រដូវក្តៅនៅជប៉ុនឆ្នាំនេះមិនដូចរាល់ដងនោះទេ

នៅរដូវក្តៅឆ្នាំនេះខ្វះសញ្ញាធម្មជាតិជាច្រើនដែលមានកាលពីឆ្នាំមុន។

ដូច្នេះតើរដូវក្តៅធម្មតានៅប្រទេសជប៉ុនមានអ្វីខ្លះ?

ដូចជាផ្កា Hydrangea រីកស្គុះស្គាយ រដូវវស្សាចាប់ផ្តើម សរុបទៅជារដូវរ៉ូមែនទិកជាមួយនឹងសម្រស់ផ្ការស់រវើក។ ទោះ​ជា​យ៉ាង​ណា សម្រស់ពណ៌​ស្រស់ស្រាយនៅឆ្នាំនេះ​ប្រែ​ទៅ​ជា​ពណ៌ពន្លឺ​ព្រះ​អាទិត្យ ហើយក៏មិនមែនជាពន្លឺថ្ងៃស្រទន់នោះ​ដែរ ប៉ុន្តែ​ជា​ពន្លឺ​ព្រះអាទិត្យ​ក្តៅខ្លាំង។

ក្រៅពីនេះ មនុស្សជាច្រើនកត់សម្គាល់ឃើញថា នៅឆ្នាំនេះមានមូសតិចជាងរាល់ឆ្នាំ។

នៅរដូវនេះមនុស្សជាច្រើនតែងស្លៀកអាវដៃខ្លី ខោខ្លី ពាក់ស្បែកជើងផ្ទាត់ និងមានស្នាមមូសខាំ។ ប៉ុន្តែឆ្នាំនេះ​ភាគ​ច្រើន​អ្នក​រាល់​គ្នានៅ​ផ្ទះ​បើក​​ម៉ាស៊ីន​ត្រជាក់ ហើយក៏មិនសូវត្រូវមូសខាំដែរ។ ជាការពិតមូសធ្វើសកម្មភាពចន្លោះ​ពី ២៥ ទៅ ៣០ អង្សាសេ ចំណែកឯឆ្នាំនេះសីតុណ្ហភាពខ្ពស់ ប្រហែល​ជា​មូស​ក៏​មិន​ចង់​ចេញ​ទៅ​ក្រៅ​ដែរ។

មូសមិនមែនជាសត្វតែមួយគត់ដែលស្អប់រដូវក្តៅឆ្នាំនេះទេ សូម្បីតែសត្វរៃដែលតែងតែបញ្ចេញសម្លេងនារដូវក្តៅក៏ខ្ជិល​ដែរ។ រដូវវស្សាឆ្នាំនេះមិនបានដាស់សត្វរៃដូចរាល់ឆ្នាំនោះទេ ព្រោះតែរដូវក្តៅឆ្នាំនេះមិនមានភ្លៀងគ្រប់គ្រាន់ ហើយ​ក្តៅ​ពេក។

ថ្វីត្បិតតែរដូវផ្កា Hydrangea យឺត ប៉ុន្តែការព្យាករណ៍ទឹកភ្លៀងសម្រាប់តំបន់ភាគច្រើននៅជប៉ុននាសប្តាហ៍ក្រោយបាន​បង្ហាញ​ថា សត្វ​ល្អិត​នឹង​ចេញ​មក។

Sacchan