ដោយសារអតិផរណាភេនឃ្វីននៅសួនសត្វជប៉ុនត្រូវប្តូរមកស៊ីត្រីថោក ប៉ុន្តែវាមិនព្រមសុីចំណី

ប្រជាជនជប៉ុនបរិភោគអាហារសមុទ្រច្រើន ដូច្នេះហើយពួកគេក៏ប្រុងប្រយ័ត្នចំពោះការជ្រើសរើសអាហារសមុទ្រ​ផង​ដែរ។ មិន​ត្រឹម​តែ​មនុស្ស​ប៉ុណ្ណោះ​ទេ សូម្បីតែសត្វភេនឃ្វីននៅជប៉ុនក៏រើសចំណីណាស់ដែរ។

ប្រទេសជប៉ុនធ្លាប់មានអត្រាអតិផរណាទាបបំផុត ប៉ុន្តែសព្វថ្ងៃនេះខុសគ្រាមុន។ ក្នុង​រយៈពេល​ប៉ុន្មាន​ខែ​កន្លង​មក​នេះ ស្ទើរតែ​គ្រប់​អាជីវកម្ម​ក្នុង​ប្រទេស​ជប៉ុន​ត្រូវ​ដំឡើង​ថ្លៃ។ ចំណុចនេះមិនត្រឹម​តែប៉ះពាល់ដល់ថវិការបស់គ្រួសារនីមួយៗប៉ុណ្ណោះទេ ថែមទាំងប៉ះពាល់ដល់របបចំណីរបស់ភេនឃ្វីននៅសួនសត្វ​ទៀត​ផង។

សត្វភេនឃ្វីននៅ Hakone-en, Kanagawa ចូលចិត្តសុីត្រី Aji ប៉ុន្តែដោយសារអតិផរណាតម្លៃត្រី Aji ឡើងថ្លៃ ៣០% ។ ដោយបារម្ភអំពីបញ្ហាថវិកា បុគ្គលិកត្រូវលាយត្រី Saba ជាមួយនឹងបរិមាណត្រី Aji បន្តិចដើម្បីអោយចំណី​ភេន​ឃ្វីន។

ប៉ុន្តែភេនឃ្វីនមិនព្រមសុីចំណី…

ដូចដែលអ្នកមើលឃើញក្នុងវីដេអូខាងលើ សត្វភេនឃ្វីនងាកទៅម្ខាងមិនព្រមសុីចំណី។ ចំណែកសត្វភេវាហាក់ដូច​ជា​មិន​សូវ​រើស​ចំណី​ទេ ប៉ុន្តែជាទូទៅសត្វមួយចំនួនរើសចំណី។

ទាំងនេះមិនមានន័យថាសត្វភេនឃ្វីនអត់ឃ្លាននោះទេ ពួកវានៅតែទទួលបានចំណីចម្រុះដែលមានបរិមាណត្រី Aji ពី ៣០% ទៅ ៤០% ។

នាយកនៅ Hakone-en លោក Daiki Shimamoto បាននិយាយថា “គ្រាន់តែដំឡើងថ្លៃចូលគ្រប់យ៉ាងនឹងត្រូវបានដោះស្រាយ ប៉ុន្តែដោយការខិតខំប្រឹងប្រែងរបស់ខ្លួន យើង​នឹង​បង្កើត​បរិយាកាស​ដែល​មាន​ផាសុកភាព​បំផុត​សម្រាប់​​ភ្ញៀវ​​ដែល​​មក” និងបញ្ជាក់ថា “ខ្ញុំគ្មានចេតនាដំឡើងថ្លៃទេ” ។

Sacchan