រកឃើញសាកសពរបស់ Mangaka លោក Kazuki Takahashi អណ្តែតលើសមុទ្រ

កងកម្លាំងការពារដែនសមុទ្រជប៉ុនប្រទះឃើញសាកសពរបស់ Mangaka លោក Kazuki Takahashi (ឈ្មោះពិត Kazuo Takahashi) នៅជិតឆ្នេរសមុទ្រទីក្រុង Nago, Okinawa នៅព្រឹកថ្ងៃពុធ ទី ៦ ខែកក្កដា។ គាត់បានទទួលមរណភាពនៅអាយុ ៦០ ឆ្នាំ។

យោងតាមព័ត៌មានពីប៉ូលីសលោក Takahashi ត្រូវបានបំពាក់ដោយឧបករណ៍មុជទឹក និងបំពង់ខ្យល់។ បច្ចុប្បន្ន​ពួក​គេ​​កំពុង​​ស៊ើប​អង្កេត​​រក​​មូល​ហេតុ​នៃ​ការស្លាប់។ មនុស្សម្នាក់ជិះទូកឆ្លងកាត់ប្រទះឃើញសាកសពបានទូរស័ព្ទទៅ​កាន់​លេខទាន់ហេតុការណ៍ដែន​សមុទ្រ​ជប៉ុន​ដើម្បី​រាយការណ៍ពីស្ថានភាព។ សព​អណ្តែត​នៅ​ចម្ងាយ​ ​៣០០ ​ម៉ែត្រ​ពី​​ឆ្នេរ​​សមុទ្រទីក្រុង Nago វេលាម៉ោងប្រហែល ១០ៈ៣០ នាទីព្រឹក។

Manga Yu-Gi-Oh! ដែលចេញផ្សាយលើ Weekly Shonen Jump ចាប់ពីឆ្នាំ ១៩៩៦ ដល់ឆ្នាំ ២០០៤ ។ Manga បន្ទាប់​ពី​ដាក់​​ចេញ​ដំបូងបានក្លាយជាសៀវភៅរឿងល្បីលំដាប់អន្តរជាតិ ដោយបន្តរហូតមកដល់សព្វថ្ងៃនេះជាមួយនឹងស្នា​ដៃ​ដូច​ជា Card game, Anime ប្រដាប់ប្រដាលេង និង Series manga ថ្មី។ លោក Takahashi បានឈ្នះពានរង្វាន់ Inkpot របស់ Comic-Con International ក្នុងខែកក្កដា ឆ្នាំ ២០១៥ ។ ពានរង្វាន់នេះទទួលស្គាល់បុគ្គលដែលចូលរួមចំណែក​​យ៉ាង​ឆ្នើម​ចំពោះ​សៀវភៅរឿង រឿងប្រឌិតវិទ្យាសាស្រ្ត ភាពយន្ត ទូរទស្សន៍ គំនូរជីវចល និង Fandom ។

លោក Takahashi ក៏ជាអ្នកនិពន្ធ Manga The Comiq អបអរសាទរខួបលើកទី ៥០ នៃទស្សនាវដ្តី Weekly Shonen Jump របស់ Shueisha ក្នុងឆ្នាំ២០១៨ ។ Viz Media បានបោះពុម្ភផ្សាយ Manga នេះក្រោមទម្រង់​ឌីជីថល។

Meoz