ដើម្បីដឹងអំពីស្ថានភាពសុខភាពផ្លូវចិត្តរបស់បុគ្គលិក ក្រុមហ៊ុន​ជប៉ុន​បង្កើត​របារ HP

គំនិត​ល្អ…

អ្នកដែលធ្លាប់លេងហ្គេមប្រាកដជាស្គាល់របារ HP (Health point ឬ hit point) ជាតួលេខបង្ហាញអំពីកម្រិតកម្លាំង​ដែល​តួអង្គ​ហ្គេម ឬវត្ថុអាចទទួលបាន។ សរុបទៅ HP ទាបជិតស្លាប់ ចំណែក HP ពេញមានកម្លាំងខ្លាំង។

“HP មាន​កម្រិត​ទាប” ក៏ជារបៀបនិយាយលេងសើចកំពុងគ្មានអារម្មណ៏ កំពុងខ្វះថាមពលធ្វើការ។

ក្រុមហ៊ុនជប៉ុនដែលមានមូលដ្ឋាននៅទីក្រុងតូក្យូបានអនុវត្តគំនិតនេះ ដើម្បីឱ្យបុគ្គលិកអាចបង្ហាញពីស្ថានភាពផ្លូវចិត្តរបស់ពួកគេដោយមិនចាំបាច់និយាយចេញ។

ការប្រាស្រ័យទាក់ទងជាកត្តាសំខាន់នៅកន្លែងធ្វើការ គ្រប់ទម្រង់ដូចជាប្រជុំ ទទួលទានអាហាររួមគ្នា សុទ្ធតែក្នុង​គោល​បំណងអោយបុគ្គលចែករំលែក កាន់​តែ​ស្និទ្ធស្នាល យល់ចិត្តគ្នា មិនត្រឹម​តែសំដៅទៅលើការងារ រួមទាំងបញ្ហានៅកន្លែង​ធ្វើ​ការ ដើម្បីសហការគ្នាកាន់តែប្រសើរឡើង។

ទោះជាយ៉ាងណា ទម្រង់ដែលគេហៅថា bonding នេះអាចកើតមានបញ្ហាច្រើន។ តាមទ្រឹស្តី អំឡុងពេល bonding បែបនេះ ថ្នាក់លើរំពឹងថា​បុគ្គលិក​របស់​ខ្លួននឹងចែករំលែកការលំបាក ភាពនឿយហត់នៅកន្លែងធ្វើការ ដើម្បីអោយ​អ្នក​រាល់​គ្នា​អាច​ជួយ​គ្នា។ ដោយសារវប្បធម៌ជប៉ុន (ពេលខ្លះ​វប្បធម៌​ទាំង​អស់) អោយតម្លៃប្រភពថាមពល មនុស្ស​ជាច្រើនសម្រេចចិត្តលាក់បាំងជាជាងចែករំលែកផ្ទាល់ ពួកគេព្យាយាមបង្ហាញពីចំណុចវិជ្ជមានរបស់ខ្លួន ដូច្នេះ​ហើយ​ភាព​តាន​តឹង​កាន់​តែ​ច្រើន។

ដើម្បីដោះស្រាយបញ្ហានេះ ក្រុមហ៊ុនប្រព័ន្ធផ្សព្វផ្សាយ និង Logistic Onken នៅ Tokyo ដែលបានបំផុសគំនិតដោយ​​វីដេអូ​ហ្គេមធ្វើ​របស់មួយចំនួនសម្រាប់បុគ្គលិកក្នុងក្រុមហ៊ុន។

បុគ្គលិកម្នាក់ៗនឹងទទួលបានផ្លាកសញ្ញាចំនួន ៣ របារពណ៌ខៀវមាន HP ១០,០០០ ពេញ របារពណ៌លឿងមាន HP ៣៨៩៩ និងរបារ “life support” ពណ៌ក្រហមមានកម្រិត HP ចំនួន ១៥ ប៉ុណ្ណោះ។ បុគ្គលិកអាចជ្រើសរើសពាក់ផ្លាកសញ្ញាអាស្រ័យលើស្ថានភាពបច្ចុប្បន្នរបស់ពួកគេ លើកទឹកចិត្តឱ្យមានភាពស្មោះត្រង់ចំពោះអារម្មណ៍ផ្ទាល់ខ្លួន ចែក​រំលែក​ជា​មួយ​មិត្ត​រួម​ការងារអំពីស្ថានភាពបច្ចុប្បន្នដោយមិនចាំបាច់និយាយចេញ។

អ្នកប្រើគណនី Twitter ម្នាក់បានសួរថា “ប្រសិនបើនរណាម្នាក់ពាក់ផ្លាកសញ្ញា HP ទាប តើអ្នករាល់គ្នាព្យាយាមធ្វើល្អ​ចំពោះ​ពួក​គេ​ដែរ​ទេ? Onken ឆ្លើយថា (ពួកគេនឹងធ្វើបែបនេះ)” ។

បច្ចុប្បន្នមានតែបុគ្គលិក Onken ប៉ុណ្ណោះដែលអាចប្រើរបារនេះ ប៉ុន្តែប្រសិនបើគំនិតនេះទទួលបានមតិវិជ្ជមានច្រើន ក្រុម​ហ៊ុន​នឹង​ពិចារណា​លក់​នៅ​ខែ​ក្រោយ។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: