ជប៉ុនជាប់ចំណាត់ថ្នាក់ ១១៦ ស្តីពីសមភាពយេនឌ័រនៅលើពិភពលោក

កាលពីថ្ងៃទី ១៣ វេទិកាសេដ្ឋកិច្ចពិភពលោក (WEF) បានប្រកាស “សន្ទស្សន៍គម្លាតយេនឌ័រ” ស្តីពីសមភាព​យេនឌ័រ​លើ​វិស័យ​ជា​ច្រើននៅឆ្នាំ ២០២២ ក្នុងនោះប្រទេសជប៉ុនជាប់ចំណាត់ថ្នាក់ទី ១១៦ ក្នុងចំណោមប្រទេសចំនួន ១៤៦ នៅលើតារាងចំណាត់ថ្នាក់រួម។ ថ្វីត្បិតតែឡើង ៤ ថ្នាក់បើធៀបនឹងការស្ទង់មតិលើកទី ២១ ប៉ុន្តែប្រទេស​​នេះ​​នៅ​តែ​ស្ថិតនៅលំដាប់ចុងក្រោយក្នុងចំណោមប្រទេសអភិវឌ្ឍន៍ ដោយសារភាពយឺតយ៉ាវក្នុងវិស័យនយោបាយ និងសេដ្ឋកិច្ច។ ការដោះស្រាយវិសមភាពរវាងបុរស និងស្ត្រីហាក់ដូចជាបញ្ហាបន្ទាន់សម្រាប់លោក Fumio Kishida ដែល​កើត​មាន​ក្រោយ​ការ​បោះឆ្នោតព្រឹទ្ធសភា។

ជប៉ុនជាប្រទេសនាំមុខគេក្នុងវិស័យអប់រំ (ស្តីពីសមភាពយេនឌ័រ) ជាមួយនឹងប្រទេសចំនួន ២០ ផ្សេងទៀត។ ទោះ​បី​ជា​យ៉ាង​ណា ដោយសារអត្រាចូលរួមកម្លាំងពលកម្មរបស់ស្ត្រីធ្លាក់ចុះ ដូច្នេះជប៉ុនជាប់ចំណាត់ថ្នាក់ទី ១២១ ក្នុងវិស័យ​សេដ្ឋកិច្ច។ អត្រាស្រ្តីកាន់​តំណែង​ក្នុង​សភា​នៅ​មាន​កម្រិត​ទាប ដោយ​មាន​ស្ត្រី​ ​១៣៩ នាក់​ធ្វើនយោបាយប៉ុណ្ណោះ។

ម៉្យាងវិញទៀត Iceland ជាប្រទេសនាំមុខគេអស់រយៈពេល ១៣ ឆ្នាំ​ជាប់​គ្នា។ បណ្តាប្រទេសអឺរ៉ុបខាងជើងនាំមុខគេ ក្នុងនោះប្រទេសហ្វាំងឡង់ជាប់ចំណាត់ថ្នាក់លេខ ២ និងន័រវេសជាប់ចំណាត់ថ្នាក់លេខ ៣ ។ ក្នុង​ចំណោម​ប្រទេស​អភិវឌ្ឍន៍​ទាំង​ប្រាំពីរ (G7) ក្រៅពី​ជប៉ុន អាល្លឺម៉ង់ជាប់ចំណាត់ថ្នាក់ទី ១០ បារាំងជាប់ចំណាត់ថ្នាក់ទី ១៥ ចក្រភពអង់គ្លេសជាប់ចំណាត់ថ្នាក់ទី ២២ កាណាដាជាប់ចំណាត់ថ្នាក់ទី ២៥ សហរដ្ឋអាមេរិកជាប់ចំណាត់ថ្នាក់ទី ២៧ និង​អុីតាលី​ជាប់​ចំណាត់​ថ្នាក់​ទី ៦៣ ។

ប្រទេសជប៉ុនជាប់ចំណាត់ថ្នាក់ទាបជាងប្រទេសកូរ៉េ (ទី ៩៩) និងប្រទេសចិន (ទី ១០២) ហើយ​ជា​ប្រទេស​ដែល​មានចំណាត់​ថ្នាក់​ទាប​​បំផុត​​ក្នុង​ចំណោម​ ១៩ ប្រទេសនៅ​តំបន់អាស៊ីប៉ាស៊ីហ្វិកខាងកើត។

Sacchan