitosha ពីមុនហាងនេះក៏ធ្លាប់ទទួលខុសត្រូវបោះពុម្ព Shikō no Origami (Origami កំពូល) និង Kyuukyoku no Origami (Origami ខ្លាំងបំផុត) ជា​សៀវ​ភៅ Origami ពិបាក​ជាង​គេ​នៅលើទីផ្សារ។

ដូចជាឈ្មោះរបស់វា “Origami សំខាន់បំផុត” កាន់តែពិបាកជាងនេះ។ ក្នុងនោះស្នាដៃដែលលេចធ្លោបំផុតរបស់ Chuya Miyamoto មាន​ឈ្មោះ​ថា 有翼の麒麟 (សត្វកវែងមានស្លាប) ដោយផ្អែកលើរូបសំណាកដែលដាក់នៅតំបន់ Nihonbashi ទីក្រុង​តូក្យូ។

កំណែដើមនៃស្នាដៃនេះបានបញ្ចប់កាលពី ២០ ឆ្នាំមុន ប៉ុន្តែចាប់តាំងពីពេលនោះមក Miyamoto បានបន្ថែមចំណុច​ជា​ច្រើន​ទៀត ដើម្បីកែ​លម្អ​ទម្រង់​បត់​ក្រដាស។ ​លទ្ធផលស្នាដៃនេះតម្រូវអោយមានភាពអត់ធ្មត់ខ្លាំង ត្រូវឆ្លង​កាត់ ២៦៦ ជំហានដើម្បី​បញ្ចប់។

ជាការពិតណាស់ នេះមិនមែនជាសៀវភៅណែនាំសម្រាប់អ្នកដែលទើបតែរៀនបត់ Origami នោះទេ ប៉ុន្តែទោះបីជាអ្នកមានបទពិសោធន៍ច្រើន​យ៉ាង​ណា អ្នក​ក៏​មិន​គួរប្រញាប់សាកល្បងបត់សត្វកវែងមានស្លាបខាងលើដែរ។ ចូរចាប់​ផ្តើម​​ងាយៗ​ជា​មួយ​នឹង​ខ្លាឃ្មុំខ្មៅនេះ និយាយ​ថា​ងាយ​តែ​ក៏​មិន​ប្រាកដ​ដែរ។

នេះគ្រាន់តែជាការចាប់ផ្តើមក្នុងសៀវភៅប៉ុណ្ណោះ ក្រៅពីនេះនៅមានគំរូប្លែកៗចំនួន ១៩ ផ្សេងទៀត។

សម្រាប់អតិថិជនដែលបញ្ជាទិញផលិតផលតាមរយៈ Rakuten អ្នកនឹងទទួលបានកញ្ចប់ក្រដាសបត់ Origami ខ្នាត​ធំ និងគុណភាពខ្ពស់។

សៀវភៅត្រូវបានដាក់លក់នៅទូទាំងប្រទេសជប៉ុនក្នុងតម្លៃ ២៦៤០ យ៉េនចាប់ពីថ្ងៃទី ៥ ខែកញ្ញា។

Sacchan