ហេតុអ្វីបានជា Osaka ក្លាយជាទីក្រុងគួរឱ្យ​ចង់​រស់នៅជាង Tokyo ទៅទៀត?

កាលពីពេលថ្មីៗនេះបើតាម Global Livability Index ទីក្រុង Osaka ជាប់ចំណាត់ថ្នាក់លេខ ១០ ហើយជាតំបន់តែ​មួយ​គត់​នៅ​ជប៉ុន​ស្ថិត​ក្នុង Top ទីក្រុង​គួរ​ឱ្យ​ចង់​រស់នៅទាំង ១០ លើពិភពលោក។ 

ហេតុអ្វីបានជា Osaka ឈានមុខ Tokyo ទទួលបានកិត្តិយសនេះ? សូមក្រឡេកមកមើលចំណុចដែលគួរ​ឱ្យ​ចង់​​រស់​នៅ​មួយ​ចំនួន​នៅ Osaka ខាង​ក្រោម។

សុវត្ថិភាព

ជប៉ុនជាប្រទេសដែលល្បីមានគ្រោះធម្មជាតិដូចជារញ្ជួយដី ទឹកជំនន់ រលកយក្សស៊ូណាមិ។ល។ ទីតាំងភូមិសាស្ត្រប្រទេស​នេះ​មិន​អំណោយ​ផល​នោះ​ទេ ប៉ុន្តែគ្រោះមហន្តរាយទាំងនេះកម្រកើតឡើងនៅ Osaka ណាស់។

មុន Tokyo, Kyoto និង Nara ទីក្រុង Osaka ធ្លាប់ជារាជធានីប្រទេសជប៉ុន។ ជួរភ្នំនៅជុំវិញតំបន់នេះផ្តល់ការការ​ពារ​ដ៏​ល្អ​សម្រាប់​ប្រទេស​នេះពីគ្រោះធម្មជាតិ និងកម្លាំងឈ្លានពាន។

សន្តិសុខនេះនាំមកនូវភាពរុងរឿងដល់ Osaka កំណើនប្រជាជនឆាប់រហ័ស ដូច្នេះពួកអភិជនបានសម្រេចចិត្តផ្លាស់​ទៅ​តំបន់​ផ្សេង​ទៀតដើម្បីរស់នៅ ហើយជាមួយគ្នានេះធ្វើឱ្យ Osaka ក្លាយជាមជ្ឈមណ្ឌលផលិតកម្ម និងពាណិជ្ជកម្ម ដែល​លក្ខណៈ​ពិសេស​បន្តរហូតមកដល់សព្វថ្ងៃនេះ។

ទោះជាយ៉ាងណា អត្រាឃាតកម្មក្នុងតំបន់មានកម្រិតខ្ពស់ ប៉ុន្តែមិនមានន័យថារស់នៅ Osaka បង្កហានិភ័យធ្វើអោយស្លាប់ខ្ពស់នោះទេ។ ស្ថិតិបង្ហាញថាលុះត្រាតែអ្នកចូលរួមសង្គ្រាម ឬជាប់ពាក់ព័ន្ធនឹងក្រុមសង្គមងងឹត កម្រណាស់ដែលអ្នកបាត់បង់ជីវិតក្នុងដៃមនុស្សមិនស្គាល់គ្នា។

ភាពរួសរាយរាក់ទាក់

ដូចដែលបានរៀបរាប់ខាងលើ ក្នុងប្រវត្តិសាស្ត្រ Osaka ធ្លាប់ជាទីក្រុងសម្រាប់អ្នកជំនួញ មិនមែនពួកអភិជនទេ។ ក្នុងអាជីវកម្មមិនសំខាន់អ្នកដឹងអ្វីនោះទេ ប៉ុន្តែអ្នកស្គាល់នរណា។ អាជីវកម្មចំណាយប្រាក់ជាថ្នូរដើម្បីទទួលបានទំនាក់ទំនង។

នោះហើយជាមូលហេតុដែល Osaka ជាទីក្រុងមានការរីកចម្រើនបំផុតនៅជប៉ុន។ ជាទូទៅនៅទីក្រុងធំៗ ប្រជា​ជន​​មាន​ទំនោរ​រស់នៅដោយឯករាជ្យ រហូតដល់ថ្នាក់គិតតែភាពអាត្មានិយម ហើយយកចិត្តទុកដាក់តែបញ្ហាផ្ទាល់ខ្លួនប៉ុណ្ណោះ។ ជាងនេះទៅទៀត ប្រជាជននៅ Osaka និយាយត្រង់ មានលក្ខណៈងាយស្រួល។

ថោក

តើរស់នៅកន្លែងណាទើបចាត់ទុកថាថោក? ចម្លើយ​ចំពោះ​សំណួរ​នេះ​អាស្រ័យ​លើ​តម្លៃ​អាហារ និង​កន្លែង​ស្នាក់នៅ។ នៅ Osaka មានការផ្តល់ជូនជាច្រើនសម្រាប់ចំណុចទាំងពីរនេះ។

ជាការពិតណាស់ Osaka ជា​ទីក្រុង​ធំ​ ហើយភាគច្រើនមានអាផាតមិន​ថ្លៃៗ ប៉ុន្តែអ្នកនៅតែអាចស្វែងរកអាផាតមិនថោកនៅជិតស្ថានីយ៍រថភ្លើង។ ក្រៅពីនេះ Osaka មានប្រវត្តិជួញដូរយូរមកហើយ ដូច្នេះអ្នកមិនចាំបាច់ស្ទាក់​ស្ទើរ​ក្នុង​ការ​តថ្លៃ​នៅ​ទីនេះ​ឡើយ។

លើសពីនេះទៅទៀត អាជីវកម្មក្នុងស្រុកដឹងយ៉ាងច្បាស់ចំពោះអ្នកប្រើប្រាស់ចូលចិត្តទំនិញថោក ដូច្នេះពួកគេតែង​តែ​ផ្តល់​ការ​បញ្ចុះ​តម្លៃ។ ដើរតាមផ្លូវមើលឃើញផ្លាកសញ្ញាសរសេរថា “SALE” មិនតិចទេ តាមហាង ២៤ ម៉ោងក្នុងមួយ​ថ្ងៃ ៧ ថ្ងៃក្នុងមួយសប្តាហ៍ ៣៦៥ ថ្ងៃក្នុងមួយឆ្នាំ។

សូម្បី​តែ​ម៉ាស៊ីន​លក់​ដោយស្វ័យប្រវត្តិក៏ឆ្លើយតបតម្រូវការលក់ភេសជ្ជៈ​ក្នុងតម្លៃ ៨០, ៥០ ឬ ១០ យ៉េនផងដែរ។

សរុបទៅ សម្រាប់អ្នកដែលបានរស់នៅក្នុងទីក្រុងតូក្យូ លទ្ធផលចំណាត់ថ្នាក់នេះមិនគួរឱ្យភ្ញាក់ផ្អើលនោះទេ។ Osaka អាច​ប្រៀបធៀបទៅនឹង Vienna, Copenhagen, Zurich, Calgary, Vancouver, Geneva, Frankfurt, Toronto, Amsterdam, Melbourne និងទីក្រុងរាប់រយនៅទូទាំងពិភពលោកក្នុងចំណាត់ថ្នាក់នេះ។

Sacchan