មនុស្សរាប់សែននាក់ត្រូវជម្លៀសចេញដោយសារភ្លៀងធ្លាក់ខ្លាំង​​ក្នុង​​តំបន់​​ជា​​ច្រើន​នៅប្រទេសជប៉ុន

នៅថ្ងៃទី ១៩ ខែកក្កដា ភ្លៀងធ្លាក់ខ្លាំងនៅតំបន់ជាច្រើននៃភាគនិរតីប្រទេសជប៉ុន ដោយរំខានដល់ចរាចរណ៍ ហើយ​​បាន​​បង្ខំ​​អាជ្ញាធរ​មូលដ្ឋាន​ចេញ​បញ្ជា​ជម្លៀស​មនុស្ស​ជាង ៤៨ ម៉ឺន​នាក់។

យោងតាមទីភ្នាក់ងារឧតុនិយមជប៉ុន (JMA) ចាប់ពីយប់ថ្ងៃទី ១៨ ខែកក្កដាដល់ព្រឹកថ្ងៃទី ១៩ ខែកក្កដា បណ្តាខេត្ត Fukuoka, Saga និង Oita ក្នុងតំបន់ Kyushu និងខេត្ត Yamaguchi នៅចុងភាគខាងលិចកោះ Honshu សុទ្ធ​តែ​កត់​សម្គាល់បរិមាណទឹកភ្លៀងខ្លាំង។

ទីក្រុង Hita ខេត្ត Oita ទទួលរងបរិមាណទឹកភ្លៀងកំណត់ត្រា ៨១,៥ មីលីម៉ែត្រក្នុងមួយម៉ោង បន្ទាប់មក ៦៣ មីលីម៉ែត្រក្នុងមួយម៉ោងនៅ Kurume ខេត្ត Fukuoka និង ៦២ មីលីម៉ែត្រក្នុងមួយម៉ោងនៅ Yamaga ខេត្ត Kumamoto ។

JMA ប្រកាសភ្លៀងបន្តធ្លាក់ខ្លាំងនៅ Kyushu និង Yamaguchi ។

ទីភ្នាក់ងារគ្រប់គ្រងគ្រោះមហន្តរាយ និងអគ្គិភ័យបានអោយដឹងគិតត្រឹមព្រឹកថ្ងៃទី ១៩ ខែកក្កដា មនុស្សជាង ៤៨២.០០០ នាក់មកពី ២២៥.០០០ គ្រួសារ​នៅ Yamaguchi, Shimane និង Ehime ភាគខាងលិចប្រទេសជប៉ុន ព្រម​ទាំង Fukuoka និង Saga ត្រូវបានបញ្ជាឱ្យជម្លៀសចេញ។

បណ្តាតំបន់នៃខេត្ត Kyoto និង Shiga នៅភាគខាងលិចប្រទេសជប៉ុនក៏កត់សម្គាល់បរិមាណទឹកភ្លៀងខ្លាំងប្រហែល ៩០ មីលីម៉ែត្រ​ក្នុង​មួយ​ម៉ោង។

ក្រុមហ៊ុនផ្លូវដែកកណ្តាលជប៉ុនបានផ្អាកសេវាកម្មរថភ្លើងល្បឿនលឿន shinkansen រវាង Kyoto និង Maibara ខេត្ត Shiga ។

ក្រុមហ៊ុនផ្លូវដែក Kyushu ក៏ត្រូវបញ្ឈប់រថភ្លើងមួយចំនួននៅពេលព្រឹកតាមតំបន់ខ្លះក្នុងខេត្តដោយសារភ្លៀងធ្លាក់​ខ្លាំង។

តាមការព្យាករណ៍អំឡុងពេល ២៤ ម៉ោងរហូតដល់ថ្ងៃត្រង់ទី ២០ ខែកក្កដា តំបន់ភាគខាងត្បូង Kyushu នឹងទទួល​រងបរិមាណទឹកភ្លៀងពី ២០០​-​២៥០ មីលីម៉ែត្រ ខណៈដែលតំបន់ Kinki នៅភាគខាងលិច និង Tokai នៅ​ភាគ​កណ្តាល​ទទួល​រង​បរិមាណ​ទឹក​ភ្លៀង ១៥០ មីលីម៉ែត្រ។

ប្រភព៖ Skydoor