ចំណេះដឹងចំពោះមុខម្ហូបជប៉ុនដែលអ្នកប្រហែលជាមិនទាន់បានដឹង

ម្ហូបជប៉ុនល្បីទូទាំងពិភពលោក ជាពិសេសនៅបស្ចិមប្រទេស ដោយសារតែលក្ខណៈពិសេសរបស់មុខម្ហូប។ ប្រសិន​បើ​អ្នក​ស្គាល់​តែ​មុខម្ហូបពេញនិយមដូចជា Sushi ឬ Ramen (Ramen មិន​មានប្រភពមកពីជប៉ុន) ទេ។ តោះចូរស្វែងយល់អំពីមុខម្ហូបជប៉ុនមួយចំនួនខាងក្រោម។

Neba-neba

ជាការពិតណាស់ ប្រសិនបើអ្នកធ្លាប់ហូប Natto អ្នកប្រាកដជាមិនចម្លែកនឹងមុខម្ហូបជាប់ស្អិតក្នុងវប្បធម៌ម្ហូបអាហារជប៉ុននោះទេ។ ជាក់ស្តែង មុខម្ហូបបែបនេះច្រើនតែពិបាកហូប ប៉ុន្តែល្អចំពោះសុខភាព។ ក្រុមម្ហូបបែបនេះហៅថា “neba-neba” ឧទាហរណ៍មួយចំនួនខាងក្រោម។

Tororo ជាមុខម្ហូបពេញនិយមក្នុងចំណោម Neba-neba ដែលធ្វើពីដំឡូងបារាំង (ភាគច្រើនគឺ Nagaimo ឬ Yamaimo) ។ ហើយ​ក៏ជាមុខ​ម្ហូប​ត្រជាក់​ដ៏​ពេញ​និយម​នៅ​ភោជនីយដ្ឋាន​ជប៉ុន​ផង​ដែរ។ អ្នកអាចរីករាយនឹងមុខម្ហូប​ជា​មួយ​ទឹក​ជ្រលក់ ឬចាត់ទុកដូចជា Topping សម្រាប់សាឡាត់។

Mekabu & Mozuku

ប្រហែលជាអ្នករាល់គ្នាស្គាល់ Wakame ជាសារ៉ាយសមុទ្រដែលមានក្នុងស៊ុប Miso ។ ទោះជាយ៉ាងណា តើអ្នកដឹងទេ​ថា​ពន្លក​សារ៉ាយ​សមុទ្រក៏អាចបរិភោគបានដែរ ហៅថា Mekabu ។ Mekabu រអិលខ្លាំង ហើយជាទូទៅប្រើជាមុខម្ហូប​បន្ទាប់សន្សំ។ ចំណែក Mozuku ជា​ប្រភេទ​សារ៉ាយ​សមុទ្រ​រអិល​មួយ​ផ្សេង​ទៀត ហើយជាមុខម្ហូបពិសេសនៅ Okinawa ។

Nameko

អ្នកប្រហែលជាធ្លាប់លឺឈ្មោះផ្សិតជប៉ុនជាច្រើនដូចជា Shiitake និង Enoki ។ តើអ្នកធ្លាប់ភ្លក់ Nameko ហើយឬនៅ? ផ្សិតតូចៗទាំងនេះមានសំបកស្អិត ហើយជាប្រភេទផ្សិតដែលពេញនិយមបំផុតនៅជប៉ុន។ អ្នកអាចមើលឃើញ Nameko ក្នុង​ស៊ុប Miso និង Nabe (ឆ្នាំងភ្លើង) ល្អចំពោះសុខភាព។

Konnyaku

Konnyaku មិនប្រាកដថាជា Neba-neba ព្រោះវាមិនស្អិត ហើយមុខម្ហូបនេះក៏មិនធម្មតាដែរ។ ដែលហៅថា Konnyaku អាហារ​​តមដែល​ពេញ​និយម តាមពិតទៅជាដំឡូងដូង ដូចជាចាហួយ អាចផ្គត់ផ្គង់អាហាររូបត្ថម្ភបានគ្រប់គ្រាន់ ប៉ុន្តែមានកាឡូរីទាប។ Konnyaku មិនមានក្លិន រសជាតិ ដូច្នេះអាចធ្វើអោយមនុស្សជាច្រើនមានអារម្មណ៍​មិន​ឆ្ងាញ់ ប៉ុន្តែចំណុចល្អអ្នកអាចដាក់គ្រឿងទេសតាមចិត្ត។

ប្រជាជនជប៉ុនក៏ល្បីទទួលទានបន្លែច្រើន បុ៉ន្តែមិនមែនមនុស្សគ្រប់គ្នាស្គាល់បន្លែប្លែកៗទាំងនេះទេ។

Umi-budo (សារាយសមុទ្រទំពាំងបាយជូ)

ប្រភេទរុក្ខជាតិសមុទ្រផ្សេងទៀតដែលអ្នកទាំងអស់គ្នាប្រហែលជាស្គាល់រួចមកហើយគឺសារាយសមុទ្រទំពាំងបាយជូ មានច្រើននៅតំបន់សមុទ្រ Okinawa ។ អាចចាត់ទុកជាមុខម្ហូបបន្ទាប់បន្សំ ហើយទទួលទានជាមួយ​ស៊ីអុីវជប៉ុន។ សារាយសមុទ្រទំពាំងបាយជូមានលក្ខណៈពិសេស ផ្ទុះដូចពពុះក្នុងមាត់របស់អ្នក មិនត្រឹម​តែឆ្ងាញ់ថែមទាំងទទួល​ទាន​ទៅ​សប្បាយ​ម្យ៉ាង​ដែរ។

