កីឡាករ Yuzuru Hanyu ចេញសេចក្តីប្រកាសសំខាន់ក្នុង​សន្និសីទ​សារព័ត៌មាន​

ក្រុមហ៊ុនគ្រប់គ្រង “តំណាងជិះស្គីទឹកកក” ជប៉ុន​កីឡាករ Yuzuru Hanyu បាននិយាយថាគាត់នឹងចេញសេចក្តីប្រកាសសំខាន់​ក្នុង​សន្និសីទសារព័ត៌មាន​នា​ពេល​ខាង​មុខ។

សន្និសីទសារព័ត៌មានដែលប្រព្រឹត្តទៅវេលាម៉ោង ៥ ល្ងាច (ម៉ោងនៅជប៉ុន) កាលពីថ្ងៃអង្គារ ទី ៩ ខែកក្កដានៅទីក្រុង​តូក្យូ។ ចំពោះបញ្ហា​នេះ​ មានការ​សន្និដ្ឋាន​ជាច្រើន​ថា​គាត់​​អាច​នឹង​ឈប់​ដំណើរការ​ដោយសារ​រងរបួស។ របួសទាំង​នេះ​បានធ្វើអោយវត្តមានរបស់គាត់នៅលើទីលានជិះស្គីថយចុះអំឡុងពេលប៉ុន្មានឆ្នាំថ្មីៗនេះ។

កីឡាករ Hanyu ក្លាយជាម្ចាស់ជើងឯកពិភពលោកចំនួនពីរដង ម្ចាស់មេដាយមាសអូឡាំពិកពីរដង ជើងឯកវគ្គផ្តាច់ព្រ័ត្រ Grand Prix បួនដង ម្ចាស់ជើងឯក Four Continents Figure Skating Championships ២០២០ និងក្លាយជាជើងឯកជាតិ ៦ ដង។

បន្ទាប់ពីសម្តែងមិនបានសម្រេចដូចបំណង​ក្នុង​ព្រឹត្តិការណ៍​កីឡា​អូឡាំពិក​រដូវរងា​ទីក្រុង​ប៉េកាំង​កាល​ពី​ខែ​កុម្ភៈ កីឡាករគ្រេច​កជើង និងបញ្ឈប់ការប្រកួតត្រឹម​ចំណាត់ថ្នាក់លេខ ៤ ។ Hanyu ឆ្លើយតបបទសម្ភាសន៍​ទាក់​ទង​នឹង​អនាគត​ដូច​​តទៅ “មិនសំខាន់ក្នុងវិស័យណា អាចជាការសម្តែងជិះស្គី ឬក្នុងការប្រកួតមួយ” ។

ម្យ៉ាងវិញទៀត គាត់ក៏រក្សាភាពស្ងៀមស្ងាត់ចំពោះរបួសរបស់ខ្លួនផងដែរ។

ក្នុងនាមជាអ្នកមកពី Sendai កីឡាករ Hanyu បានក្លាយជាអ្នកបំផុសគំនិតដល់ជនរងគ្រោះរញ្ជួយដី និងរលកយក្ស​ស៊ូណាមិ​ឆ្នាំ ២០១១ ដោយជ័យជម្នះរបស់ខ្លួនក្នុងកីឡាអូឡាំពិក Sochi ឆ្នាំ ២០១៤ នៅប្រទេសរុស្ស៊ី។ គាត់បានការពារតំណែងរបស់ខ្លួនដោយជោគជ័យនៅ​ក្នុង​ព្រឹត្តិ​ការណ៍​កីឡា​អូឡាំពិក Pyeongchang ២០១៨ ហើយក្លាយជាអ្នក​មាន​អាយុ​វ័យ​ក្មេងបំផុតដែលទទួលបានពានរង្វាន់កិត្តិយសពីរដ្ឋាភិបាលជប៉ុននៅអាយុ ២៣ ឆ្នាំ។

កីឡាករ Hanyu ស្ទើរតែអាចបង្វិលបាន ៤,៥ ជុំ ដែលជាជំនាញពិបាកបំផុតក្នុង​ព្រឹត្តិការណ៍​កីឡា​អូឡាំពិកទីក្រុង​ប៉េកាំង​កន្លង​ទៅ គួរអោយសោកស្តាយគាត់ដួលខណៈពេលព្យាយាមលោត។ Hanyu ត្រូវ​ដក​ខ្លួនចេញពី​ការ​ប្រកួត​ជើង​​ឯក​​ពិភព​លោក​កាល​ពី​ខែ​មីនា ដោយសារ​មិនទាន់ជា​សះស្បើយ​ពី​របួស។

យើងនឹងទន្ទឹងរង់ចាំព័ត៌មានពីកីឡាករ Hanyu បន្ថែមនាពេលខាងមុខ។

Sacchan