ទម្លាប់ចម្លែកខុសគេបុរសជនជាតិជប៉ុនម្នាក់ “ប្រមូលគ្រួសជាប់បាត​​ស្បែក​​ជើង​អស់រយៈពេលមួយឆ្នាំ”

ក្នុងរយៈពេលជាងមួយឆ្នាំ Mangaka ម្នាក់ប្រមូលបានគ្រួសចំនួន ១៧៩ គ្រាប់ និង ៣២ បំណែកកញ្ចក់ជាប់ក្រោម​បាត​ស្បែក​ជើង ព្រោះ​គិត​ថា​បើ​ចោល​​ដូច​ជា​ខ្ជះខ្ជាយពេក។

Daisuki Neruno បានបង្ហាញការប្រមូលរបស់ខ្លួននៅលើ Twitter កាលពីថ្ងៃទី ២២ ខែមិថុនា។ គាត់តម្រៀបគ្រួស និង​បំណែក​កញ្ចក់​ជា​ជួរ​យ៉ាង​យកចិត្តទុកដាក់។

Nerono បានសរសេរថា គាត់បានចាប់ផ្តើមប្រមូលទុកនៅថ្ងៃទី ២២ ខែមិថុនាឆ្នាំមុន ហើយនិយាយថាគ្រួសទាំងអស់​មាន​ទំហំ​ដូច​គ្នា។ លោក​ក៏​បាន​បន្ថែម​ថា រាល់ ​៣-៤​ ថ្ងៃ​គាត់​នឹង​រើស​គ្រួសម្តង។

1年前の2021年6月22日に始めた「スニーカー裏の溝に挟まった小石収集」の結果。
小石179個。
ガラス片32個。
ナット1個。
計212個。
溝の太さが一定なので自然と粒が揃ってる。
収集は3.4日に一度。毎日していたら結果は違ったかもしれない。左右別々に収集しても面白かったかもと今更ながら思った。 pic.twitter.com/fbU24iM05R

— ネルノダイスキ (@nerunodaisuki) June 22, 2022

វិចិត្រករ​ទុកគ្រួស និងបំណែកបញ្ចក់ក្នុងដប Ramune ទទេ (ជាឈ្មោះប្រភេទសូដាដែលពេញនិយមនៅជប៉ុន) ។ Tweet មានទទួល​​​​អ្នក​ចូល​ចិត្ត​ជាង ១០,០០០ នាក់ និង re-tweet ជាង ៣០០០ នាក់​ផង​ដែរ។

Neruno ប្រើឈើចាក់ធ្មេញឆ្កឹះគ្រួស និងបំណែកកញ្ចក់ចេញពីស្បែកជើងរបស់គាត់យ៉ាងប្រុងប្រយ័ត្ន។

“មិន​ពិបាក​ទេ​បើ​អ្នក​ប្រើ​ឈើ​ចាក់​ធ្មេញ​យកវាចេញ ប៉ុន្តែងាយនឹងធ្វើធ្លាក់។ ដូច្នេះគន្លឹះត្រូវធ្វើយឺតៗ កុំ​ប្រើ​កម្លាំង​​ខ្លាំង​​ពេក” ។

ភាគច្រើនគ្រួសដែលគាត់ប្រមូលបានមកពីផ្លូវក្រាលកៅស៊ូពីផ្ទះរបស់ Mangaka ទៅកាន់ហាងលក់ទំនិញ។ វិចិត្រ​ករ​​រូប​​នេះ​​បាន​​និយាយ​​ថា​​គាត់​នឹង​បន្ត​ការប្រមូលរបស់ខ្លួន ហើយជាពិសេសចាប់អារម្មណ៍លើការបែងចែកប្រភេទគ្រួស រួច​រក​វិធី​សម្គាល់​គ្រួស​ពី​ស្បែក​ជើង​ខាងស្តាំ និងស្បែកជើងខាងឆ្វេង។

Sacchan