ក្នុងវប្បធម៌ជប៉ុនមានពាក្យ Mottainai (ខ្ជះខ្ជាយ) និងត្រូវបានគេប្រើក្នុងម្ហូប ដោយ​ប្រើ​សាច់ និង​អាហារ​សមុទ្រ​ផលិតមុខម្ហូបដូចជា Tarako, Mentaiko និង Shirako ។ ជាទូទៅមុខម្ហូបទាំងនេះគឺពងត្រី ប៉ុន្តែកុំច្រឡំនឹង Caviar ។ Tarako ជាពងត្រីម័ររុយ (ថង់ពងត្រីញី) ។ Mentaiko មានប្រភពមកពីប្រទេសកូរ៉េ បន្ថែមគ្រឿងទេសច្រើន​មុខ បរិភោគជាមួយបាយ ឬដាក់ក្នុងបាយពូត Onigiri ។ ដែលមិនសូវមានគេស្គាល់គឺ Shirako ជាថង់មេជីវិតឈ្មោល​របស់​ត្រីម័ររុយឈ្មោល (ឬត្រីសាម៉ុង ត្រីក្រពត។ល។) ។ បើប្រៀបនឹង Mentaiko, Shirako សម្រាប់អ្នកដែលចង់​ភ្លក់​របស់​ប្លែក ច្រើន​តែបញ្ចូលជាមួយ Sashimi ។

Horumon/Motsu

Horumon ជា​ប្រភេទ​អាហារ​ដែល​មាន​គ្រឿង​ផ្សំ​សំខាន់​​សាច់​ជ្រូក និង​សាច់គោ។ Horumon និង motsu អាចអាំង (ដូច​ជា horumonyaki ឬ motsuyaki) ឬ​ស្ល nabe (motsu nabe ជាមុខម្ហូបពេញនិយម) ។

Oden 

Oden ជាប្រភេទឆ្នាំងភ្លើងបែបប្រពៃណីជប៉ុន មាន​ប្រវត្តិ​ជាង ១០០០ ឆ្នាំមកហើយ។ គ្រឿងផ្សំផ្សេងៗត្រូវបានបន្ថែម​ក្នុង​មុខម្ហូបជាច្រើនឆ្នាំ ប៉ុន្តែគ្រឿងផ្សំដែលពេញនិយមបំផុតនាពេលនេះគឺតៅហ៊ូ ប្រហិតត្រី និង konnyaku ។ អ្នកអាចរកទិញ Oden នៅតាមភោជនីយដ្ឋាន ពិសេសហាងលក់ទំនិញ ឬប្រសិនបើចូលចិត្តអ្នកអាចចម្អិន​នៅ​ផ្ទះ។

នៅពេលអ្នកទិញក្នុងហាង អ្នកអាចជ្រើសរើសគ្រឿងផ្សំដែលខ្លួនចូលចិត្ត ហើយទូទាត់សម្រាប់ប្រភេទនីមួយៗ។

Ochazuke

Ochazuke គឺជាបាយស្រូបទឹកតែ មុខម្ហូបនេះមានអាយុកាលយូរណាស់មកហើយ ក្នុងសម័យ Jomon (ប្រហែល ១៤.០០០-៣០០ មុនគ.ស)។ គ្រាន់តែចាក់ទឹកតែចូលបាយជាការស្រេច ប៉ុន្តែអ្នកអាចច្នៃដោយបន្ថែមទឹកស៊ុប ទឹក​សុីអុីវ ជ្រក់ ឬ​គ្រឿង​ទេសផ្សេងទៀត។ ប្រភេទតែដែលអាចប្រើបានមានដូចជា Sencha, Hojicha និង Matcha ។

Chankonabe

Chankonabe គេហៅថា “Sumo ស្ងោរ” ជាមុខម្ហូបឆ្នាំងភ្លើងរបស់ជប៉ុន។ ដូចដែលបានបង្ហាញនេះជារបបអាហារសំខាន់របស់ Sumo ។ គោល​បំណង​ផ្គត់​ផ្គង់​ប្រូតេអុីន និងអាហារូបត្ថម្ភដែល Sumo ត្រូវការដើម្បីរក្សាកម្លាំង។ ជា​ការ​ពិត​ណាស់ មិនមែន Sumo ក៏អាចទទួលទានបានដែរ។

ដំបូង មុខម្ហូបនេះដាក់គ្រឿងផ្សំច្រើនកាន់តែល្អ ហេតុ​នេះបានជា chankonabe មិនមានរូបមន្តជាក់លាក់ទេ។ ជាទូទៅ​គ្រាន់​តែ​មាន​បន្លែ សាច់​គោ សាច់​មាន់ ត្រី តៅហ៊ូ និងប្រហិត។

ដូចដែលអ្នកមើលឃើញ ម្ហូបជប៉ុនមិនត្រឹម​តែមាន Sushi ឬ Yakiniku ។ មានមុខម្ហូបមួយចំនួនមិនមែនមនុស្សគ្រប់​គ្នា​សុទ្ធ​តែចង់ភ្លក់នោះទេ ប៉ុន្តែអាចបញ្ចូលក្នុងរបបអាហារប្រចាំថ្ងៃដើម្បីបង្កើនសុខភាព។

Sacchan